「冒險」「生存」《香城之夢》: 惡鬼

「其實妳唔洗跟埋黎，妳大可以留係超市入面。」
 
「其實你兩個都可以唔洗跟埋黎囉好無。」
 
無錯，呢D對話係圍繞住我，Elaine仲有L三個人。
 
我地一行八個人係離開左超市之後開始慢慢咁向商場外邊推進。
 
大家都緊握住自己既武器，氣氛十分緊張，無人敢有一絲既鬆懈。
 




因為大家都驚緊，唔知頭先襲襲擊我地既人會唔會又突然出現。
 
我地行到去商場門口，發現濃霧已經散去，我地終於可以睇到條街既全貌。
 
街上一個人都無，只係有幾架反左仲著左火既車。
 
L：「睇黎無人呢…Chris你睇唔睇到有人？」
 
「無。」
 




L：「好咁行啦，先行天橋過對面馬路，行既時候大家盡量壓低個身，明唔明白？」
 
大家：「明白！」
 
L：「屌，咪咁大聲啦，on9架。」
 
笑。
 
大家都按照L既指示，壓低個身，好快咁穿過行人天橋。
 




落到地面之後，我們地好快就感覺到有D野唔妥。
 
行人天梯出入口既地下有好多血。
 
L：「喂喂喂，咁多血的話，條友應該死硬架喎，但係又唔見條屍既。」
 
的確，如果一個人流左咁多血，可以生還既機會率可以話係十分渺茫，應該就連行既力都唔會有。
 
但係，人呢？
 
按照之前信和既事黎睇，係呢個世界死亡的話，屍體應該唔會消失架喎。
 
「大佬你睇下，個幾度都有血啊，仲要全部都係伸延去同一個方向架。」
 
之前被L稱呼做Chris既男仔指向地鐵站既方向，個度一樣都有血跡，不過無我地眼前呢灘咁多。




 
同Chris講既一樣，數處血跡都伸延去同一個方向，全部都係向住係地鐵站旁邊既一個商場。
 
我而家先留意到商場既鐵閘被人破壞左，而血跡係鐵閘後面仍然延續住。
 
我：「而家點做好？」
 
L：「入去睇下先，大家戒備下。」
 
大家舉起槍，一步一步咁接近商場入口。
 
沿住呢條「血路」，我地開始深入商場，轉左幾個又幾個圈。
 
係轉到唔知第幾個圈，前排既人突然停低左。
 




我探個頭上去，想話睇下前面發生左咩事，但我好快就後悔。
 
大家停低既理由，係因為眼前既景像實在令人卻步。
 
一，二，三，四，五，六，七，八，總共八條屍體疊起左，就咁放係一間鋪頭門口。
 
啊，原來仲有一個訓左係旁邊。
 
咦唔係喎，呢個…！
 
我都未開聲，企起前排既人就已經用槍瞄準左我想講既果個人。
 
因為佢突然震左兩下，大家都嚇左一跳。
 
「快D走…」




 
佢用好微弱且抖震既聲音講出呢句野。