【英雄系列5】天使與吸血鬼: 4.指揮官

一分鐘後，四人已經逐個到達自己既位置


「希路，炮台街，location on」希路到達炮台街既後門後，以andphone向瞳瞳等人報告


「林聰，白加士街，location on」

「奈央，白加士街，location on~」





林聰同奈央兩人亦準備好


「友美，南京樓，location on」

而狙擊手友美就上到南京樓既天台，打開黑色手提箱，替裏面既既AWM/P狙擊槍裝嵌槍管



「收到...各...各單位standby」瞳瞳嘴巴震個不停







「放鬆d啦瞳瞳，你已經做哂你可以做既野架啦...」洛迪古斯飲住波子汽水，監察螢幕:「呢班人好勁架，你依家 
只需要坐定定睇戲」


「說話就唔係咁講啦西班牙佬！就算佢地既個人能力有幾勁，始終都總有1%機會失手既」

大久保呼一口氣:「所以，先需要瞳瞳你...」








「我...真係有咁重要....？」瞳瞳心中產生疑問




十分鐘後


「喂，有料到！」大久保叫道:「呢一架車牌RT342黑色日產貨van，響呢條街來回兜左三次啦」







大久保通知外面既各人:「各單位注意，一架黑色日產貨van，車牌RT342，懷疑就係target，隨時準備攻擊」


「大久保先生d觀察力...真係犀利」瞳瞳對大久保既專注力感到佩服



下午三點既南京街人流較少，的確適合落手





「呃！！！！」日產貨van響銀行門口急速停下





五個戴黑色頭笠既男子各拎住一支步槍，衝入銀行正門





「打劫！！！！！！」


「砰砰砰砰砰！！！！！！！」

帶頭既劫匪向天開了數發子彈






另外既幾個劫匪就一早已經用槍指住門口既保安



「呀呀呀呀！！！」銀行內既人一聽到槍聲，嚇到尖叫，抱頭倒下



「行...行動開始！！」

緊張得滿頭大汗既瞳瞳指揮四人:「兩名劫匪響櫃枱前面，另外三個就響近正門」








「收到」

希路率先闖入銀行，迅速閃到櫃枱既兩位劫匪前



「你....係咩..咩人呀」劫匪一時間反應不來


希路一語不發，拎出手槍向住較前既劫匪射擊

「啊呀」子彈擊中劫匪既小腹，鬆開手上既步槍


希路將步槍搶過黎，再對住另外既劫匪開火

「砰砰砰砰！」

劫匪身中多槍，應聲倒地


希路只用三秒就將兩位劫匪解決



即使隔黎螢幕，但瞳瞳第一次睇住殺人既情景，不禁有點心寒

「原來開槍殺人...係咁架..」瞳瞳心道:「希路先生...好犀利呀」




「操...操你媽的！！！！」眼見同伴被殺，後面操普通話既三名劫匪馬上舉槍，準備掃射希路


「砰！」

呢個時候，奈央同林聰亦由另一邊趕到


「還...還有！！！？」劫匪準備對住兩人開火




「砰砰砰砰」

奈央以靈活既身軀閃到地面上，避過槍擊

再將手上既三支苦無，投向劫匪


「插，插，插」苦無精準地插中三人


林聰乘住機會，跳到劫匪背後，以強而有力既雙臂將兩人捉住，壓落地板上



「呀....救命呀呀！！！！！」

剩下既一個劫匪見全員被擒，拔足逃出銀行



「友美小姐！」瞳瞳大叫

「明白」



「吱！」

劫匪一打開正門，友美就已經用狙擊槍，將佢既頭顱轟掉


望住螢幕中既血，以及頭顱爆開既屍體

瞳瞳嚇得目定口呆


「瞳瞳...瞳瞳.....！」大久保拍拍瞳瞳


「呃...我...我無事呀」瞳瞳從恐慌中回過神來:「任...任務完成，劫匪全部被擊殺，支援組將會於十分鐘內到 
達現場，各單位請返到前線指揮室」


「瞳瞳，頭先嚇親呀？」大久保關心瞳瞳，問


瞳瞳輕輕點頭

「少少咁啦...」


「第一次見headshot冇尖叫已經好犀利架啦....慢慢就會慣」


「大久保先生...係咪..一定要將敵人殺死？頭先林聰先生...都冇落到殺手..」瞳瞳斗膽問

「唔係既，其實我地都已經盡量減少人命傷亡，只係友美佢習慣左headshot解決敵人...我地都冇佢符」大久保苦 
笑道




眾人返到客貨車內


「呼...頭先響街standby熱死人囉...」滿頭大汗既奈央邊抹汗邊道:「咁曬法好易生雀麻架...」

「你咁老，點都生架啦！哈哈」洛迪古斯恥笑


「你個死金毛IT狗，你出去曬一陣丫，睇死你入醫院呀！」奈央聽到洛迪古斯既冷嘲熱諷，馬上還擊



「點都好啦，今次係瞳瞳第一次執行任務...習唔習慣呀？」林聰友善地問

瞳瞳苦笑點頭:「嗯...不過好似仲有少少緊張咁」


