《打賭輸後要溝女神》: 【打賭輸後要寫後記】

又一部十萬字嘅「少女時代系列」愛情作品，唔知大家睇完有咩感覺呢？不妨留個言話我知呀！
 
之前都有講過，其實寫《麥當勞遇到女神》嘅時候都有迷失過自己，但慶幸嘅係靠住呢個新作品令我搵翻寫作嘅樂趣，即使冇人睇我都覺得好滿足，因爲我真係好鐘意寫。
 
從4月5號寫到今日6月4，足足兩個月嘅時間，每日都用好多時間構思同寫出嚟，除咗讀書、打波，就係寫嘢，打文嘅時間仲多過溫書哈哈。
 
今次嘅故事好多謝大家咁支持，尤其我冇諗到紙言會咁多人 Support ，而係高登亦都有可以開第二個Post！多謝！
 
尤其係留言支持嘅，我衷心感激大家比我咁多沖勁寫多啲文比大家。
 




一個平凡人，因爲有咗大家，而變得不再一樣。
 
聽住最鐘意嘅飛輪海嘅《越來越愛》然後寫住結局...真係好爽。（一定要聽）
 
希望鐘意我寫故仔嘅大家會繼續支持我，雖然我知道呢件事唔容易，但我都好想繼續見到大家~我之後會繼續寫更多嘅作品！
 
當然如果你鐘意呢個故事或者結局嘅話，記得要留翻個言比我記得你個名！（當係安慰一下聽日要測驗但都打文打成日嘅我 QAQ）
 
好啦，老套嘅結尾。
 




冇大家，就冇我。
 
我愛大家。
 
PS.記得聽飛輪海嘅《越來越愛》！！！同埋讚埋FB Page就最好啦~~~！
 
By 寫完後記就即刻狗沖去溫書嘅倖存
 
4.6.2017 20:56