《粵語殘片》(新手/校園愛情): Ch01-序

喬遷那日 打掃廢物 家居彷似開戰

我叫阿成，喺今日，我始終都係要離開哩個陪左我廿六年既屋企。

冇計啦，喺灣仔哩一個咁既地方，老街舊巷，始終都逃唔過被清拆重建既命運。

眼前既紙皮箱，就好似堆砌左，好多好多屬於哩一度既片段。

「喂，老女人，卷封箱膠紙喺邊度啊，原來仲有一個箱未封好」我向喺房度執緊野既阿媽喊。





「衰仔，咪擺左喺其中一幢箱上面囉。」

「係咩，你唔講我唔知。」

果然，我三隻眼應該都只係得隻c眼係有用，不過，原來箱入面，就只係得一個鐵盒。
我打開左個鐵盒，入面裝住既，竟然係一件白恤衫。

揚一揚，揚開件恤衫，上面竟然仲扣住左我中學時候既校章。

而左胸上面，零捨明顯地有一撻暗紅色既污跡，唔係，係一個故事。