是咁的，我嘅職業係ptbf: 239.撐落去，放唔低

「咁點解⋯⋯寧願承受全世界嘅唾罵都要咁做？」

奇奇轉向我，長髮順住膊頭流瀉

「依個世界有兩種人。第一種係自己仆完街，就期待其他人同自己一齊仆街。另一種係自己仆完街，知道損手爛腳嘅痛，所以唔忍心其他人同自己一樣。」

「你⋯⋯係第二種？」

「唔知呀。我唔敢話自己係第二種，但我知道自己無辦法成為第一種人。」



奇奇嘅說話，令我忍唔住去估佢嘅過去

而依一點又再次比佢睇穿

「其實無咩咁特別，只係我愛嘅人已經唔愛我，就係咁簡單。」

輕描淡寫的一句，卻帶著無奈

「嗰陣真係好想有人幫我忘記嗰個人。」



搵過社工、心理專家，亦有好姐妹同屋企人嘅支持，多得依一切正面嘅情感支援，佢先能夠撐落去

但可以撐落去，唔代表放得低