【英雄系列5】天使與吸血鬼: 3.第一個任務
「我食飽啦...」
瞳瞳食過晚飯後，又再返到房間
「繼續睇埋d行動報告先...」
瞳瞳睇住文件，心想
「到底...友美小姐點解會做特工既呢....」
瞳瞳打開手提電腦，搜尋關鍵字「友美 歌手」
果然，頁面隨即彈出多個結果
包括維基、youtube既影片
瞳瞳按下維基頁面
睇到最後一句「2016年，唱片公司對外宣佈，友美患上重病，需長期休養」
「長期休養...但係，今日友美小姐明明好精神架喎」
瞳瞳嘆一口氣，回想起今日奈央小姐講過既話
「不過...佢唔想既話，又的確冇得迫佢既」
「每個人都有自己既過去...」
「唔通...佢地所有人...都有著自己既秘密...？」
呢個問題，困擾左瞳瞳足足一整晚
翌日
「大久保先生早晨...」
一樣著住行政人員服既瞳瞳返到特別行動室
「早晨呀瞳瞳！」大久保依然非常友善:「瞳瞳，仲有三個字先到九點，咁早返既？」
瞳瞳點一點頭
「因為我住天水圍，我驚會遲到呀，所以我都會早d出門口...」
「呵呵，瞳瞳真係有時間觀念啦！好過班打靶仔多多聲呀」大久保飲了一口咖啡:「係呢瞳瞳，返左黎一日，慣唔
慣呀？」
「....都可以啦.....」瞳瞳嘴角揚一揚，點頭
「不過...」
「瞳瞳你係咪想問，希路同友美既事？」大久保早已識穿
「我好想知...佢地點解好似唔想同我地交流咁既？」瞳瞳問
「呼....呢層我都唔清楚喎，響半個月前佢地兩個加入果陣，佢地都已經係咁cool架啦」
大久保抬頭思量:「不過以我見過咁耐人既經驗，兩個人既眼神話比我聽，佢地都應該有一段哀傷既過去...」
「哀傷既過去...？」
「嗯，我身為組長，係唔應該問佢地咁多私人野既...」大久保苦笑:「恕我講唔到太多關於佢地既野比你聽啦，
唔好意思」
「唔..唔緊要....」
瞳瞳回想起當年響廣場內既友美
「大家好，我係友美呀！歡迎大家黎到我第一次既簽唱會啲！」
「果陣既友美小姐笑到好燦爛...完全唔似有段哀傷既過去...」
「早晨...」
「早晨呀！」
「早晨呀咁多位！早晨呀瞳瞳！」
組內既其餘成員都逐個返到，瞳瞳就不敢再想了
下午時份
「凌愛瞳」希路走到瞳瞳旁邊:「你，想唔想學揸槍？」
瞳瞳聽到，先嚇一嚇:「揸...揸槍？！」
「你唔係話想，做一個特工既咩？」希路一臉冷漠:「襯我今日得閒，我教下你」
「...係..嗯！唔該希路先生..」
瞳瞳跟住希路，落到23樓既射擊練習場
「砰！砰！砰！」
場內已經有不少IID人員正在練習
「雖然我地裝備房入面都有槍，但佢地只可以響行動既時候用」
希路取出證件，交給坐在練習場入口counter既鬍鬚大叔:「要練槍，就只可以黎到23樓呢度」
鬍鬚大叔一語不發，遞上一把Beretta 92手槍及6個彈匣
瞳瞳亦跟住遞上特工證件
鬍鬚大叔望左瞳瞳一眼
「小妹妹...你新黎架？」
「係呀...」瞳瞳含蓄地點點頭
大叔將手槍同彈匣放到瞳瞳面前
「子彈無眼，小心d」
「知...知道啦...唔該」
瞳瞳將手槍拎上手
「原來..手槍既質感係咁架....」
瞳瞳戴上耳罩同護目鏡後，希路就開始耐心講解
「凌愛瞳，首先我教你站姿同揸槍既手勢先」
「雙腳分開，右腳退後，身體前傾」
「嗯...」瞳瞳跟住照做
「唔錯..」希路取起手槍:「握槍手法就係，慣用手握實槍柄，食指放響護弓上，再用輔助手包住你既慣用手」
「呃...」瞳瞳似乎不太習慣呢種持槍手法:「好似...都係揸得唔好呀...」
「我幫你..」
希路從後貼近瞳瞳，捉住瞳瞳既雙手調較握槍手法
「右手手指公放後，同時雙手要包住槍柄..記住，開槍既後座力好強，左手比既力要大過右手」
「....係...」
跟帥氣既希路近距離接觸，令瞳瞳心跳加速
「嗯，咁樣就可以啦，之後就上膛，拉保險掣，扣trigger」
「砰！！！！！」
響希路既協助下，瞳瞳終於開了人生既第一發子彈
子彈亦打中靶邊
後助力令瞳瞳差點失平衡後退
幸好有希路支撐住，瞳瞳先不至於跌倒
「原來...d後座力係咁犀利架...」瞳瞳心裡想
「就係咁啦...開槍並唔係你想像中咁簡單」希路放開手，道:「咁，你仲想唔想...」
「想！」
瞳瞳毫不猶疑，再次擺出開槍手法
「砰！」
子彈打中靶中既空白位置
「哎！」氣力不足既瞳瞳，始終無法安定射擊
「....好好練習啦....」希路只講了一句，就返到自己既區域繼續射擊練習
「砰！砰！砰！砰！砰！」
經過一番努力，瞳瞳既命中率亦有所提高，至少打中靶中既紅邊人
「呼...睇黎仲有排學呀...」
