(18+)聽說過美國聖地牙哥這間鬼屋嗎—外傳: 03
《聽說過美國聖地牙哥這間鬼屋嗎》
外傳-03
［朗毫方商場四樓］
解決幾名病者、打算說服大家上去商場八樓時，保安室卻播出與我們的消息完全相反的廣播：防線退到B2層。
到底哪個訊息可靠？
===================
故事簡介:
政府突然宣布全港進入緊急戒備狀態，
無數感染者襲擊人群、血花四濺……
我從大學逃命般終於跑到旺角這商場，
完全沒想過這才是讓我掉進地獄的開始……
第一回連結：
https://goo.gl/umfsne
===================
一直沈默的西裝男此刻發聲，我才留意到他五官端正而且身型比例相當好。
他說：「我覺得呢段廣播怪怪地⋯⋯保安室喺九樓，以目前情況佢哋無可能用十分鐘就落到去B2層。」
「你點知保安室喺邊層？」阿智問。
他比一比西裝上的襟章，一看原來是個名牌寫著「Shan」。
他說：「因為我喺呢度兼職做保安。」所以西裝是保安制服才對。
以保安來說他太年輕，看起來才廿幾歲左右。
「有無可能喺第二度都用到廣播先？咁佢哋唔一定喺九樓啦。」我問。
「無，只有九樓保安室控制到。」西裝男肯定地答，然後掏出對講機說：「Over，我係山仔，有無手足聽到，Over。」
粗口男馬上罵：「屌你，頭先你咪試過囉，都無人應。保安室佢哋話十分鐘就封路喇，我哋好拿拿臨決定上定落啦！」
對講機確實無回應。
「無喇無喇……」自私OL唸唸有詞。「大家都死晒喇……」
忽地，對講機傳出沙沙聲，然後有男人回話！——我永遠忘不了的聲音說：「我哋喺八樓呀，Over！你哋上嚟啦！」
我與阿智快速交換一個眼神：是家賢！
我激動得差點要把對講機搶過來，幸好阿智在旁按住。
「你係咩人？」山仔說：「頭先廣播又話落去B2嘅？」
一片死寂。
對講機不再發出聲響……
「屌！搞乜撚呀上面班人！」粗口男罵。
「可能佢哋分開咗兩班人，一啲喺八樓、一啲去B2。」我已經決定要上去，我說。「我哋會揀八樓果邊，你哋跟唔跟自己決定啦。」
「我跟你哋一齊上。」山仔答。「正常嚟講揀層高嘅位置嚟守，點都好過揀容易受攻擊嘅低層。」
詩雅想了想說：「我哋都係。」
「係呀！我哋會同你一齊。」粗口男喜悅地對我說。「係呢，你叫咩名？」
嬉皮笑臉地打量我的他太稚嫩了，看來比我年輕幾年，應該是中學生吧。
情侶卻表示要去朗毫酒店那邊；自私OL留在原地；男中學生說要獨自上朗毫方的辦公大樓看看。
最後決定上去八樓的人互報名字，總共五人包括我和阿智，山仔、詩雅、杖枋(粗口男)。想不到粗口男有個這麼文青的名字，而且他硬要把大型樂器背在背後也很奇怪。除他以外，詩雅和山仔看來比較可靠。
要從現在身處的地方上去，有幾個選擇：一是經長電梯；二是搭升降機；三是走後樓梯續層行上去；四是經短電梯(但已封死)，還有就是使用員工專用的升降機上去。
以上當然是山仔告訴我們。他分析：「不過個人認為都係長梯最穩陣，果班發病者之前試過唔知點樣爬入部Lift入面發癲，整停咗部Lift，結果出到嚟嘅人......全部都瀨晒嘢。」
想到在升降機內困獸鬥的畫面，倏地令我不寒而悚。
「如果無人異議就快啲行喇，我唔知佢哋幾時封路㗎。」我催促。八樓的話跟據面罩女說，超市物資運送完成後立即封閉。
我們靠著牆壁懾手懾腳移動到長梯附近，意外地沒看到發病者的蹤影。
若不是地上的血泊和零碎的人體殘肢，我還差點以為剛才的是幻覺。
「咦？頭先——」正當詩雅開口，我們上方傳來口哨聲。
有個女人在長梯上向我們招手，然後轉身繼續往上爬。
山仔把食指放在嘴巴上，示意大家不要發出聲響。我們快步踏上電梯。
到底發生甚麼事？會是陷阱嗎？
上到八樓，有幾個人神情嚴肅地等著，家賢不在當中。
該死，他逃到哪裡？！絕不能讓他先發現我，不然他一定會躲起來。
——或者先發制人。
八樓的人一一確定我們是正常人後立刻指派去後樓梯幫忙。
「要我哋幫手，起碼講咗咩事先，我哋應該無從屬關係唔一定要聽你講。」山仔說。「又話封B2層又話封八樓，你哋到底係咩意思？」
一名中年男子聳聳肩：「其實我哋都未知咩事，保安室果幾個人話總之要留喺八樓以上，其他嘢佢哋諗辦法。」
所以封鎖B2層是假的？甚麼鬼……
「你哋無事！」面罩女湊近說。她就是在三樓告知我們退守的女中學生！她旁邊還有一個中年女人。
「咦你上咗嚟？即係……」阿智問。
「超市啲嘢運晒喇，等多陣我哋會封埋條電梯㗎喇。」
「樓下無晒病人，係因為你清晒？」我問。
「唔係啦，有我哋十幾個人幫手開路㗎。」中女答。
面罩女說：「大家上晒嚟之後，有部份人去咗後樓梯封板喇，不如你哋都過去幫手？」
見中年男說服不了我們，她就出手。看來是個機靈的女生。
咦，慢著。難道家賢去了後樓梯區？
「好呀，一齊去啦。」阿智比我先想到，他說。
山仔對面罩女說：「你哋帶路啦。」戒心重的他似乎並未完全相信她們。
由於八樓與七樓間有條寬闊梯級難以隔離，他們索性保持七樓和八樓打通，選擇阻隔七樓與六樓之間的路，即是七樓以下的人無法再上來。
七樓和八樓的後樓梯區同時有人進行封路準備，面罩女讓我們加入比較少人的七樓後樓梯區。
「雖然我哋停晒成個商場嘅Lift，但封完後樓梯都要封埋Lift門，以防萬一。」進入後樓梯區，面罩女比一比左右的通路說。「有人已經喺度整緊，我哋分一半人去左邊、一半去右邊幫手啦。」
印象中之前去廁所要經過多道防煙門，加上後樓梯區左曲右彎的，很容易被埋伏。
「喂，到底安唔安全㗎？」詩韻輕聲問山仔。
由於隔著多道防煙門，我們聽不到更裡面的聲音。
一個想法突然閃過腦海，使我全身猛烈一抖！
粗口男杖枋應該跟我想到同一件事，他喃喃道：「其實……如果想封後樓梯……就咁封最出面道門咪得，唔使行到咁撚入封埋其他門㗎嘛……？！」
——除非，她們另有的。
待續
有睇緊既你俾個Like or 留言鼓勵吓丫
Tag下身邊會去朗毫方既朋友 : )
預計下星期二出故!
FB太小like既話朗毫方職員會罷工架~
===================
相關全文連結：(亦可去紙言睇)
《聽說過美國聖地牙哥這間鬼屋嗎》
https://goo.gl/NEgbxV
《死也不要讓我成為他們》
https://goo.gl/Rx1YWv
===================