【《講鬼台》第1001回】: 4.4

「呼…好沉重好沉重既感覺...」
 
「唔好意思，原本諗住講個輕鬆啲既故事，無諗過會講到咁遠......」
 
「咁小君呢？最後小君點？」
 
「小君之後其實一直都無醒過，連爸爸都走埋，當時根本無人可以幫到我...之後我成個人無哂心機，仲退左學無再讀書，然後周圍去搵啲識法事既師傅諗住請教一下，但始終都係無一個有爸爸咁高既本事可以做到元神出竅。做唔到元神出竅，就無得落地府救翻小君既靈魂上黎。我睇過好多有關驅魔辟邪既書，但全部都無提及到我想知既野。呢種咁既日子，足足持續左半年，不過我無感到絕望，記得爸爸曾經講過自己喺泰國跟過一啲高人學道，我當時真係有諗過不如去泰國走一轉，順便睇吓會唔會有世外高人識得元神出竅，但最終當然係無去到，因為有一日又發生左一件咁既事...」

＃＃＃＃＃＃





某晚，我坐到樓下的海旁吹風，就在我和小君經常坐的那個位置。
 
可能是為了小君的事而整天奔波勞碌，於是感到倦了，躺在石牆上的我竟不知不覺地睡著了...
 
......
 
冷冷的海風整晚拍打著我的臉，不知道睡了多久之後，我打了個噴嚏，然後便醒了過來。
 
我張開眼睛的時候，除了望見滿天繁星，還看到了一個熟悉的身影坐了在自己的身旁...
 




這個人的小君…
 
我慢慢地爬了起來。
 
「你醒喇？」口中含著珍寶珠的小君說：「你訓左好耐喇，你自己知唔知？」
 
「係咩…」
 
我當然知，我還知道這只是個夢...可以的話，能否永遠都不要醒來。
 




我刻意放輕了自己的所有動作，生怕夢境外那個真實的自己會被突然弄醒。
 
「要咩味？」小君從衣袋中拿出了幾根珍寶珠。
 
我選了可樂味。
 
小君莞爾。
 
我看見了她左臉上的那個小酒窩，想不到夢裡的自己也是比較喜歡待在她的左邊。
 
「我地...好耐無見喇...」我壓抑著體內那激動的情緒。
 
小君沒有答話，只是仰起了頭，望著頭頂上那清澈的夜空。
 
過了良久，她才開口講話：「你做乜咁傻啊...有書都唔讀。」




 
「我對讀書一向無興趣...你知架。」
 
「啜卜～」她抽出了口中的珍寶珠：「係者，但起碼都考埋個會考先嘛...」
 
我低頭不語。
 
「做咩？你無野想同我講咩？」她看著我。
 
「對唔住...如果唔係因為我，你就唔會...」
 
小君用珍寶珠往我的鼻頭上敲了一下：「呢個時候唔好講呢啲野啦…」
 
「嗯…」她這樣說，我內心的愧疚感反而更強烈。
 




「其實...你係咪仲未發現到？」她問。
 
「發現咩？」
 
「哎呀...你真係好蠢啊...」
 
完全不知情的我，只好難為情地摸著自己的頭：「吓...！？咩啊...」
 
「唉…算啦，你真係好遲鈍，話埋俾你知喇...個盒模型啊！」
 
「模型？你送俾我嗰盒？有咩問題？」
 
「你自己發掘吓盒模型到底有咩地方唔妥啦！」小君雙手橫抱在胸前，像是有點惱我的愚鈍。
 
「唔好嬲啦...」




 
「我無嬲！」
 
這時，小君打了個噴嚏。
 
「你凍啊？我除件外套俾你！？」
 
「唔使喇，我都係時候要走喇...」
 
「去邊度！？」
 
「我去邊關你乜事！？」
 
「我...其實...」我有點吞吞吐吐。
 




「我走喇...」小君站了起來。
 
我拉著了她的衣袖：「可唔可以...陪多我一陣？」
 
她搖了搖頭：「唔好喇，你都快啲番屋企休息啦，萬一凍親就麻煩喇...」
 
這時，我才發現到小君的背部原來長著了一對白色的小翅膀，右手更拿著一把閃閃發光的白色小弓：「我真係要走喇...」
 
「嗯…」我垂下了頭，因為，男生總不希望讓女生看到自己那熱淚盈眶的醜怪模樣。
 
「請埋你食啊！」她一邊手提著我的手，一邊手將衣袋內其餘的珍寶珠掏了出來並交到我手上。
 
這是我們的第一次手牽手。
 
白色的小翅膀開始拍動著，女孩準備要走了。
 
緊握著的一雙手即將要分開。
 
 

那裡有彩虹告訴我　能不能把我的願望還給我
 

 
男孩不斷嗚咽著，說不出話來…
 
女孩沒有跟男孩說再見，因為她知道，這之後大家將會天各一方，永遠都不會再見...
 
