死後，我成為了地府的牛頭馬面: 7.10

「伯爺公，我真係好唔捨得你......」伯爺婆情深款款，看著吳強的食相。

吳強放下碗筷，微微笑了一下。

「傻婆，我都好唔捨得你。但係我地呢d老骨頭到咁上下年紀就要走。」

生老病死乃人生必經階段。

不捨從不是可以豁免的理由。





「不如......我同德仔落黎陪你。」伯爺婆盯著吳強。

「好啊！我要陪爺爺！」德仔手舞足蹈，高興地笑著。

在大多小孩的字典中，從不存在死亡二字。

提及死亡，伯爺婆的眼神沒有恐懼，只有期待。

生與死對伯爺婆而言從不重要。





重要的是，一路伴著最愛的人，吳強。

凡人害怕死亡，只因害怕失去，失去所愛的人。

聽到伯爺婆的說話，我呆了呆，瞄了吳強一下。

吳強面有難色，夾緊眉心，神色凝重地看著伯爺婆。

「伯爺婆......你咁講係咩意思......」





「我既意思係......我想陪你一生一世.....不求同年同月同日生，但求同年同月同日死......」伯爺婆展露出甜蜜的笑容。

「唔好啊......你仲要照顧自己，仲要德仔啊......我地應承左阿飛要好好照顧我地個孫架......」吳強聲線發抖。

「我只想被你照顧，仲有永遠都陪著你......」伯爺婆聲線變得微弱。

「伯爺婆！唔好啊！」吳強歇斯底里地叫喚著她。

此事德仔走到吳強與伯爺婆中間，抱著他們的大腿。

「爺爺女麻女麻，你地唔好鬧交啦，老師話要相親相愛架！」

吳強看了德仔一眼，驚慌地用手背感受他的體溫。

「德仔，你有冇唔舒服啊......」吳強緊張地詢問。





吳強等不到回應，德仔便隨即倒地，眼睛與嘴巴微微開合，就像被釣上岸上的魚。