「慢慢黎啦瞳瞳，我第一次執行任務都好緊張架」奈央親切得如大姐姐

「係....」


「咦原來都成四點半啦喎！」洛斯古斯故意扯高聲線:「大佬！」

「唉知啦」大久保笑住嘆氣:「返到去換完衫就收工啦！」


「大佬好野！」


「.....」希路同友美就沒有理會，繼續閉上雙眼





裝備房內


「呼！又收工啦！」奈央除下特工服:「瞳瞳，今日辛苦哂你啦！」

「唔辛苦...畢竟執行任務既，係你地先啱...」瞳瞳無奈道:「我都好想，同奈央小姐你地一齊並肩戰鬥..」


「丫瞳瞳你真係個好怪既女仔喎...」奈央對瞳瞳理解不能:「不過，瞳瞳你咁勤力，我相信你實得既！」

「嗯...希望啦...」


「係喎，難得今日早收，我同你去relax下丫！」換好衣服既奈央雀躍道:「我帶你去做spa，按摩，再直落食飯丫 
...最多我請啦」


「但係...我平時都係返屋企企架喎....咁....」自從大學休學以後，瞳瞳已經少有外出與人應酬



「去啦...去啦...去啦~~~」

「嗯..咁好啦..」響奈央苦苦哀求下，瞳瞳只好屈服


「好野！！咁行啦！！！」奈央撓住瞳瞳既玉手，仿如姊妹一樣


「咁友美小姐...你...」



「我唔去啦」友美拎起自己既個人物品，先離開裝備房



「友美小姐....」

「呃...友美佢係咁架啦...」奈央一臉無奈





「啊~~~~~~好舒服呀~~~~~」奈央跟瞳瞳躺響床上，享受按摩服務:「點呀瞳瞳，呢間野我黎左幾次架啦，無介紹 
錯呢？」

「嗯.....」瞳瞳輕輕微笑


「笑得開心d啦瞳瞳」奈央道:「笑多d，人都靚d架！」

「係...」



「瞳瞳佢..好似好多野諗緊...」奈央閉起雙眼:「唯有...慢慢開解下佢啦」






晚飯期間

「嗯~~~好好食呀！瞳瞳你都試下丫！」

「嗯！」瞳瞳將牛扒放進口中:「好好味呀...」


「係呢...點解，奈央小姐你對我咁好既？」瞳瞳問:「雖然大久保先生佢地都好關心我，但係..奈央小姐你好似 
特別照顧我咁呀」


奈央飲住紅酒，溫柔回答

「我都唔知呀~可能係因為大家都係靚女，同聲同氣啦，哈哈！」



「奈央小姐，介唔介意講比我知...」瞳瞳抬起頭:「點解，你會做呢d工作既？」



「呃....」奈央先嚇一下

「奈央小姐，我想知道，你戰鬥既理由...」


「既然瞳瞳你問到，我就講啦，不過你唔好同其他人講喎！」奈央笑道

「嗯...我唔會講架...」


「daddy媽咪響我好細個果陣就離婚，而我就跟左daddy」

「佢係一個嚴重酗酒既人，我每日都會比佢虐打」

「終於，有一日我頂唔順，離家出走」

「行到去一個荒山野嶺，又凍又餓，好彩得到一個婆婆收留...佢就係我師父啦...」



「師父？就係教你忍術既人呀？」瞳瞳問



「嗯！師父佢仲有個外孫女叫美雪，不過佢同師父嘈過一次交就唔知去左邊啦」

有少許醉意既奈央小姐興高采烈道:「哈哈其實現實中邊有忍術丫！所謂既忍術只不過係一d高速少少既格門術，再加d武器運用咋！」



「咁大個左就做過下保鏢咁啦，果陣咁啱我師父識得發叔，發叔咪介紹左我入去做囉..」

「至於戰鬥既理由呀....冇呀，咁高人工丫嘛」




「原來奈央小姐細個咁慘」

「唔算慘啦，起碼都有飽飯食，已經好足夠架啦！」奈央小姐道




「發叔....」瞳瞳思量著:「當日就係佢話要請我」

「哈哈，咁更加證明發叔好眼光啦」



「係喎，瞳瞳你講過，你以前個男朋友都係IID特工黎架喎...佢叫咩名呀？」奈央奸笑道:「我講完自己野，係時 
候到瞳瞳你啦~」


「佢..佢叫石至磊呀」

瞳瞳遞上手機桌面上既合照


「都算幾試正丫...不過，呢個名都幾熟下喎，好耐響邊度聽過咁...」奈央望住合照沉思

「不過，瞳瞳當年點解會同佢分手既？」


瞳瞳吸一口氣，道出當年和男友既種種事件

「咁...瞳瞳你..又的確係傷害左石仔既....」


瞳瞳點點頭

「所以...果次之後我就再冇搵過石仔啦，我知我...冇資格搵佢...」


「咁又唔係喎...」奈央耐心分析:「從你頭先咁講，其實石仔都原諒左你啦...你唔好咁自責啦瞳瞳」

「你話過，你係因為石仔先咁想做特工，我又覺得...似乎只係你自己鑽牛角尖姐」

「佢果陣寧願比你誤解都唔講個真相出黎，就證明佢都唔想你卷入呢d問題度啦」



「.....」瞳瞳悶悶不樂，望住杯中既紅酒


「石仔...你，仲嬲唔嬲我呀.......？」