【英雄系列5】天使與吸血鬼: 17
17.獵殺
「砰砰砰砰砰砰砰砰砰」
同一時間，一班手持自動步槍既人馬，正從方圓數百米衝過去七人車，並且不停開火
「凌愛瞳，趴低！！！」
希路將瞳瞳拉到座位下
「去死啦！！」
「砰！」
內應跳到中間坐位，用子彈射向友美
「噹！」
友美利用眷屬既超高速反應，將子彈擋響槍身前
「希路，保護瞳瞳」友美以車椅借力，跳到中間位置，跟迪拉斯內應對峙
響如此狹窄既空間內，兩人既行動都受到控制
內應先使出排雲掌，打向友美
友美不慌不忙，雙手胸前作閘，格下掌擊
內應先收招，再運勁使出雙龍出海
面對接二連三既攻勢，友美不慌不忙，低身避過
再用雙飛腿將佢踢開
「友美，出面班步兵越黎越近」
「嗯，咁你頂住先啦」
友美趁住空檔，跳到司機坐位
而希路就補上位置，跟迪拉斯內應交手
「友美，開車...凌愛瞳，小心照顧自己」
友美踩實油門，駕駛七人車離開槍擊圍攻
「咪即旨意！！！！」
內應向住友美舉出手槍
「砰！」
希路及時將佢既手拉高，子彈射上車頂
「轟！轟！轟！」
希路一記一記既左拳，打到內應既臉上
將佢打得頭破血流
七人車此時已經離開危險地帶
希路將內應手中既手槍搶走，指住內應
「講，另外果一架車既人去左邊！」
「嘿嘿，我唔知喎...」
「砰！砰！」
希路持續用手槍柄擊打內應
「希路你冷靜d先啦」友美對身後既希路道:「就算你將佢打死，都唔會知道大久保隊長佢地比人捉左去邊」
「...嘎」
希路搜索半死既內應身上既口袋，並無一物
「可惡，連一d線索都冇」
憤怒既希路打開車門，將內應掉出車外
「希路先生...」瞳瞳從車尾舉起頭
「咁...我地應該點做先？」友美繼續駕車，問:「去拎返Archangel？定救人先？」
「凌愛瞳，用andphone，睇下搵唔搵到大久保佢地既位置」希路命令瞳瞳
瞳瞳拎出andphone搜索，卻毫無結果:「唔得呀...搵唔到...」
「依家我地唔知道大久保佢地比迪拉斯捉左去邊，而迪拉斯又想同我地爭Archangel...」
希路冷靜分析:「我覺得我地應該要拎左Archangel先，迪拉斯知道Archangel響我地手上之後一定會要脅我地..到時就可以知道佢地既下落」
「咪住...咁..咁...大久保先生佢地咪好危險？！」瞳瞳問
「迪拉斯要利用佢地黎要脅我地，一定唔會咁快殺死佢地」
希路點起煙:「凌愛瞳，我明白你好心急，不過萬大事都要以大局為重...換轉係大久保，佢都會選擇先拎Archangel」
「.....」
瞳瞳心中祈禱:「各位...唔好有事呀.....」
半小時後，三人順利到達Archangel指示既位置
一個山谷
「奇怪...一部電腦無理由會擺響個山谷度架喎」瞳瞳落車，道
友美望住andphone上既坐標:「我地依家呢個位，仲同坐標有一百米既距離」
「似乎，目標係響..果一個洞」
希路指住山谷遠方既一個洞口:「方向相同...果度，應該就係Archangel既所作地」
瞳瞳馬上起步
「咁...我地快d行啦」
「咪住，以免有危險..我同希路一前一後啦」友美用手阻住瞳瞳:「依家咁既情況，我地唔可以比你出事」
「友美小姐...」
接著三人進入山洞
「呢度太黑啦，瞳瞳你開andphone既電筒啦」行最前既友美提醒
「嗯...」瞳瞳打開電筒
「呢個山洞好新淨..而且洞身經過防地震處理」
殿後既希路道:「睇黎，我地估啱啦」
「其實...點解Archangel要放響呢d咁偏僻既地方呀？」
瞳瞳出其不意問:「擺返響IID既總部，唔係仲方便咩？」
「咁樣既話，就只會令更多人知道IID總部所在地，同時Archangel亦都更容易比人搶到」
希路道:「放響呢種地方，敵我都難以搵到，先係最安全」
「等陣，我地好似已經搵到啦，Archangel既主機」
友美照射住眼前既一個黑盒
呢個黑盒只係比起成人手掌大些少，後面插住多條電線
「無左洛迪古斯，睇黎我地都係得返一個選擇啦」友美拉高衣袖:「瞳瞳，幫我用燈照住Archangel，我要拆佢出黎」
「係」
經過一番工夫，友美總算將Archangel拆落黎
「呼，終於搞掂」友美問希路:「咁..我地下一步係？」
「出左山洞之後，我地即刻聯絡發叔，再搵最接近既IID分部」
希路早已有周詳計劃:「當然，如果迪拉斯主動聯絡我地，就另作別論」
「哈，希路你真係諗得周到」
希路走出洞口之際
「砰砰砰砰砰砰砰砰砰砰砰砰砰砰砰砰砰砰砰砰砰砰！！！！」
子彈從四方八面射向三人所處既山洞口
子彈既來源，正係四周既迪拉斯人員
幸好希路反應奇快，及時躲回洞中
「可惡..睇黎佢地係靠住車軚既痕跡跟蹤我地...」希路推斷:「就咁睇，出面既人馬可能有50人以上」
槍火繼續充斥洞口
「50人...我地三個各自都係得三把手槍....」
友美替手槍上膛，道:「呢個山洞得一個出口，如果佢地用爆炸品既話，我地就必死無疑，即係話...我地一定要殺出重圍」
「呢支槍...不如比你地用丫..」
瞳瞳遞上自己既配槍:「我咩都唔識，只會哂左..」
「唔駛，瞳瞳你留比自己用啦，有把槍旁身，總比手無寸鐵好...一陣你企響我地後面，我地會掩護你」
友美道:「希路，準備好未？」
「嗯」
「咁，要殺出去啦...」