《三角•誌》: 3.1 長洲

(3)
聽著將軍眉飛色舞咁講佢同娘娘嘅「愛情故事」，我好明白點解Cherry會咁擔心，我心裏都有六七成把握，將軍做咁一條身在水中不知嘅大水魚。

據將軍嘅講述，Cherry講將軍飲醉打俾Ashley個晚嘅第日，Ashley主動打俾將軍約佢星期六日入長洲玩。

正確啲嚟講，係Ashley話要同班三姑六婆入長洲過夜，過夜嘅衫衫褲褲太重，娘娘弱質纖纖拎唔到咁多嘢，所以叫佢嘅大將軍幫佢拎入長洲。

「BB，I am so sorry arh！要你拎咁多嘢！」
「唔緊要。」將軍係三十幾度高溫下，大汗搭細汗，笑著咁回應佢位娘娘。
「Oh！我唔記得咗同你講，You need to book your own room！我同Nancy、Emily佢哋係seaside租咗間Quad room，今晚Girls' Talk。」




「好啦Ash BB，你玩得開心啲啦！」Ashley踢著佢對姑池高踭鞋，小碎步咁跑向佢班八婆Friend。

本來將軍都有晒心理準備，個晚毒撚一個打飛機嫁啦，唔通娘娘約你入長洲扑嘢咩。點知，個晚Ashley竟然打俾將軍，問佢租咗邊度。