二百尺的同居生活（完）（SP二章更新）: 第二章 - 同棲
[變態！！！]
芷欣一手按着心口的浴巾，一手拿起了地上的廁所泵跑了出來，
追着我的頭打着，而我便立即舉起雙手做防衛動作。
[喂！停手！好痛呀！！]
[變態！變態！變態！去死啦！]
[冷靜啲呀！]
[變態！ 非法闖入！]
[依到係我屋企呀！！]
[變態！！！]
....................
我被芷欣毆打超過十分鐘後，她終於冷靜下來。
然後再過十分鐘她已換上一件白色t-shirt和超短運動褲，
露出了修長的美腿，非常性感。突然我腦袋浮起她在浴室裏的樣子，
被蒸氣包圍的芷欣也十分誘人~！我在想甚麼！這樣就真的變成變態了！
[點解你會係到㗇？ 你係點入嚟！]
[應該係我問你至啱！ 呢度係我新屋呀！你點解會係到就真？！]
[ 痴線！ 鎖匙喺我度，間屋點會係你！]
[ 鎖匙我夠有啦！]
我拿出鎖匙向着她，她睜大雙眼看著我的鎖匙明顯感到奇怪和驚訝，
為何我會有一吧一模一樣的鎖匙。
[比我睇下！]
她一手吧鎖匙搶去。
[點解會咁㗇？！]
正當芷欣反覆檢查鎖匙時，我的電話响起來，來電顯示寫着老媽。
老媽又會在這個時候打來的？
[喂，老媽]
[喂，仔 你到咗新屋未？]
[ 到咗喇， 但係點解間屋會有其他人係到？！]
[呵~原來你地已經見咗面嗱~]
[ 咩嘢見咗面呀？！ 即係點呀？ 點解佢會入咗我家屋呀？！
我唔明呀可唔可以解釋下？]
[咁係因為，佢係你未婚妻囉~]
[吓..............................]
在這一瞬間我已經不知是我的耳朵有問題還是我老媽有問題，
我居然聽到一個我意想不到的答案。
[sorry呀， 我聽唔清楚可唔可以講多次...]
[ 我話~因為佢係你未婚妻~]
[吓！！未婚妻？！？！]
聽到這三個字的芷欣死死看著我， 從她的表情我也許已經知道，
她應該也是第一次聽到這種荒謬的事情。
[ 究竟發生咩事老媽？我幾時多咗個未婚妻㗇？]
我開著了擴音好讓芷欣也能聽到。
[ 其實係咁嘅， 係你仲好細個嗰陣芷欣嘅爸爸即係你叔叔因為生意有啲問題週轉唔尼，
你老豆就畀咗啲錢佢週轉囉， 原本你老豆叫佢唔洗還， 但係你叔叔就係都話要還，話唔還過意唔去喎，
咁你老豆咪講笑咁話將佢個女嫁過尼囉~ 但估唔到過咗咁多年佢仲記得，上個月重走咗尼對親家，
咁你老豆就提議要你兩個同居培養下感情~ 就係咁啦~~]
[ 得啦唔該曬老媽..... 遲啲再搵你....]
收了線後， 我雙手按在頭上一邊回想剛才老媽說的荒謬故事，簡直難以置信。
現在什麼年代呀！還會有人為了還債而送個囡给別人嗎？為什麼可以不問問我們的想法自把自為呢？
我看一看芷欣，眼見她已經垂低了頭，感覺她好像非常委屈一樣， 我想也應該問問她的想法吧，
畢竟她同樣也是受害人。
[你....打算點呀？....]
[..................]
芷欣沒有回應我，只是一直垂低頭來。
而我也沒有打算再追問下去.....................突然！芷欣站了起來。
[.........點講都好...依個都係daddy佢哋嘅決定，
既然決定咗就冇辦法...但係！我並無打算同你結婚，
亦唔會承認你係我未婚夫，聽到未！]
嘩！這是甚麼態度！ 難道所有的精英高才生也是這樣冇禮貌嗎！？
我開始按壓不着自己的衝動向她還擊。
[吓 ~ 唔洗你講我都冇打算認你做老婆囉~]
我們互相勵著對方。
[哼！]
[哼！]
然後芷欣就轉個頭入了房間再也沒有出來。
[唉.....近排行咩衰運呀頭頭碰著黑，
唔通我啲好運已經用曬....]
我坐在梳化上托著頭，感嘆著剛才發生的畫面，然後至發現，
屋裏只有一張床， 難道我要做廳長嗎！........天呀！！！.............