是咁的，我嘅職業係ptbf: 240.我無事喇

「我嗰時知道有ptbf依樣野，又真係走咗去試。搵咗三個啦，但係對我嘅情況都無幫助，仲成日問我開唔開房，我明明就唔係為開房先搵佢地。」

「咁快餐店無叉燒包都好正常啫。」喺普遍人都只係進行性交易嘅領域，尋找心靈慰藉並唔係一件容易嘅事

「所以我咪決定賣叉燒包咯。無話唔得架，事在人為嘅啫。」

奇奇補咗一句：「我已經唔想⋯⋯再見到有人為情自殺喇。」

言下之意，即係見過一次



唯獨講依句說話嘅時候，奇奇索咗下鼻水

「嗰陣有個朋友同我一樣失戀，我地成日圍爐取暖叫下春咁，但有一日，就無啦啦收到佢割脈自殺嘅消息。」

佢抬頭望向夜空

「如果嗰陣佢可以有個情人，即使係假嘅都好，令佢開心翻少少，或者一切都可以改變。」

奇奇嗰陣開始努力讀各種應用心理學同變愛心理學嘅書，然後做ptgf，將學到嘅技巧用喺客人身上



若能為你除去痛苦，化身為世人唾罵的低等家禽，我也願意

「不過點講都好，啲人聽到我係ptgf就會鬧我係雞係公廁架喇。我都無咩所謂喇。」

佢話，有另一樣野令佢可以面對唾罵，繼續做落去

「係咩？」

「就係客人見到我之後，笑住同我講，我無事喇，嗰段時間好多謝你。」



我望住奇奇

我無事喇，依段時間好多謝你