已經二年了，我決定全力去追佢。: 第五章：約會（下）

咁上回提到我地起海洋公園食lunch
我地入咗一間餐廳，起入面行咗兩個圈都揾唔到餐牌，跟住問人，然後知道就去睇啦！
嘩！個價錢真係堅離地，貴到hihi。
最後我地決定去另一度食，跟住一齊去買炸雞。
我地坐埋炸雞店旁邊，咁我地買完就食lu。
咁我望到隔離係鯊魚館。
我：不如我地一陣去睇鯊魚?
阿欣：好呀！
咁我地食完野就去咗睇鯊魚，我講咗個笑話：個條鯊魚個樣同你嬲個陣一樣。之後阿欣無視我。。。。
阿欣：不如去挽動感快車?




我：啱啱食完野冇耐，我驚挽完會吐。
阿欣：咁轉頭先囉！
跟住我地周圍行吓行吓行咗去動感快車個度。
阿欣捉咗我上去。我驚到一個點，排隊期間我不斷同阿欣講咁多人不如唔好挽啦！最後我地都係挽咗，超級刺激，阿欣坐我隔離其實就冇咁驚。之後我地再挽多一次。然後周圍睇吓野就入夜，最後我地睇埋煙花就走了。
咁之後我地決定去荃灣食韓燒。
起韓燒過程中，我地咩都講，佢講吓拉小提琴，我又讀吓自己模型比賽既事，最好笑既事就係起我燒燒吓個陣，佢拎咗D生菜黎，同我講用生菜可以洗個爐蓋，但又真係洗到一部分。之後都傾吓計，我燒吓野比佢食，佢燒吓野比我食咁。韓燒完我地就去趕巴士，個陣已經夜晚11點左右。我地上得切巴士，我見阿欣好攰咁，佢坐起我隔離，好快佢就瞓著咗！佢瞓覺個樣真係好可愛，我仲同佢影咗兩張自拍。咁我冇叫佢，等到落車先叫醒佢，佢落咗車之後（佢一落車行兩步就到屋企）咁我坐多幾個站返屋企。