我只不過喺自修室溫書，點知比我遇番佢。: <七>靠近一點點

「做咩咁愁呀，好多野煩？」巴渣妹又翻轉頭，坐咗喺我隔離講。

「關你咩事呀巴渣妹，你唔係走咗啦咩，做咩又翻轉頭？」

「車，人地見你成個人灰咗機咁，先好心翻黎睇下你，估唔到又俾人鬧！仲有呀！我唔係叫巴渣妹！我叫林小涼！」

「算啦，啲衰人都唔領情，我走啦！」

「唔好，陪我傾下計啦。」我情不自禁捉住佢對手講。



其實我冇心捉住佢，但係果一刻真係想佢留係到。之後我就同佢講咗今日發生嘅事。

「哦….咁你啲兄弟都幾為你著想..既然你入選你事實就做好去啦!!」佢聽完之後講。

「係嘅，我知佢地係為我好，但係我實在唔想再諗起果次件事。」

「究竟係咩事呀？」

我靠近佢耳邊，細細聲咁講：「唔話你知！」



「喂呀，衰人！」佢係咁打我以還擊。

「不過咁，我同你一齊揀歌啦，我驚你揀到自修室閂門都未諗掂呀！」

「你得唔得架..？」

「唔得？阿姐我號稱NEWAY十三姐呀！Nuar😜」佢又扮鬼臉。

….佢真係好可愛。



之後我就將我地晏就傾嘅野話俾佢知，等佢方便啲諗。搞咗成個鐘。

「呼，終於搞點啦，信我啦，你地確班用呢段medley一定嬴呀。」

「多謝你呀，巴渣妹，夜啦，走啦。」

「都話我唔係叫巴渣妹！」

當我臨瞓前，突然係到諗，今日好似過得特別長。由早起身，食麥記，同小霖搭巴士，到歌唱比賽，係星矢吧嗌交，直至揀好歌，瞓係床呢一刻，足足係18個鐘。
好彩得巴渣妹...係小涼先啱開解同幫手我先舒服啲。其實佢都幾好人啊，雖然係惡啲，但係又幾可愛。

多謝你呀，林小涼。