已經二年了，我決定全力去追佢。: 第四章：約會（上）

咁上回講到我約到阿欣去海洋公園。今次可以話係我同阿欣第一次單獨約會。我興奮到跳舞。咁去海洋公園前一晚我就同阿欣wts。

我：咁聽日aq早上8:30起上水火車站等
阿欣：ok，冇問題
我：記得帶多件衫，到時實整濕。
阿欣：差D唔記得。
我：咁早抖啦,goodnight
阿欣:goodnight
Wts完之後好似已經夜晚12點幾。
平時我應該上網睇吓片就瞓著，但可能緊張啦，瞓極都瞓唔著，好似去到4點幾先瞓著。




我7:30就起身，澡個涼gel埋個頭就出門，我仲wts阿欣。

咁我8:15就去到火車站（我當然要早D到啦！）
到8:30個陣，阿欣wts我可唔可以改9點，我就話：慢慢黎！跟住周圍行咗一陣。差不多9點，我企起火車站，雖然人多，但我感覺到有人向住我行過黎，我望過去，原來係阿欣，（冇見幾個月，又好似靚咗，雖然好似同之前差不多高）。一上火車我即刻搵個位，然後比阿欣坐，我就企起度，成程車我地淨係講吓各自返學D野。好快就去到海洋公園。天氣超正。我同阿欣講去坐纜車，但係我畏高，阿欣都知。起等坐纜車時，阿欣下載咗個海洋公園app,可以預約機動遊戲，不如預約挽動感快車la,我無言了，咁我地就坐纜車上去，一上到去，我話去挽雷霆節拍，佢話ok,咁我地挽個陣我就坐出面，佢坐入面，咁挽個陣，架野起咁轉，阿欣好自然咁壓埋黎，我就張隻手搭住佢膊頭。咁好快就挽完，然後我地去挽極地時速，我地坐最頭，我地諗緊後面D人點解叫得咁誇張。。。明明唔恐怖。之後我地去挽極流。
我：阿欣，你係唔係帶錯褸（阿欣帶咗件厚褸）
阿欣：咁點算呀？
我：我比件風褸你啦。
阿欣：好呀！
我被人射到濕曬。。。
阿欣就少濕啦。




之後我地去挽海盜船。（輕鬆啦！）
阿欣話挽越礦飛車，其實我之前同朋友黎過好多次，但我都冇挽（驚呀），但今次就算驚都要挽。
一開車阿欣同我講：宜家好似賣你豬仔。
我心諗：好似好恐怖。
經過一輪慘叫之後，我話再挽過，最好坐最頭。
之後挽完就去挽滑浪飛船，兩個人都冇濕，我估應該係因為我重過又高過阿欣，我坐後面，所以冇濕。

之後我地去食lunch