點解當初好挽唔挽要同女神挽同居: 第二章 班務

「你叫阿言系咪？你啱啱大頭蝦漏左銀包系臺面就走左，我周圍問同學先知你黎左呢度食野阿。」
我用呆滯既眼神去望住呢位救世主。「做咩咁望住我吖，我塊面癡住左啲嘢？」佢塊面好紅。
「無吖...唔該曬你吖，不如我下次請返你食返當多謝你？」我即刻將眼神移開佢紅當當既面。
「好吖，有機會啦，我走先啦拜拜~」佢竟然會答應一個啱啱識既同學食一齊食飯........
「哇你巴閉啦咁快溝人」阿輝一直系隔離一句聲都無出。
「頂人地幫我攞返銀包wor唔通淨系講聲唔該當佢系阿四咩，同埋你都唔差啦，系學校先見到你同佢唔知系度針緊乜嘢」我拍左佢一嘢咁講。
「遲啲 你就會知，哈哈。」超，懶系神秘咁款。
返到屋企之後我見到臺面上面有一張紙仔:「阿仔，阿媽同你老豆公司總部有事宜家要趕返去英國，應該要等半年先返到黎啦，臺面上面有錢夠你涯一排架啦，記住唔好咁夜訓。」我阿爸阿媽就系啲咁神出鬼沒既人。
我執好返學啲嘢之後即刻開著部電腦開始吸毒(唔知既話請google:Overwatch)當我興致勃勃咁用我隻main角genji開大技龍神の剣を喰らえェェーッ個一刻，電話系度「鈴鈴鈴鈴鈴鈴鈴鈴鈴鈴鈴鈴鈴鈴」咁樣響，即刻影響曬我團戰既表演，最後仲輸埋添。
「唉邊鬼個打黎吖，咦，未見過呢個號碼wor。」我打返去比呢個電話號碼既主人。

「喂？請問打比我有乜事？」我用應酬第二個人既聲去問呢個人。
「系咪阿言吖？我系Amy吖，你話要請我食飯架嘛，咁啱今日阿輝又比左你電話我，咪打電話同你打聲招呼咯，你頭先系度做緊乜吖~」頂阿輝原來你今日就系系度同佢講我電話number，中曬伏。BTW Amy把聲真系好好聽。
「無吖我啱啱系度打緊機咋嘛，今日多謝曬你幫我攞返銀包，揾唔到個陣真系嚇死我，聽日lunch請返你食嘢當多謝你~」
「好阿，我宜家有啲嘢要做阿，聽日見啦拜拜~」
就系咁樣我完成左第一次同Amy既對話，em.........我唔知點解好似識左佢好耐咁。



到左第二日，我好似以往咁7點搭9就返到學校，呢個時間唔遲又唔早。
「hi，阿言。」一把熟悉既聲音系隔離。




「阿怡！？點解尋日開學日好似見唔到你咁既。」阿怡系我青梅竹馬，同佢由細癲到大，基本上可以話佢系我半個阿妹，因為細個個陣真系有乜嘢事都系同佢分享，無論系咩孖條，零食我都會同佢一齊食。佢其實個樣好好，眼大大，塊面好白仲有啲baby fat，系我地男仔當中可以話系半個女神，亦都曾經有好多男仔追過佢，但系就唔知點解到依家佢都系keep住單身。
「我尋日無set好鬧鐘阿，唉，最後咪叫阿媽幫我打電話請個假咯。」佢一面憂愁既樣。
「唔緊要啦，開學日姐。」我拍左佢一下搏頭安慰下佢。
呢個時候我唔知點解又feel到黎自四方八面仇視我既好多對眼精，再系咁落去我諗聽日新聞可能會登報:XX中學發生一單嚴重圍毆命案，行兇理由是因為死者和在學校的女神太熟悉。
越諗越爻底所以我借人有三急既理由去左廁所避下風頭，直到打鐘個陣我先返返去課室。
返到課室既時候，已經見到今日頭髮all back左既Amy坐定定咁系我隔黎既位置，可以清楚咁見到佢既五官，眼睫毛好濃密而且翹起左小小，加上佢既baby fat搞到佢超可愛，系男仔我諗都會心動。
佢見到我之後唔知點解系度狂笑，之後其他班上面其他人又跟住佢笑，Shit！！原來自己火車未到火車站就停低左，我馬上用每秒9米既跑速衝返自己位幫架火車入油入站。
「早晨吖阿言。」佢個笑樣似乎仲笑緊我啱啱個柒樣，搞到我紅到面曬。
「早...早晨。」唉系女神面前乜嘢面子都無曬啦。






過左一陣就系班主任節，何sir入左黎課室處理一大堆班務。
「好啦，首先我地要處理既就系選男女班長，有無人要推薦或者自薦？」
「阿sir我推薦郭俊言！！」阿輝用盡全力系個位到叫出黎。
屌，你真系夠曬好朋友wor。
「有無人有異議？無啦嘛？咁就由郭俊言做男班長啦。」班上面發出左勁大既掌聲。
比幾秒鐘我反應下好無？？我無講話我做wor屌你
「咁女班長有無人自薦或者推薦？」全班呢個時候又唔知點解靜曬。
可能系因為物理通常都系多男仔讀，就算有女仔讀通常都系啲好邊緣既人。
「阿sir。。。我想做女班長。。。」一隻手緩緩舉起，而呢個人就系Amy。
「WOW~~~~~!!!~~~~~!!!!~~!!!」全班系度鳩叫。
頂，呢po我實水洗都唔清。
唔知點解我啱啱好似見到阿怡仇視左我一眼........