[銀行妹甜故] 正斗銀行妹: 第二章

我正魂不附體咁跟住佢地兩個尾咁搭 lift 上樓, 入左呢間唔係好大嘅舊樓單位度, 唉……

已經萬念俱灰嘅我, 亦開始要收拾番個心情, 個西裝友果然原來就係寶兒個親密男朋友, 而呢個單位就居然仲係佢地兩個人夾份一齊租黎用作同居之用, 唉……唉……

同我傾緊間屋要點整之時, 佢地仲不時響度打情罵俏, 旁若無人, 直情當我係死嘅咁, 「部電視不如就掛響呢度啦, 咁我地夜晚咪可以攬住黎瞓咁睇住電視囉!」 「咦, 鬼同你攬住黎瞓!」 「妳唔攬住我, 咁仲會攬住邊個呀?」 「呀…..咁我攬住啲公仔瞓囉!」 哦……請隊冧我吧, 唉……唉……唉……

好辛苦地捱過左呢晚, 終於, 我亦單拖靜靜地咁離開左呢個傷心之地, 只剩番個軀殼嘅我, 正不由自主咁揸左部車去到砵蘭街, 當然, 咁夜就梗係唔係去買材料啦, 而係要去一個地方度, 一個能夠醫冶我內心剛受到嘅極度創傷嘅地方, 叮噹, 「標…叔…叔…!」

呢晚, 我又再比一隻老雞同我軀左風, 身心再度受創, 但亦已漸成習慣, 好快, 第二日, 我又繼續再投入我嘅忙碌工作生涯裡去。



已經幫寶兒屋企開左幾日工, 為免觸境傷情, 我響第一日交帶低哂啲野之後, 就任由啲伙記同判頭自己去攪掂, 最多就等佢地有啲咩野問題, 我先再勉為其難咁要上一上去。 

呢一日, 我又要去銀行度入數, 但我就已經無再特別留意住寶兒, “下一位請到七號窗” 後面居然又係排住上次果個呀婆, 「喂, 情聖, 七號窗呀, 過去啦!」 我又攞起個電話扮講住, 「哦, 我講緊電話, 不如就比妳去先啦!」 

我瞄吓寶兒, 咦, 點解佢塊面, 好似有啲唔係咁開心咁嘅, 不過, 唉, 而家人地開唔開心就關我鳩事咩, 反正夜晚佢都會有條西裝友黎呵呵佢, 但諗起當佢比條西裝友責住黎攪嘅時候, 我個心其實又仲係有啲, 唔係有啲, 係極度好鬼介意嘅感覺。

呢一晚, 我收工之後又要被迫地去寶兒屋企度覆呎, 未入門口, 已經聽到屋入面好似傳出一男一女嗌緊交嘅聲音, 我理鬼佢, 等我嗱嗱林入去度埋啲野跟住我就走人收工, 襟左鐘後, 等左一陣, 開門果個就係寶兒, 見佢紅住對眼抺住眼淚咁, 我都無理到佢就開始行去度呎。

佢兩條友就繼續互相鬥啤住咁無出到聲, 等左一陣, 條仔索性就開門出去走鬼埋去添, 而寶兒就一個人咁坐左響度掩住個面, 度完呎後, 我同寶兒講, 「何小姐, 我攪掂哂, 走先嘞!」 呢一刻, 個寶兒直情放聲係咁喊住出黎, 「嗚 ~ 嗚 ~ 嗚 ~」



唉, 雖則事不關己, 但響呢啲情況, 見到人地喊得咁鬼淒涼, 我又真係有啲抵頸唔住, 「寶兒! 呀唔係, 何小姐….」 我踎響寶兒面前遞左張紙巾比佢, 寶兒呆左一呆, 跟住就接左我張紙巾, 「唔…該哂, 嗚 ~」

見佢好似有啲平復番啲咁, 咁我都無謂再繼續多事, 「何小姐, 咁我走先囉!」 「張生…」「哦, 妳唔介意嘅話都可以就咁叫我做呀 Sam 嘅!」 「Sam 哥…..嗚 ~」

寶兒真係喊住黎咁同我講出事情嘅始未, 呵呵, 原來有人疑似響出面又同個前度響埋一齊見過面, 跟住寶兒又響條西裝友個 bag 度, 發覺盒 dom又好似少左一個咁, 噢, 其實同前度番啅呢啲野又真係好平常嘅啫, 不過條西裝友又真係唔得醒爬, 係同前度攪野都自己再買過一盒先啦。 

我聽完之後, 其實我都唔識得點安慰佢至好, 咁唔通同佢講話男人嘅野, 有邊個唔係咁吖, 但諗到我又咁葡萄佢條仔, 響呢啲咁嘅環境, 咁咪順便落井下石插多佢兩刀, 咁等佢夜晚責我個女神責得咁過癮吖嗱。
 
(待續)