我突然間多咗個妹: 花市破產之旅(Priscilla篇)

「呀妹，早晨呀，食咗早餐未呀，洗唔洗去食啲嘢先?」
「我食咗早餐喇。快啲行啦，一陣好多人架!」
「今日我哋出到咁遠，呢到應該唔會有人識我哋嘅，我破例俾你痴我多啲啦!!」
「咁...咁嘅話，我...我...我有個請求呀...你今日可唔可以做我一日男朋友呀?」Haaaa!!!WHAT!??????
「當...當然可以啦...前提係...你唔介意一個咁嘅人扮你男朋友啫...」
「講咩蠢說話呀...如果你份人唔好...Beverly都唔會鍾意你啦。」
「都...都係嘅...」死啦，唔知點解轉一轉個角色，我就咁鬼緊張...
冷靜啲呀呀信，當係同Beverly拍拖咁得架喇，順便當係聽日同Beverly嚟呢度嘅練習啦。
「Priscilla，其實花市有咩行架...我好少行花市架，我同Beverly都唔係太鍾意多人嘅地方。」
「信信，」信信?我呀?好噁心呀個名。「邊個係Beverly呀?你趁我唔喺度去咗偷情呀?」




「我話你係咪玩角色扮演投入得濟呀?=.=」
「咩角色扮演呀?我唔明你講咩嘅?我要去......」唉，算啦，唯有配合下佢啦。一於做戲做足全套。
「Priscilla，拖實我吖!呢度好多人，你又咁矮，我驚你會走失呀。」
「呃...嗯...」
「咦，你面紅呀?做咩呀，又唔係第一次拖手仔，咁怕醜嘅，嗯?」
「我邊有!?係呢度太凍我塊面先會紅之嘛!」
「你凍呀?洗唔洗我俾件褸你着呀?」
「唔...唔洗...你會凍親架...」
「咁，我同你去買頂冷帽嘞。」「呢頂有隻馬騮喺上面咁得意嘅?就要呢頂啦好冇?」
「是但...」




「靚仔呀靚仔，買多頂吖，情侶裝襯你哋吖嘛，俾個八折你哋嘞。」
「好呀，俾多頂我吖唔該。Priscilla你睇下，我係咪好得意呀?hehe」
「你個樣好傻呀!!!」
「不如我幫你哋影張相吖，你哋真係好襯呀><」
「好呀!」
「企埋少少吖，痴埋啲，靚仔搭住女朋友膊頭啦。」
「Priscilla你睇下幾多人望住，個個喺度話我哋有最萌身高差呀，feel唔feel到呀，係幸福嘅感覺呀。」
「我淨係feel到好醜怪咋。」
「你唔鍾意咁咩?」
「我淨係想同你過二人世界咋<3<3」




「...哦...咁...繼續行啦...」
之後其實我哋都唔係行，係排隊。由晏晝排到夜晚。
「Priscilla，你知唔知狼隊對曼聯嘅賽事入面，邊一位狼隊球員為球隊射入咗奠定勝嘅一球而全取三分呢?」
「你講咩呀...」「唔好笑啦，認真問架。」「點知呀，我都唔睇波。」
「答案就係堅尼米拿嘅，恭喜你呀，你獲得咗呢隻足金鳩猴喇。」
「都唔知你講乜。」
「睇下你後面先啦?」
「有嘢咩?」
「登登。睇下，鍾唔鍾意呢隻公仔呀，送俾你吖!隻馬騮係咪好似我呀，」🐒🐵「以後你望住隻公仔就好似見到我咁架喇。」
「你正經啲啦，喺條街度扮猩猩，痴線架...」
「咁你快啲接收隻公仔啦!!!」
「得喇，快啲企返好!!!」
「Priscilla，返去未呀?我攰喇...」
「嗯...」
「咁行啦:‧)」




「呀信...等陣...」
「?」Priscilla做咩捉住我塊面呀?佢..佢做咩錫我呀......仲要係錫我個嘴!?以我嘅身份係好應該推開佢，但係同Priscilla錫嘅時候，我感覺仲好過同Beverly錫，令我好想繼續同Priscilla錫落去，但係咁樣會破壞我哋應有嘅關係架，唔好用條丁諗嘢呀...要理性啲...
「Priscilla，你係咪扮得過份咗呀?扮你男朋友一日啫，唔洗錫呀?」
「我...我...我控制唔到自己呀...我可能係太掛住呀明先會咁架，對唔住呀...呀信...唔好嬲我吖...我冇諗過你會唔鍾意...」
「我已經有女朋友，你唔係唔知，而且你係我呀妹，咁樣唔好咩?唔好做啲會破壞我哋關係嘅事，我唔想咁樣，咁樣好辛苦，我唔想一而再再而三咁審視自己對你嘅睇法...」
「對唔住呀...」
「唔好喊啦呀妹，我知你仲會因為呀明而困擾，呀哥攬返你啦好冇...」
「嗯...」

Priscilla點解會咁做，點解俾我推開之後會喊，我諗我知點解，因為我都感覺到佢所感覺到嘅嘢，只係我......唔能夠因為自私而傷害咗另一個人...