是咁的，我嘅職業係ptbf: 259.若你找到

「你知唔知浩然決定唔做喇？」

李星望向窗外隨風擺動嘅樹

沙沙沙

「知道。你呢？」

佢沉默一陣，再講：「你記唔記得，我咪話過想有人為我流眼淚嘅？」



你，發現了嗎？

「或者因爲從來無人為我喊過，所以我想咁想知有人為自己流眼淚嘅感覺。」

李星話由細到大，屋企人都無為佢喊過

直到琴晚佢醒翻，李爸李媽即刻仆嚟醫院

「阿媽係咁摸我塊面，問我仲有無邊度痛，眼淚就喺我面前係咁滴。」



星仔你唔好再做啲咁危險嘅野喇好無呀？好無呀？

確認李星真係無事嘅李媽伏喺佢胸前個傷口度喊

李爸望住窗外嘅樹，不停傳嚟索鼻水嘅聲音

李星唔知道係個傷口痛，定傷口更入嘅地方發痛

好無呀？好無呀？唔好做喇⋯⋯



好

若你找到為你流淚的人，請別讓那個人流淚