《為了妳，我成為了一個仆街》: 《第六章 朋友政策》

要埋一個鐘意既人身，朋友政策其實係一個低成本，但效益高既方法，但對於朋友政策四個字，唔同人有唔同既理解，而我就係咁諗。
 

話說中五嗰年，我試過同阿瑩既好朋友小敏打好關係，冇錯就係羅絲敏。我心諗只要接近佢或者可以同阿瑩接觸下，傾下偈。
 

今天是一個美好的早上，我的心情也特別好，因為今日將會有下學期既坐位表，我終於都唔洗再同嗰個一身汗味既肥仔森坐，而最重要既係我一諗到有可能同黃絲瑩坐我就覺得好興奮。我真係有一刻覺得鳥兒為我歌想既感覺。
 

我腳部輕浮地進入班房門口，我見教師枱旁邊圍住即都係同學。有啲同學表現得好興奮，因為可以同朋友一齊坐，但有啲就表現得好平淡，但這些都不是重點。




 

「點解，點解要咁對我！」阿恆大叫。
 

「哈哈，阿明同肥仔森坐呀！」留名大大聲咁同我講，基本上佢嘅聲線大到全班都聽到，好彩主角肥仔森重未返。
 

肥仔森既大汗味，大到有鼻敏感，長期鼻塞既我都聞到，其實我相信佢係有難言之隱，而且唔係好熟，我都唔好意思話佢，所以其實我覺得留名咁大聲話佢其實唔係咁好。
 





「阿傑，你同邊個坐呀？」剛剛回來的阿朗拍拍我手臂說道。
 

「唔知喎，頭先咁多人，依家睇下先。」我一邊說一邊走到教師枱前，我壓住心中的緊張。
 

我在座位表從左至右，下至上找我的位置。
 





果然，我還是坐在最前排，與阿瑩相距九丈遠，我的心即時一沉，但好快我又平伏下來，大概我已經習慣了這個命運。
 

我也沒有心思看同桌是誰了，大概是個女同學吧。我走到被安排的坐位上等待這個將會陪伴我下學期課堂的同學。
 

過了五分鐘，我聽到旁邊有椅子的聲音，我本能地把頭轉向左邊並向上望。
 

在我眼前的是一個樣子清秀的女同學，她束著馬尾，戴上了粗黑框眼鏡，也算得上是我喜歡的類型。
 

「多多指教！」她說。
 





回想上一次聽多多指教一詞應該是阿瑩同我講，這也難怪，這個年頭還哪有人說這些老土的說話。
 

「多......多指教。」我回過神來，淡淡的一句。
 

呀！我記起了，佢係阿瑩既好朋友羅絲敏，如果佢喺阿瑩面前美言幾句，同阿瑩一齊既計劃想必事半功倍，但我又唔知佢係咪一個保守到秘密既人，如果佢話哂比全班知，或者阿瑩知，我既計劃便可以算是失敗了。鐘意人既野總是越少人知越好。所以先同羅絲敏打好關係才是萬全之策。
 

「係呢你係咪數學好勁嫁？」沒想到是她先打開話夾子。
 

「OK，普普通通啦,哈。」我摸摸自己的後腦，比人咁樣讚一讚實在有啲唔好意思，但總是有點飄飄然。
 





「我見你讀M2，小瑩成日同我提起你，話你成日教佢數。」她低下頭說。


小瑩成日提起我?


唔知仲有冇提起其他方面呢?
 

「哦！我都係諗住幫下同學姐。」絕對唔可以露出馬腳。
 

「咁你得閒可唔可以教埋我呀！」她凝視著我。
 





「如果有唔識既你都可以問下我既，但唔保證我識架。」我微笑說，其實我想拒絕，但我總是冇法拒絕別人，更何況係一個女仔的請求呢？其實依個都係同佢打好關係的方法吧，就當係為左阿瑩。
 

「係呢，應該點叫你呀？」她問。
 

「叫我阿傑得啦。」我微笑說。
 

「我叫小敏啦。」她笑得很甜。
 

日子耐左，我同小敏的關係也好了起來，有講有笑，無事不談，有時候甚至我們都會一起吃午飯。







小敏成為左我既好朋友。



但係我同阿瑩既距離都仲係這麼近那麼遠，唔知點解就算係得我同小敏食午餐，小敏都唔會拉埋阿瑩去減低尷尬感，到底要點做我先可以同阿瑩有除了教數以外既關聯呢？