當年我曾經追到一位女神,但我竟然飛左佢。: 二十六節:辜負

自從同阿靜約會完,我地就穩定拍左拖兩個月。

而返學既時候,阿彤已經對我不理不睬,換轉係我都會咁做,我明白阿彤既諗法,我同佢係依段時間互相冷戰。

雖然我係鐘意阿靜,但硬係有一種唔係真心鐘意佢既感覺。

我係唔係當左阿靜係阿彤既替代品?

但每次見到阿靜我就會打消依個諗法,因為我真係唔想傷害到佢。





直到放復活節假既前一個星期,阿權約左我放學係佢課室等。

我諗應該同阿彤既事有關。

到左放學既時候我過到去C班既課室。

課室裏面既同學一早走哂,好似知道有究發生咁,得返阿權一個坐係到等我。

阿權見我黎左之後即刻起身係位到行出黎打左我一拳,但依拳既力度比較細,我覺得阿權係專登既。





「夏至東,究竟你想點呀?唔追番阿彤不特只,依家仲要同阿靜係埋一齊?情人節個日我見到阿彤喊住咁走,whatsapp佢又唔同我講咩事,直到前排我先知你同左阿靜一齊。」阿權好激動咁講

我無任何既回應企左係到,我唔知點答番阿權好。

阿權舉起隻手想打我另一邊面既時候,我無避開,更加好想佢打落黎打醒我,但佢無打到落黎而停左手。

佢另轉面同我講

「其實情人節前一日佢係為左整朱古力比你而無返學,佢仲諗住無論你解唔解到個問題都同番你一齊,但你竟然..........」我聽到出阿權背住我喊緊





「對唔住,我都唔想搞到依家咁,但個時情況所迫。」我講比阿權聽

「你唔應該同我講對唔住,要講既就搵番阿彤講,對我講無用,佢仲希望你有回心轉意既一日,但你唔好再令到佢失望。」

「你走啦,我要講要做既都做哂,跟住落黎睇你識唔識做啦,夏至東。」阿權依然背對住我講

我離開左C班既課室時候,我心裏面一直係到多謝阿權,係佢令我到知道要點做,我真心覺得阿彤應該簡既男朋友係阿權而唔係我。

但係我好快打消依個念頭,我唔想再令阿彤對我失望,唔想佢再為左我而傷心,唔想辜負阿彤對我既感情。

我下定決心一定要挽回依個局面,下個星期我要約阿靜出黎講清楚。



【如果妳係阿彤,妳會唔會再比機會夏至東?】