我只不過喺自修室溫書，點知比我遇番佢。: <六十>尋回記憶的旅程(六)

「我分啲比你啊！」小霖講。之後佢拗開咗個包，同我一人一半，但係其實佢分咗三分二俾我，自己得三分一。 
 
「你夠咩？」
 
「夠啊，我..食咗個飯糰啦。」我不以為然就食咗。
 
「嘩！我要玩呢個 ！」入到去之後小霖講，佢指住咗個比海盜船仲癲嘅機動遊戲，直程係將成個人翻騰兩周嘅，見到都有啲腳軟。
 
「玩...玩..玩囉。」頂硬上啦！
.


.
.
「超正啊！」玩完之後佢講，但係點解我feel唔到佢覺得好好玩嘅？
 
「又真係幾好玩，不過真係暈暈地..」我講。
 
玩完之後我地就周圍行下，見到有咩玩就玩下。不過果日真係熱得好交關。
 
「你嘴唇白曬嘅？冇咩嘢啊？」我問小霖。
 


「唔..唔知..好似有啲暈..」佢個樣真係好唔妥。
 
「喂 ！你地去玩啦，我陪小霖去坐陣，俾個wifi蛋我，再聯絡啊！」我同佢地講。
 
「好啦，你地小心啲啊！」之後佢地就繼續去尋歡，我地就搵咗個地方抖涼。
 
「點啊？你可能中暑啦，飲啖水啦。」我喺袋到拎咗支水俾佢。
 
佢飲咗幾啖之後就成個人都好軟弱咁，一直就瞓喺我膊頭。
 


「我仲係有啲暈咁..」
 
「啊，我有啲暈浪丸，食2粒啊！」我講。
 
「唔...唔得啊，空肚唔好食藥..」佢講。
 
「下？你唔係食咗個飯糰同食咗少少包啦咩？」
 
「我冇..冇買飯糰..」
 
「下？你講真架？」我聽到之後其實有啲撼動。
 
「傻咗咩你？自己唔食都俾我食。」我都心熬到眼眶都有啲淚水。
 
「對住你我就係咁傻架啦...無論幾時都係。」


 
「我係唔值得你..」佢用手指放喺我嘴前，示意我唔好講嘢。
 
「借5分鐘俾我..攬實我好冇啊..？俾5分鐘我分享你嘅愛得唔得啊..」佢問。
 
呢個時候我冇任何理由再拒絕我，我將隻手放喺佢膊頭到攬住咗佢，佢依然瞓喺我膊頭。
 
汪映霖，點解你一世聰明，但係偏偏咁蠢愛上我呢個唔值得你付出咁多嘅人？
 
我真係非常自責，係est果隻，我實在令呢個女仔傷害太大，而且係我難以去彌補。
 
佢之後恰著咗，我由佢一直瞓，或者佢真係太攰，無論身定心都係，佢都應該好好咁休息一下。
 
我知對佢黎講我真係一個大仆街，但係我唯一可以做嘅應該只有咁多...
 


佢地玩咗一輪之後都睇下我地，佢地見小霖仲瞓緊，所以就繼續去玩，小霖一瞓就瞓咗兩個鐘，瞓到我膊頭都酸曬。
 
「醒啦小霖！樂園要閂啦！」到咗樂園閂門我先焗住嗌醒佢。
 
「有冇好啲啊..？」我問。
 
「好啲啦，唔該曬。搞到你成日都冇得玩添。」
 
「你有事我點放心去玩啊，行啦，同你去食少少嘢先。」我慢慢攙扶住佢。
 
「我借完你啲時間啦..你唔洗扶我啦。」
 
「你仲腳步浮浮咁，我唔放心。」
 
「俾我扶住你啦..就好似以前咁。」我堅持要扶住佢，好彩佢都冇再反抗。


 
細個佢試過等我學完籃球等到中暑，都係我扶佢番屋企。
 
「原來搵回憶真係唔係睇地方，係睇同邊個。」我講。
 
「好多謝你呢幾日同我搵番咁多回憶。」
 
「我多謝你就真..費子楓，係你先帶俾我咁多回憶就真。」
 
之後佢就行上前錫咗我一啖，我冇避開到，我都已經唔清楚我係避唔切定係唔想避。
 
「小霖..」
 
「放心啦，我冇任何企圖，只係一份答謝，答謝你照顧我咁多日嘅禮物。」



「今天裝開心 下次會更逼真
今天想休息 下次再傷心
你我的身邊都只得你我的話
得一種身分 定會更相襯

沒有足夠眼淚無謂亂愛你
我要預備 受傷的勇氣
大驚小怪只因未慣空歡喜
若我心似鐵石然後遇上你
天崩地陷 已不足為奇
明白不敢想的不必記起」