《我家姐竟然做咗我班主任？？？》: 【3】

「咁我哋嘅副班長就係大英雄隔離嗰位女仔好無？」家姐佢露出一個甜美嘅笑容。

.........

鴉雀無聲，無反應。

「同學...」同學一次。

「同學...」同學兩次。



「同學...」同學三次。

成交！

我輕輕推一推漫澄，我掂到佢呀！因為依家係夏天，佢著住短袖連身裙，姐係我哋嘅校服。

雪白色嘅連身裙，配係佢身上，簡直就係天使降落人間。

我掂到佢雪白嘅肌膚，滑滑地咁，好正！



然後漫澄先識得反應，「吓？」

我輕聲說：「班主任問緊你嘢。」

「呀！唔好意思。」

「唔緊要。」睇嚟家姐佢要營造一個和藹可親嘅形象，「咁你做我哋嘅副班長得唔得呀？」

「吓？」佢又再呆咗咁。



家姐唔等佢反應過嚟，就直接講：「咁就由你做我哋嘅副班長啦！大家俾啲掌聲！」

開學日除咗發生家姐做我班主任之外，都無咩特別事發生。

呀﹗仲有開學禮，係禮堂度個個男仔/男人都望住我家姐，包括啲男老師。

男人唔咸濕，就唔係男人啦。

我家姐除咗樣貌之外，佢仲有一股氣場，不得不承認佢真係有能力。

當大家都沉醉係佢嘅美色嘅時候，佢卻可以講出一番令人津津入道嘅說話。

我有時候都會俾佢講嘅嘢嚇親，忽然間會變到好有道理。

通常開學都係返半日度，所以中午嘅時候我就返咗屋企。



返到屋企，一個人都無，我都慣架啦，應該都返工啦。

我打打下機，都就嚟夜晚，估唔到返嚟嘅，竟然會係家姐。

佢依家都有能力搬出去住啦，所以佢簡唔中先會返嚟一次，佢突然間出現係度，係覺得有啲突然，但又覺得自然，因為佢係我家姐呀嘛。

「Miss Tai，嚟做家訪呀？」我一開房門就串鳩佢。

點解我會知係家姐？

因為全家得佢會著高肘鞋，老豆老母都唔會著，我一聽啲聲就知係佢啦。