「冒險」「生存」《香城之夢》: 特別

阿希：「喂，個波呢阿賢？你又去左邊黎呀咁耐先返黎既，Miss以為你早退左呀。」
 
我一坐低返係自己位，佢地三個就即刻轟炸機式咁問我一大堆野。
 
我如實咁將一切都講哂俾佢地聽，不過今次佢地三個就無Elaine咁冷靜喇，聽完之後好大聲「吓」左出黎，搞到成班都望住我地，Miss仲黑哂面。
 
阿希：「屌你個波新買架仆街，我唔理呀你點都同我拎返個波返黎呀。」
 
我：「得喇屌，我放學就會去搵佢，實拎返個波比你既你唔洗擔心。」
 




黑仔：「咁你去到之後打算點做呀？」
 
屌，呢D先係朋友架嘛，邊似得阿希咁只係顧住個波。
 
我：「無啊見步行步啦，我估佢應該都唔會做D過份既事掛。」
 
黑仔：「咁你加油。」
 
屌，原來都係一樣，正仆街。
 




之後佢地三個都無左關心件事，都唔係既都算有關心既，睇我點死囉。
 
所以一到放學佢地三個對眼就發哂光咁望住我，好似好期待我會有乜下場咁。
 
我選擇左唔理佢地，自己一個慢慢離開班房。
 
佢會做D乜呢…要我同佢鬥波？以前就已經成日聽到佢撩人鬥波，仲要未輸過…
 
如果要贏到佢先拎得返個波的話，我都係買個個新既比阿希算，反正呢排升lv有獎金。
 




「喂。」
 
唔？
 
係我前面突然有人喂左一聲，我下意識咁望左過去，發現Elaine企左係樓梯口。
 
我：「你唔係真係打算睇我超越藍洛晨呀？」
 
Elaine：「吓你當我講笑架？快d行啦。」
 
佢講完就捉住我手臂，夾硬拉我上樓梯。
 
我：「我唔保證我做到架，更何況我連佢想點都未知。」
 
Elaine：「所以你咪要行快D，快D去到咪知佢想點囉大哥。」




 
佢又有道理…駁唔到。
 
我地行左一層，去到四樓。
 
一行到去走廊我就已經feel到有d唔對路，點解放學時候走廊會一個人都無既？仲要咁靜？
 
我：「喂覺唔覺有D古怪…」
 
Elaine：「係囉點解會一個人…」
 
Elaine句說話只係講到一半，走廊上其中一個班房既門就打開左，仲有一個人行左出黎。
 
「咦兩個人？呃…黎左喇？佢係入面等緊你地架喇，入黎啦。」
 




我認得佢啦，今日就係佢叫我自己小心d，果然係藍洛晨既𡃁。
 
我地無答佢，只係慢慢咁行埋去。
 
途中經過一個班房，我望入去居然一個人都無，非常古怪。
 
去到佢班房，入面都只係得佢一個，其他人都唔係度。
 
不過檯面都仲有書，其他人應該未離開學校架喎，去哂邊呢？
 
藍洛晨：「終於黎嗱？我等左你好耐啦。」
 
「呢個，俾返你先。」
 
佢講完就拋左個籃球埋黎，好彩我反應到，接得住。




 
不過佢直接就俾返個波我..？
 
藍洛晨：「好啦，我地坐低慢慢傾啦，而家放左學大把時間。」
 
傾？

我：「我地有乜好傾…我只係…」
 
我句野只係講到一半，係我旁邊既Elaine 就突然拉櫈坐低，我同藍洛晨都望住佢。
 
藍洛晨：「爽快，唔錯。」
 
「你又點呢？想留低佢自己一個走？」
 




佢用一個好輕挑既眼神望住我，直頭好似係度笑緊我咁。
 
佢又講得岩，我無理由留低Elaine一個人係度架，唯有頂硬上啦。
 
我慢慢咁坐低，坐左係Elaine旁邊。
 
藍洛晨：「喂喂喂，咪掛住望你女朋友啦，我搵你黎唔係睇你溝女架。」
 
屌，俾佢咁樣叫一叫，我先發現原來我一直都望住Elaine。
 
Elaine：「我唔係佢女朋友。」
 
屌。
 
藍洛晨：「哦？竟然？咁小姐妳又會陪佢黎既？」
 
我：「喂，你又話有野要同我講？唔好無視我好喎。」
 
我忍唔住出聲，但其實只係因為我覺得我再唔出聲就會無哂存在感。
 
藍洛晨：「啊係，點講好呢，唔…我以前係咪對你做過D乜？」
 
我：「吓點解你會咁問？」
 
佢呢種奇怪既問法，令我無所適從，甚至有D突兀。
 
藍洛晨：「嘛，我覺得你對我有種恨意囉，由你拍走個籃球個下開始我已經好肯定。」
 
我：「無，真係無，我只係一心想攞返個波，一時之間諗唔到其他辦法咪唯有咁做。」
 
藍洛晨：「唔~~真係只係咁？我覺得唔只咁喎~」
 
「雖然聽你既說話同睇你既表情我知道你對我應該無恨意既，不過我睇得出你有事瞞住我。」
 
「妳都係，不過睇黎妳想講呢。」
 
係佢講呢句既時候，佢將視線移左去Elaine，我亦因為佢而望左去Elaine度。
 
只見Elaine嘆左一口氣，之後深呼吸左一下。
 
Elaine：「睇黎真係同傳聞既一樣，咩都瞞唔到你呢…」
 
藍洛晨：「喂喂喂，唔好講到咁生外啦，大家話哂都識左四年。」
 
四年！？Elaine識藍洛晨？
 
Elaine：「唉我都唔知應該點講好，總知一句講哂啦…」
 
「我同佢，係咁多人中都係比較特別，我諗我只係可以講到咁，再講落去你肯定覺得我同佢都係痴線。」
 
比較特別…係指我地係玩家既事？
 
藍洛晨：「哦？你咁講我反而更有興趣…」
 
「大件事啦晨哥！今次大件事啦！」