二百尺的同居生活（完）（SP二章更新）: 第一章 - 晴天霹靂
[叮~噹~叮~噹~........]
[哈！！！！！！！]
一名少年正用盡全力向學校大門飛奔過去， 當校鐘響起最後一下時他雙腳正好踏入了校門
[Save~~~~~~]
[今日又比你過到骨！真係天無眼！]
Prefect一邊摘下接著入門的同學名字一邊對我說。 而我則擺著勝利者的姿態看著他說
[ 冇辦法啦~ 鬼叫我係lucky咩~~]
我叫 {鄭樂祈} 英文名用回名字直譯做 Lucky，聽說我老爸老媽是希望我生活得快樂，
才把我改名為 {樂祈} 是祈求快樂的意思，可能因為這個名字的原因，
我從小到大都很快樂，因為我非常的Lucky，巴士從來不需要追，遲了起床也不會遲到。
就連抽獎也一定會中，所以我從小也很快樂。但唯獨一樣......
[喂~ 樂仔你又遲到嗱~~]
[遲你個死人頭！踩線達陣呀！]
[係係~下下都死好彩啦你~]
他叫 {陳仲謙} 是我的好兄弟，平日做事九唔搭八，但也很討人快樂，
是班上的金牌小丑王，正因為他是一個詼諧角色，所以我們也叫他花名 {灰灰}
[喂~灰灰呢張紙係咩嚟？]
我指着枱上的一張紙
[你估下~~]
[估你過頭， 自己睇算]
[咁你又問~~]
我打開這張紙，原來是上星期的測驗成績單。
[唔係呀嘛...得40幾....]
無錯，雖然我天生運氣好但唯獨分數無法享有運氣的效果，果然讀書是要靠自己才可以..........
[唔緊要啦~~人生總有不如意既事~~]
[灰灰.......你幾多分.....]
[我？！70~~]
[唉.........]
這時，個前排的幾名男生大聲的討論着分數。
[唉....明明可以攞多幾分嘛！依家得91咁低....]
[我米又係...得92~]
在每一班當中總會有幾明精英份子， 但我們學校的就特別討人厭，
可能因為我們學校是名校的關係， 取得高分的同學多數會大肆宣揚，
也不會理會其他同學的感受，所以平時我也很討厭這班精英，
免得過也不想和他們有任何交流。
[ 今次嘅測驗最高分嘅人都係佢 李芷欣 滿分！]
當老師說完後全班一同拍手歡呼， 而李芷欣也到老師面前拿成績單。
[嘩~~又係芷欣攞第一呀~~]
[ 都唔明有咩咁巴閉，攞個第一就拍曬手咁...]
[冇辦法啦~~鬼叫人哋樣又靚身材又正重要咁醒目，梗係多人歡呼啦~女神喎邊個唔鐘意呀~~]
[唔關我事~~]
[知你對女神冇興趣啦~~話說之前你講嘅係米就係今日？]
[係呀！就係今日！~]
今日是甚麼日子？今日就是我第一日搬出去住的日子，今日放學後我便會直接回到新屋去，
回想當初自己希望可以早日獨立，早日離開屋企過一人生活，下斷遊說老爸，起初他十分反對的，
說甚麼(細路仔學咩人出去住)，但在我的三寸不爛之舌下，終於！
令他幫我買了一個二百多尺的小單位~~從今天起我就可以過我喜歡的日子了！！！！
[叮~噹~叮~噹~........]
[終於放學啦！！]
[鄭樂祈！米行住！]
我回過頭來，發現訓導主任站在我的背後，每次碰上她也不會有好事發生，
我的運也無用武之地，所以我決定先走為快！
[朱主任..咩事呀...我今日唔得行呀，可唔可以聽日再講...]
[ 你已經六次踩界入學校， 根據校規 當一次遲到要罰留堂！]
[主任！ 我今日真係唔得閒呀！聽日補番啦！]
[ 規矩就係規矩，跟我行！]
好一句規矩就是規矩， 就是這樣我被她強行拉去輔導室了.....
一小時後
-----------------------
[終於走得啦！！.......]
我拖著疲倦的身軀走出大門。
[ 呢個主任好留唔留！係要今日先留！算~~行快兩步番去啦~~]
說完，我便一邊哼著歌一邊回到新屋。
搭了一程車，終於到達位於荃灣的新居。 乘搭升降機到22樓，
再走到E室門前，我深呼吸了一口氣。
[終於可以一個人生活啦~~]
我慢慢地打開大門，發現房間的燈開了。
[依？ 開咗燈嘅？ 邊個上咗嚟？老媽？]
接著從浴室內發出了微弱的呼氣聲，我慢慢向住浴室的門前進，
聲音愈來愈明顯.........然後，我用力打開浴室門口！
[啊..............................]
[啊..............................]
一個有着雪白的皮膚和修長黑髮，身上有着沐浴後蒸氣所造成的倒汗水，
繫住浴巾的美少女，在我眼前出現了。李芷欣.............
[啊！........你？點解？？.........]
[.......................呀！！變態！！！！]
[砰~~~~~~~~~]
我的新生活...算是開始了吧........