天使沒有回頭，人類也沒法挽留。
 
 
 
看不見你的笑我怎麼睡得著 你的聲音這麼近我卻抱不到
 
 
 
她振翅高飛了...
 
二人之間的距離，逐漸被拉遠…
 
 
 
你要離開 我知道很簡單 你說依賴 是我們的阻礙


 
女孩的身影逐漸縮小，慢慢的，消失於夜空之中...
 
最後，她化作了天上的一點星光，永遠的，永遠的，在遠方照耀著人間...
 
 
 
就算放開 但能不能別沒收我的愛 當作我最後才明白
 
 
……
 
含淚的雙眼緩緩張開。
 
夢完了，感覺很真實，實在捨不得就此醒來。
 
不過，夢終究是個夢。
 
雖然我們的相聚時間只有很短，但，已經足夠讓我回味一輩子。
 
如果能夠重新再來一次，我仍然希望有她出現在自己的生命裡。
 
那日回家後，我立即從櫃裡拿出了那盒閃光高達模型來端詳一番，竟真的被我發現了些什麼…
 
模型盒蓋的底下，是一個以珍寶珠棒所砌成的「光」字，旁邊還貼著了一張粉紅色的卡紙...
 
真是大意，為什麼我一直都沒有察覺到？
 
我把膠紙拆下，取下了這張一直都存在，卻十分隱蔽的神秘卡紙...
 
上面寫著：
 


「聽人講部高達個名有個光字，所以就即刻諗起你…
 
以後唔好再咁幼稚得唔得？因為只有成熟既男仔先可以俾到安全感女仔，而我...其實係一個好需要安全感既女仔。」
 


淚水泫然泣下，模型盒蓋上的紙皮沾濕了一大片。
 
這是我一生中留下過最大的一個遺憾，也是我這一世所收過最好的一份禮物。
 

 
 
＃＃＃＃＃＃


「咁之後呢？』
 
「發完呢個夢之後既第二日，小君既屋企人就收到醫院打黎既電話，話佢停止左呼吸同心跳，搶救完一輪之後都係救唔翻...」
 
「咁即係話...小君當日係透過報夢黎見你最後一面？」
 
「可能係掛...或者係我自己日有所思，夜有所夢。其實咁多年黎，我間唔時都會夢見佢…」
 
「咁你信唔信呢個世界有天使同魔鬼？」
 
「哈哈…我信架，每個人既生命裡都會至少出現一位影響得自己好深遠既天使，而我既天使，當然就係佢。」
 
「財叔又點呢？佢而家仍然安好嗎？」
 
「佢...兩年前因為肺癌走左喇...」
 
「噢...節哀順便...唔好意思...」
 
「唔緊要，其實今晚都講左好多傷心事，人生一定會見證好多生生死死，唔需要看得太重...同埋我諗我無野可以再補充喇，我講既故事去到呢度完喇。」
 
「呼...今晚係咁多晚以黎最輕鬆亦都係最沉重既一次。真係好多謝羅師傅講左佢自己既親身經歷俾我地聽...如果財叔而家喺度聽緊你做節目，你會希望同佢講啲咩野呢？」
 
「難離難捨總有一些 常情如此不可堆卸 任世間怨我壞 可知我只得你　承受我的狂或野～～」
 
「咁我知道羅師傅其實都點左首歌想送俾佢既天使...咦！不過你唔驚老婆而家聽緊會呷醋咩？」
 
「當然唔會，我係想好似大家懷念呢位歌星既聲音一樣咁去懷念一下呢位朋友者，同埋我呢個故事佢成日都聽架啦，佢都好欣賞我呢份浪漫架!」
 
「哈哈…咁以下落黎既時間，我地一齊黎欣賞吓羅師傅既浪漫啦。最後，感謝大家收聽最後一集既《講鬼台》，我係你地既節目主持人沈詩詩，有緣再會，晚安！」