(18+)聽說過美國聖地牙哥這間鬼屋嗎—外傳: 04
《聽說過美國聖地牙哥這間鬼屋嗎》
外傳-04
［朗毫方七樓］
到達八樓與面罩女重逢，她帶我們走入七樓迂迴的後樓梯區說要把幾道門封一封，以防感染者衝上來。然而我們卻察覺當中的奇怪。
杖枋喃喃道：「其實……如果想封後樓梯……就咁封最出面道門咪得，唔使行咁入封埋其他門㗎嘛……？！」
===================
故事簡介:
政府突然宣布全港進入緊急戒備狀態，
無數感染者襲擊人群、血花四濺……
我從大學逃命般終於跑到旺角這商場，
完全沒想過這才是讓我掉進地獄的開始……
第一回連結：
https://goo.gl/umfsne
===================
面罩女解釋：「封完呢度，再去封幾道Lift門，然後先封最出面道門，咁樣建設多重隔離區先安全。」
聽起來蠻合理，相信如此周到的計劃是他們整班人想出來，面罩女只是轉述。
我問：「你哋封所有出路，第時有咩事要走落去咪無路走？」我擔心的是殺死家賢後的逃離路線。
中女答：「我哋無諗過要走。手上嘅物資已經夠捱一個月左右，相信政府唔使一個月已經派人救我哋。」
這番話讓我想起阿智說，等警察來救人即是等死。
詩雅問：「其實你哋有無人知道究竟發生咩事？做乜無啦啦成街都係感染者？而且森士病到底又係點嚟？」
「重點係，班感染者做乜見人就殺？」山仔問。
「我知你哋可能以為暫時安全，想開個小組討論慢慢傾。」面罩女冷漠道。「但其實七樓呢度仲有好多弱點未解決好，班癲佬隨時搵到裂縫衝上嚟。而且唔好話我唔提醒你哋，我哋都唔係早你哋好多上嚟呢度，喺七樓、八樓以上嘅樓層我哋仲未洗樓，上面隨時有病人跑落嚟都唔奇——」
「吓！」杖枋說：「你哋無睇清楚就封撚晒啲出路？萬一上面成班仆街咁我哋點撚樣走呀！」
印象中朗毫方好像有十三還是十五層，即是我們還有至少四層要清除？！
詩雅按一按他肩膀，問：「所以你哋遲遲未封長梯，就係想多啲未被感染嘅人上嚟幫手？」
沒等她們回答，阿智說：「咁其實封埋上面咪得囉，淨係留喺七樓八樓。」
「無奈上幾層全部都係餐廳有嘢飲、有嘢食。」中女嘆口氣。「好啦，我哋行右邊，搵一個跟住嚟，另外四個行左邊。」
只好決定由山仔、面罩女和中女去右邊；我、阿智、詩雅和杖枋走左邊；這樣男女比例較平均。
經過兩道升降機門來到走廊盡頭，有五名男子在忙碌工作：有的將木椅之類的拆件，把木塊取出；有的把木板釘在防煙門上；另外一人似在防守以防有感染者衝過來。
家賢不在當中，該死。
五名體格魁梧的男子有講有笑，看來本身互相相識。
杖枋打個招呼:「我哋嚟幫手㗎，門後面就係後樓梯喇？」
男子點點頭：「其實呢度都七七八八。」他們已經把木板封了一半，看來不需要我們幫忙了。
阿智道：「咁我哋出去封Lift啦。」
殊不知另一個男子忽地上前，擠出噁心的笑容打量我和詩雅說：「呢兩條女係咩人？頭先喺出面見唔到嘅。」
他散發著如此病態的氣味，我絕對不會認錯。
下意識我後退了幾步，阿智擋在我面前：「睇嚟你哋呢邊都差唔多，我哋過去Lift果邊幫手，費事我哋成班朋友擔心。」
他故意在「成班朋友」幾字加重語氣，暗示我們有照應。
拆椅子的男子停下手上工作，走到我們面前：「唔使緊張，傾陣計先囉。」
釘門的男子喝拆椅男：「喂，唔好搞事啦。」
杖枋也擋在詩雅和我前面。噁心男又笑笑：「依家有咩好怕，都無人得閒理我哋。係嘛，坤叔？」
站在一旁沈默的男子也開始圍過來，糟糕，氣氛愈來愈不妙。
坤叔唐突地跑到我們身後，似乎想阻住我們的去路。「呢度隔住咁多道門，出面乜都聽唔到。」
雖然五對四，但一看就知我們不是他們的對手，而且「事後」他們大可以殺光我們隨便編個藉口說我們全部病發不得不殺死之類的……
愈想愈不對勁。
「啱啱俾兩條八婆走咗，咁啱你哋就出現喇。」拆椅男指一指後面的門，她們應該逃去後樓梯。
說罷，在場男士除了阿智和杖枋，全部不懷好意地緊盯著我和詩雅……
——待續
有睇緊既你俾個Like或者留言鼓勵吓丫
你簡單禁一禁，已經足夠成為我寫落去既動力
=0px:)預計星期六出故!
===================
相關全文連結：
《聽說過美國聖地牙哥這間鬼屋嗎》
https://goo.gl/NEgbxV
《死也不要讓我成為他們》
https://goo.gl/Rx1YWv
===================