死後，我成為了地府的牛頭馬面: 6.2

「吳強生前盡力照顧妻子及亡子遺下既幼子，待人友善，老年不嚐煙酒，全副心機投放於家人，作為家庭支柱更每日工作十六小時至過勞而死。」

「吳強年輕時曾為黑社會成員，曾犯下傷人，打劫，非禮等罪，直至兒子過生後再改過自身。」

年輕人，人誰無過。

老伯能夠猛然回頭，已比很多執迷不悟的人優勝。

「吳強，你年輕時雖然犯下不少錯事，但幸好老來反省，盡父親責任，功過表中你屬中中之人！你下世投胎至小康之家，重拾比家人照顧既感覺。」閻羅王掉下令牌。





老伯毫無反應，視線由此至終停留在地下。

「吳強！」我推了老伯一下。

「大人，我唔可以死住，我仲要照顧屋企人架。」

「吳強，本王明白你既心情，但生死早已註定，又豈容你胡亂更改。」閻羅王語氣溫和，不欲刺激吳強。

「你係閻王黎，全個地府你最大，你肯改，一定可以改.....你就當可憐下小人，佢地唔可以冇左我架......」吳強猛向閻王叩頭。





「凡人懷著種種原因而不想死去，每個人都有佢既理由，如個人人都心想事成就會天下大亂！」

別以為哀求就能心想事情，有時放下尊嚴也無補於事。

可憐卻不等於可被幫助。

「你地係天神，位列仙班，好應該幫助眾生排憂解難，令世間人人幸福先係！依家有兩個無依無靠既人等緊我去照顧，點解偏偏你地就唔幫我！」吳伯歇斯底里，對著閻王咆哮！

「大膽亡者，不得無禮！」馬面把吳強往後拉，好讓他與閻王保持距離。





「吳強，假如上天冇為你設想，你仲認為會自己有機會改過自身？人生總不能風平浪靜，總會遇上劫難！」閻王捋捋鬍子。

凡人總祈求事事順景，但人生卻容不下一點苦難。

「德仔同伯爺婆點算好啊......」吳強用力搥胸。

「陰差同我帶走吳強！」閻王掉下令牌。

此時吳強突然發難，奮力衝向陸判，陸判失去平衝而倒地，手中毛筆與生死冊亦散落一地。

吳強隨即撿起生死冊與毛筆，眼神充滿堅定意志。