【英雄系列5】天使與吸血鬼: 16

16.斐南共和國






「媽咪....」

「嗯？做咩呀瞳瞳？」






瞳瞳放下碗筷:「我..聽日開始要去公幹」


「吓？」

媽媽先係呆一呆:「公...公幹？！」






「嗯，今次係去馬來西亞傾一單商業合作...」

「咁...你要去響耐呀？」

「可能...都要三日...」

「哦..咁好啦，第一次出門，要小心d呀」







「嗯知啦！」


瞳瞳低頭食住飯餸，心中道

「對唔住呀媽咪，我又再一次講大話呃你」

「不過...有大家照顧我，絕對無問題架」




翌日






「呼！搭左9個鐘飛機，終於到啦！」

眾人拎住行李，走出斐南共和國首都，達斯既國際機場


「呢度就係...斐南共和國..」

瞳瞳眼前既斐南共和國，未算為一個非常發達既國家，大概跟巴基斯坦等中亞國家相似



「你好...相信你地就係香港IID既Archangel小隊啦」

一個戴住黑超既鬍鬚男子走到眾人面前，並出示特工執照





「我叫史密斯，係美國加洲IID Archangel小隊既隊長」


「你好，我叫大久保」大久保與其握手:「今次既行動，拜托哂啦」


「唔駛..Archangel對大家都好重要，所以今次一定要收修返好」

史密斯示意各人坐上身後既豪華轎車

「依家我地先帶你地去酒店放低行李先啦，然後先開始討論一下聽日拎返Archangel主機既行動」


「好，唔該哂」





瞳瞳亦跟住眾人上到轎車






前往酒店途中，車上一片沉靜


「友美小姐...」瞳瞳細聲問

「做咩？」






「點解...個氣氛好似好怪咁既..」

友美道:「咁係因為大家都知道，今次既行動唔係玩玩下，甚至好可能有危險」

「而且，大家都互不認識，咁拘謹都係好正常」



「有...危險..」

瞳瞳望住車外，斐南共和國既高樓大廈，內心泛起不安


經過不短既車程後，眾人到達達斯市中心中最高層既酒店

眾人放下行李後，就落到地下既會議廳


一進到會議廳，只見Archangel美國小隊既成員已經坐響長枱既一方，等待佢地


「響呢度進行作戰會議，唔怕隔牆有耳咩？」林聰問


「呢一層請你放心，呢一個會議廳有隔音裝置」史密斯道:「各位請坐丫」


大久保帶住各人，坐到另一方


瞳瞳望住對面既美國成員，大多都正氣凜然




「今次既行動目的只有一個，就係搵返Archangel主機，再視示情況決定即場修復定帶走」

史密斯為各位講解是次任務:「Archangel主機既坐標大約係位置首都達斯以北30公里，該處為荒山區域」

「所以我地暫定，聽日早上9點正式出發」

「雖然今次既行動非常隱秘，但以防有迪拉斯既人馬攻擊，請每人都隨身跟備武器」


「交通工具方面，我地準備左兩架七人車，啱啱夠我地兩隊用」

「為左避免引起懷疑，兩架車將會分開兩個時段」


「為免其中一方受襲導致全滅，我提議，將兩隊人馬打散」

美國陣營中既一人道:「咁樣，即使其中一架車全滅，兩邊隊伍都仲有人馬」


「嗯...有道理，咁我地分配一下啦」

大久保道:「兩邊既隊長應該要分開兩架車，你地有六個人，咁我地就派...希路、友美同瞳瞳過去史密斯隊長既車度啦」


「嗯，明白」


「好啦，咁我地就會派三個人去大久保隊長你地果邊」史密斯道:「咁你地架車就早5分鐘出發，有冇問題？」


「嗯，拜托哂啦...」







晚間


「要我地跟住..美國隊.......」

瞳瞳攤響床上，一面迷惘




「叮噹！」


「咁夜...係邊個呢....」

瞳瞳走到門前，用防盜鏡一望，係友美





「咔」


「友美小姐？」

「我可以入黎嗎？有d野想同你講」

「...可以呀，入黎丫」


友美入到房後，道

「唔好意思，咁夜仲阻住你休息」


「唔緊要，我都未訓...」瞳瞳坐上椅子上




「你...好緊張呀？」友美若有若無地問



「.....嗯...少少啦」

瞳瞳不自覺地露出不安既神情


「你緊張都啱既，今次要同一班未合作過既人同車」

友美笑道:「不過，瞳瞳你都經過左咁多既困難啦，今次...應該都唔會難到你既...」

「依家既你經過訓練，至少都有d戰鬥力丫」



「......」


友美呼一口氣:「而且...仲有我同希路嘛」



「友美小姐....」瞳瞳望住友美，無言以對


「放心啦，有我地保護你嘛」

友美摸瞳瞳既頭頂


「嗯..！」

「對唔住丫友美小姐，我...成日都要你地擔心....」


「邊係呢...你入左黎幾個月，其實已經好成熟架啦」

友美走到門道，道:「我走啦，早d訓啦，聽日仲要早起架」


「嗯，友美小姐早抖」


「友美小姐佢...竟然叫我瞳瞳...」



友美離開瞳瞳房間後


「睇黎...你最後都係冇同佢講喎」

一早已經等待住佢既希路挨響走廊，道


「呼...瞳瞳佢好緊張，如果我再同佢講既話，只會令佢更不安」

友美道:「我覺得，今日提議要分隊既果個人..有點可疑」



「嗯....不過冇辦法啦，唯有我地自己小心d」











翌日早上9時


「好，咁我地呢邊出發先」大久保坐上車上:「瞳瞳，你地小心d啦」

「嗯...」


「咁，一陣再見啦大久保隊長」史密斯道



睇住大久保等人既車離開後


史密斯道:「咁...大家上車啦，我地5分鐘後就會出發」

「係...」




5分鐘後，史密斯帶領既小隊亦正式從酒店出發

而駕駛七人車既，正係尋日提出分拆小隊既人




一如昨日，車上無人發聲


「揸車果個就係尋日分拆小隊既果個人...一定要小心........」

坐後方既希路同友美一直耐心監視住此人



20分鐘後，七人車駛到達斯以北20公里既荒山領域

四周空無一人，就連車輛亦缺乏

除左一架


「果架車...咪......」





公路上正在燃燒中既七人車




「係大久保隊長佢地架車呀！」瞳瞳睇到車牌後馬上大叫


「！！」希路同友美均感到意外



「停車！」史密斯道:「不過，我睇唔到架車入面有屍體，似乎佢地唔響架車度」

「我地落車睇下先啦」


「唔會既.....大久保隊長佢地點會....」



正響史密斯落車之際

「砰！！！砰砰砰！！！」


史密斯忽然身中多槍倒地



「隊長...」

「砰！砰！」

坐響中間既兩位美國成員亦慘被爆頭而死


「嘿，今次既計劃總算成功」

開槍連殺三人既，正係尋日提出分拆既美國成員



「咩...咩話....」

瞳瞳響一瞬間，被嚇到面無神色


「我地果然冇估錯，你將兩隊打散既原因就係為左暗殺我地，係咪？」

希路道:「大久保隊長，佢地已經比你既同黨捉哂，係咪呀....迪拉斯既內應」



「嘿，估到我係迪拉斯既成員，你都幾聰明喎」內應用槍對準三人


「除左迪拉斯之外，仲有咩組織會對Archangel咁有興趣丫」友美道



「咁...你地就安心上路啦！」