當年我曾經追到一位女神,但我竟然飛左佢。: 二十七節:挽回 (洋蔥篇)

https://www.youtube.com/watch?v=lO-jCwMqlQI 《聽住依首歌睇特別有感~》


復活節假第二日我約左阿靜食晚飯,同佢將件事講清楚。

晚飯個時大家都好靜,講左唔超過五句野。

我唔想係大庭廣眾面前同阿靜講真相。

食完飯之後我帶左阿靜去一個好靜既公園,依個公園平時下晝都無乜人,依家夜晚更加唔洗講。





我想開口個時,阿靜竟然搶先一步開口講

「阿東我諗我知道你想講咩,其實我一早知你同阿彤之間既野。」

「我知妳一直都好留意阿彤,我係阿結到打聽到你仲鐘意住阿彤,只係唔好意思拒絕我。」

我估唔到阿靜會知道阿彤同我之前既關係,阿靜繼續講落下。

「我知我係一廂情願咁去鐘意你,我好早就感覺到你唔係真心鐘意我。」





「同妳係埋一齊既時光真係好開心,多謝你令我改變,多謝妳肯同我係埋一齊,多謝你比左依段回憶。」

「男仔認真個樣會令女仔著迷,我記得中三既時候你教我做數,你認真個樣真係令到我好著迷,我個時成日借問數而望住你。」

「情人節個日妳接受我既表白,我個晚開心到訓唔著,所以夜晚whatsapp妳約你出街。」

「仲記唔記得去朗豪坊個次,個日可以話係我人生最開心既一日,可以同自己鐘意既男仔由最上層慢慢行落黎。」

「我仲好記得我個初吻,我依一世都唔會忘記,仲有好多好多野............」阿靜仲對住我強顏歡笑咁同我講





「夠啦,唔好再講落去。」我已經喊到連眼前既景象都模糊哂

我行前幾步攬住阿靜,係佢耳邊講:

「對唔住,其實我有真心鐘意過妳,其實妳係我遇過最好既女仔......」我喊到已經講唔出野

阿靜仲好溫柔咁掃我背脊,等到我心情平服番啲,阿靜就推番開我。

「走啦,夏至東,去追番阿彤,唔好要一個願意等你兩年既女仔等,仲有唔好再令佢為你而傷心。」

「真係好多謝妳阿靜,我欠妳既依一世都還唔清,同妳拍拖既日子我都會記住。」我講完阿靜就打左個手勢叫我離開

到最後都唔係我主動開口講清楚,而係要一個咁好既女仔同我講,佢好了解我,知我唔想傷到佢心先搶先問口講。





阿靜,對唔住,我就係個咁無膽都無用既男仔,我知妳係個好溫柔既女仔,希望妳可以搵到個真心對妳好既男仔。

依個時候我已經跑緊去阿彤屋企,我要重新挽回阿彤個心,同時亦唔可以令阿靜對我既溫柔白費。

係我人生遇到妳真係好,阿靜。


【唔好要一個鐘意妳既女仔為你傷心咁多次】