「東英」奔雷虎 : 耀揚: ( 13 ) 耀揚再見水靈
立花：＂揾得我咁急，到底有乜嘢事？＂
耀揚：＂你真係喺日本？＂
立花：＂我無必要呃你。＂
耀揚：＂因為我有事想當面同你傾，你打算幾時返香港？＂
立花：＂未定。＂
耀揚：＂咁，我就到日本搵你，兩三日後會到，到時再約見有冇問題？＂
立花：＂睇嚟事情好似幾重要，不過，我喺日本有其他事做。＂
耀揚：＂嗱，係咪咁先，話到尾，上次你考「雙花紅棍」，我都幫過你「打假拳」吖？＂
立花：＂各得其所啫。＂
耀揚：＂嗱，如果我爆出去，你都唔會好光彩。＂
立花：＂不過你比起我，仲會麻煩得多，因為你呑咗人錢。＂
睇嚟，耀揚係「兇」唔到立花嘅：
＂屌，點撚樣計都好啦，話哂都合作過吖，好頭好尾，同我搞到串哂，無人有安樂日子過。＂
呢一句，倒係真嘅，捽慶耀揚呢庭麻煩人，手尾好長，立花唔係怕耀揚，不過明白到，行走「江湖」之道：
＂無錯，「以和為貴」。好，你到日本後再搵我。＂
耀揚：＂哈，「雙花紅棍」唔單止好抽，仲明白大道理，好一句「以和為貴」，嗱，呢句你講㗎。。好，我到步再搵你。＂
耀揚心中卻係另一個想法，「揾你幫手就以和為貴，喺我嘅哲學裡頭，只有勝者為皇」。
之後，耀揚就叫奶仔保守一切祕密（奶仔當然知道立花以一敵十， 過關成為「雙花紅棍 」係出過古惑，所以亦唔會亂爆出耀揚），離開酒吧。
耀揚心情非常之靚，心諗「又會咁啱，立花條撚樣會喺日本，天助我也，辦起事嚟就更方便」，到最後，忍唔住哈哈大笑出嚟。
第二日中午，古惑倫通知耀揚，睌上可以到水靈別墅見水靈，耀揚西裝打扮，其外型，如果唔講粗口同臭串，其實幾瀟灑不覊嘅，好多女人都會被呢種「男人味」所吸引。
然而，即使係耀揚，都未敢向水靈打主意，因為先前輩份，都要叫水靈一聲「祖師太」，依家自己總算慕出些少名堂，打算改口叫一聲「水靈姐」，已經算做拉近咗。。其他嘅，耀揚並無妙想天開，因為，佢係相信自己有多少實力，先才能夠得到多少利益，呢一刻，佢只想登上「五虎」之位，打扮，只想畀個英偉印象，如果想要女人，只要自己點下頭，就已經有得揀。。又或者唔使揀，幾件一齊上。
但偏偏事情，令耀揚都觸摸唔到。。
一個典型白衫黑褲嫲姐工人開門迎接：
＂雷先生？請入嚟。。小姐喺樓上沖緊涼。。你可以到廳度坐吓先，我去通知聲小姐你已經嚟咗啦。＂
耀揚不禁心中猜疑「哼，明知約咗我呢個鐘數，又會走去沖涼？唔會係個閪痕，想我執番佢三四劑呀嘛？」想到呢度，自己亦覺得好笑，不過，記憶起水靈確跟一般女人唔同。
水靈像水一般嘅眼波，光澤似被蜜糖塗過嘅珠唇，暗暗不濃如香薫草嘅幽香 。。到底，呢個東英女魔頭真實年齡，係幾多歲呢？
身材外表，頂多只係四十頭，不過如果用皮膚滑溜同彈性，就好似連三十都未有，但其輩份，就連駱駝都要叫佢一聲「水靈姐」，耐人尋味。
耀揚坐喺沙發一陣，諗到水靈嘅年齡，就好奇起嚟，不如喺客聽四週圍睇睇，突然間被佢發現一個相架喺部鋼琴上，係一個長髮少女同水靈嘅合照。
兩人手撟手好親蜜溫馨，水靈眼神笑容，竟然係幾咁溫暖慈愛，不過耀揚心裡並未有咁諗「女魔頭都竟然有呢一面」。。反而係「屌佢個閪，扮撚哂嘢」。
可能，喺耀揚嘅世界裡頭，所有事物，都只有邪惡嘅一面，即使「善良」，都只係有企圖而假扮出嚟，佢嘅信念，反映出佢嘅內心。
之後，耀揚坐喺鋼琴前，開始彈奏起嚟。
~ 待續 ~