死後，我成為了地府的牛頭馬面: 6.3

堅定的眼神象徵無畏無懼，更不害怕結果。

「就等我改左我既死亡日期！邊個都唔可以阻止我番去！」

吳強快速翻動手中生死冊，卻發現無一字一句。

「點解入面咩都冇......我明明係陸判手上搶番黎......」

「凡人未夠法力同道行睇生死冊！你好大膽，竟然襲擊本官！」陸判由陰差攙扶，慢慢站起身。





「姐係我拎到生死冊都冇用......」生死冊從吳強手中滑落到地上。

陰差一擁而上把吳強按壓在地上，使他動彈不得。

可是，他已經沒有掙扎與反抗。

眼神間的堅定轉變成絕望。

「你真係好大膽！本王要懲野你十年後先可以投胎！」閻羅王懲罰亡者的情況屢見不鮮。





可是毫無法力的亡者搶走生死冊，我卻第一次遇見。

「牛頭，凡人既執著真係好可悲。」馬面對我耳語。

「吓？」我不知如何是好。

「你應該慶幸自己無好似吳強一樣，為親人而執著，否則只會辛苦自己。」

「馬面大哥......究竟咩意思？」我把牛耳貼近馬面。





「千萬要切記，唔好重蹈覆轍，一次都唔可以，唔可以比你既記憶同思念成為弱點，否則修為道行一朝喪。」

馬面轉罷便轉身而去，把下位亡者帶到閻王殿。