「砰！砰！砰！砰！砰！」
瞳瞳望一望旁邊既希路
佢既子彈，原來都係打響同一個洞口中
「好...好犀利呀.....」
「鈴鈴鈴鈴鈴鈴」
「喂？」希路拎出電話:「我知道啦，我地依家上黎啦」
「希路先生...做咩事呀？」瞳瞳放下手槍問
「Archangel...有新既指示」
兩人回到行動組辦公室內
「丫你地返得黎啱啦！即刻開返個作戰前會議先！」
大久保望住平版電腦，接住道:「Archangel今次比既指示，就係油麻地南京街新星銀行」
「雖然地點係銀行，咁好大機會係打劫啦」大久保冷靜地指示:「南京街地段比較窄，我地就響後面既寧波街部署
啦」
「瞳瞳，入黎第二日就要實戰，可以嗎？」
「可...可以！」
瞳瞳內心又緊張又刺激
「終於....可以參與行動啦...」
「咁好啦，各位拎好裝備，10分鐘後B10樓，車牌I390前等啦」
「收到！」
「瞳瞳，落去啦！」奈央道
「落...落去邊度呀？」
奈央拉住瞳瞳:「我帶你落去裝備房啦」
「女特工既裝備房係響15-18樓，我地每個人都有自己獨立既儲物櫃」
瞳瞳跟住奈央同友美落到16樓，一個仿似更衣室既地方
奈央行到三個儲物櫃前，各自均寫上三人既特工ID
「IID已經編左一個locker比你架啦，用特工證件拍落去就會開到架啦」
瞳瞳跟住拍下證件，儲物櫃應聲打開
裡面就只有一件黑色既衣服，一支德國P229手槍，及一部貌似電話既物件
「呢部叫做andphone，係我地行動時候用黎聯絡既工具黎，行動既時候我地就係用佢黎接收指示」
「咁呢件係...」
「呢件係IID研製既特工服，防水防彈架...如果我地係執行市區入面既任務既話，就會著響入面打底，以免太過
招搖」奈央迅速拉下緊身裙既拉鍊，道:「不過既然瞳瞳你係指揮官既話，其實唔著都可以既..果個金毛IT狗都冇
著啦」
即使奈央呢番說話完全無意，瞳瞳依然覺得不是味兒
奈央同友美各自脫下衣服，露出姣好的身材
目睹此養眼場面，瞳瞳亦都變得臉紅耳赤
「嘻嘻，大家都女仔，駛乜怕醜喎！」奈央傻笑道
「呃...係..」
瞳瞳心想:「奈央小姐同友美小姐...身材都好好呀....」
更衣後，三人落到B10樓既停車場
除左洛迪古斯外，其餘既成員都已經換上特工服，手手持各種既槍械
「嘩乜你地搞咁耐架...」洛迪古斯埋怨道
奈央對佢做出鬼臉
「咁我要同瞳瞳講清楚裝備房既野嘛，你咁急做乜呀金毛IT狗？！」
「好啦好啦，我地快d出發啦」大久保搶先打完場:「瞳瞳，你準備好未呀？」
「嗯....」瞳瞳吸一口氣，點頭
客貨車既內部經過改裝，裡面全都是各式各樣既電子儀器
車尾亦經過改裝，改成8個坐位
「瞳瞳，呢一架就係我地既『前線指揮室』，你呢d做backup既就係響度發出指令」
「好，開車！」
洛迪古斯踩下油門，正式執行任務
「嗱，瞳瞳，今次你第一次行動，我會響旁邊睇實你既」
大久保講解住:「你既任務好簡單姐，行動前為前線既成員選擇位置，行動期間為佢地匯報情況，必要時訂下臨時
戰略...」
「嗯...尋日我睇希路先生既作戰報告都識左d架啦...」
林聰笑道:「good！咁一陣既行動靠哂你架啦瞳瞳！」
「林聰呀...唔好比太大壓力瞳瞳啦！」
奈央鼓勵瞳瞳:「瞳瞳加油呀，奸爸嚕！」
「嗯！」
洛迪古斯只用15分鐘，就將車駛到油麻地
「好啦，依家開始作戰前會議，今次似乎係銀行械劫事件，所以我地最緊要既，就係響賊人入銀行之際將佢地解
決」
大久保指住瞳瞳:「瞳瞳，今次我地各個單位既位置係點分佈呀？」
「呃....係！」
瞳瞳緊張地拎住手上既平版電腦
「今次既位置空間較窄，所以就應該要用返....呃.....Alpha13果種既戰術」
「銀行後門有兩個，希路先生就響近炮台街既門口準備」
「明白」
「而白加士街方向既入口就由林聰先生同奈央小姐看守，果邊比較近正門入口，由兩個人去睇住會好d」
「知道啦」
「ok~」
「至於擔任sniper既友美小姐，就上到對面南京樓，果陣可以封鎖犯人正門既逃走路線」
「明白」
「第一次策劃作戰已經有板有眼，唔錯喎瞳瞳」大久保問:「洛迪古斯，hack到附近d cctv未呀？」
「hack左啦..」
話一講完，車尾上既十個螢幕馬上顯示出銀行內部，以及外面街道既畫面
洛迪古斯於鍵盤上舞動雙手:「友美，南京樓樓下既密碼係4841」
「明白」
「瞳瞳，一陣我地就係利用呢d畫面黎觀察現場既...有陣時我地仲要一眼關七架」大久保苦笑道:「好啦，大家清
楚哂今日既行動啦？對錶！」
「下午3點45分，行動開始！」
希路等四人衝出貨車，各自前往目的地