《我家姐竟然做咗我班主任？？？》: 【5】

我唔知家姐後尾點啦，好似佢返嚟嘅時候，我已經瞓死咗，到我起身，家姐都出咗門口。

因為我見到家姐琴晚個手袋係張枱度，唔知佢琴晚咁樣出去，有無俾人屌呢？

我從不過問家姐嘅私生活，但佢咁樣成日出去玩，俾人食咗嘅機會自然大大提升。

「仔呀，快手啲啦，你家姐都出咗門口啦，你仲唔快啲出門口？」

老媽嘅長氣，係佢嘅特色。





我草草食埋個早餐出門口，今日都係返半日，未正式上堂。

返到學校，漫澄已經返到，仲坐係我隔離，依舊溫文爾雅。

「早晨班長。」漫澄彬彬有禮，搞到我都有啲唔好意思。

「早晨呀副班長。」

乜撚嘢戇鳩對話呀？





然後佢就繼續睇佢手上嘅小說，偽文青？定真文青？

我感覺佢似係後者，但佢睇緊嘅書令我眼前一亮。

——初戀日記

好有文學嘅味道......「平時你都係睇喱啲書架？」我嘗試打開話題，為免尷尬。

中學時期，總有啲女仔好鐘意睇小說，漫澄都唔例外。





「係呀。」漫澄把聲好甜美，好有雪糕嘅味道，姐係間唔中會停係學校出面嘅雪糕車，8蚊一杯嘅甜筒，嗰一種味道。

「你睇過？」佢好似好有興趣分享咁。

我當然唔會錯過喱個機會啦，「無呀，但係講咩架？我一陣去借嚟睇！」

「喱個故事係講一個女仔暗戀一個男仔，期間個女仔為個男仔寫咗一本日記。」

嗯嗯嗯，好似幾有趣，真係一個少女會睇嘅書。

「跟住呢跟住呢？」我扮到好興奮咁。

但其實我只係想更接近佢一步。

喱本書，就咁打開咗我同漫澄故事嘅第一頁。





我哋傾下書呀，睇咩電影呀之類，我後來發覺，原來我吹水功力，係咁深厚，可以做到張大隻眼講大話，唔會面紅。

過無幾耐，我家姐...姐係我班主任都入嚟，因為打咗鐘。

家姐佢眼神略顯疲累，而且化妝都俾以前濃咗。

我同你講，一個女仔開始化濃妝，就好難化返淡妝；就好似你食慣大波妹，你就好難去食返微波爐。

我之後都好少見家姐化淡妝。

都話咗你唔好玩咁夜架啦，我心底裡暗暗話咗家姐兩句。

但好快佢就開始點我哋做嘢，因為佢自己唔見咗拎個name list上嚟。





家姐佢就叫我同副班長落去教員室揾下，佢自己係度揾，臨走前佢仲同我單咗下眼。

屌！家姐佢認真架？認真幫我？

「快啲去啦！」佢命令式咁同我講。

「係。」漫澄佢傻頭傻腦咁回答，仲要好認真咁，搞到我覺得成個畫面好鬼好笑。

我同漫澄慢慢行落教員室，曾經覺得難以捉摸嘅女神，估唔到幾日就可以拉得近。

嗰種感覺好夢幻，唔真實，以前覺得啲人講得好誇張，有咩可能連自己係咪發夢都唔知咁戇鳩先得架？

依家我先feel到喱種疑幻似真嘅感覺。

文靜嘅佢，不發一言，無時無刻都同一表情，冷酷如冰。





所以我好多時候都係自言自語，先得到丁點兒回應。

我哋好快就揾到，然後返上去。

返到班房，只見家姐係位度企咗起身，大聲問：「係邊個寫架？」

「邊個係張枱度刻『Miss Tai ，我愛你！』架？」