「東英」奔雷虎 : 耀揚: ( 3 )「盤菜宴」

雖然只係簡單嘅一句「安排一吓食枱「盤菜」」，但是另一句「招呼埋嗰區嘅「大底」」就唔容易安排喇。

「盤菜宴」已經喺最快速時間安排，但都要係一星期之後，駱駝更加已經交由非常能幹嘅助手，「古惑倫」去辦理。(「東英社」 智囊)

因為若然請得班「大底」，當然唔可以少得班「叔父」，而古惑倫辦事，一定妥妥當當，以免請漏了，被人話「唔畀面」，亦有啲想唔去嘅，亦唔到佢哋「唔畀面」。

所以，一星期後，十八枱「盤菜宴」，該區鄰區八位「叔父」，與及九十個「大底」，全皆到場。。或者是說「應該」全皆到場。

而當水靈上席後，好多人都心裡嘩然，由其係年輕一輩，未見過水靈真面目嘅「職員」，因為社團事務，一直都係由駱駝長舵，古惑倫辦理。以往，除咗有特殊場合，水靈已經係絕少出現，所以，舊年耀揚咁極力去爭取機會。





不過，今年竟然。。

「耀揚不是已經升為「大底」了嗎？為何，不他見啊」，水靈打量近自己的幾圍，心想，「算吧，本來是想畀佢一個機會。。既來之，則安之，我水靈的算盤，無佢，一樣打得響。」

酒過三巡，大家都高高興興，水靈就喺此時，枱底下輕輕撫摸一吓駱駝大脾。。

咪以為被水靈摸大脾，係一件「樂事」，就算。。被水靈摸大脾，真的係一件樂時，不過駱駝面上本來有嘅笑容，都即時僵硬起嚟，雖然只係一個好快嘅轉變，不過逃唔過古惑倫嘅注意，因為，佢根本就係一直都等緊呢一刻。

整個星期，古惑倫除咗忙碌籌備「盤菜宴」名單，大致上，佢仲會去了解名單上人嘅背景，有兩個佢發現到，係可以對「日本之事」，可能會有幫助嘅。食君之祿，駱駝有事，古惑倫點會唔知吖，不過古惑倫既然有名你叫「古惑」，當然有佢道理，即使上頭未開口問，佢已經盤算好兩三個可行之計，之不過，佢係唔會自動請纓嘅。





水靈雖然知道自己已有打算，亦想聽聽古惑倫嘅意見，所以，「盆菜宴」之前兩日，水靈丶駱駝丶古惑倫曾經再次坐低傾有關「盤菜宴」跟「日本」嘅事。

古惑倫報告，「盤菜宴」已經安排好，到時將會有幾多人，同有名有姓嘅叔父，將會係邉幾位。

水靈問：" 倫少，你認為今次「盤菜宴」，對解決日本嘅問題會唔會有幫助呢？＂

古惑倫回答：＂我相信一定有，所以水靈姐先至會叫我安排呢次嘅「盤菜宴」。＂

好一個古惑倫，「千穿萬穿，馬屁不穿」，不過單靠拍馬屁，係唔夠去到古惑倫今時今日嘅職位。





水靈再問：＂咁你認為有乜嘢幫助呢？＂

連駱駝都諗唔到，所以都非常好奇古惑倫會點樣回答，又係嗰個戇居樣。如早前所講，古惑倫一早做定哂「功課」啦。。。

古惑倫就開始：＂到時我哋就咁。。咁咁，之後再咁咁。。到其時，唔單止唔使搵人過日本，就算戰敗而回，損兵折將，都唔會影衰公司嘅牌頭。＂

駱駝聽後，陰濕一笑：＂古惑輪，咁你都諗得到。＂

水靈亦微笑:＂都唔錯，雖然唔係一個長久解決辦法，但都可以試一試出日本幫派嘅實力。＂

而古惑倫嘅「辦法」，就喺呢一刻，水靈輕輕撫摸駱駝大脾開始。


∼ 待續 ∼





古惑倫到底有乜嘢橋呢？

將會待續分解。