中左六合彩頭獎四千八百萬，依家唔知點算?: 90 沒有陳詠恩的日子

沒有陳詠恩的日子 第十一日 雨

大家好呀！又到寫日記嘅時候啦。已經係「燒嘢食事件」之後嘅第十一日啦。呢兩個星期我都過得好充實。朝早幫老豆公司送貨，下午就忙裏偷閑周圍去行吓Relax吓，到夜晚呢…就會留返喺屋企造歌，每日都好有規律。

今日係joey姐開show嘅大日子啦。好多朋友都喺Whatapp祝賀佢，當然我都唔例外啦，一早就訂定個果籃送左過去比佢啦。Sandy姐仲有喺whatapp舊公司群果度分享返開show前嘅情況比我地睇。見到joey姐又拜神，又切燒豬咁，加上成個場都係果籃，場面真係好墟冚，祝佢good show啦。

今日經理人Ella又打比我啦，仲send左我離緊嘅schedule 比我。雖然暫時見到都唔算太多野做，但都總算係有工開啦。

今日天氣好差呀，一朝早就開始落大雨啦。我朝早送貨周圍都大塞車，下午收工之後邊度都去唔到，只可以留喺屋企，所以我下午一個人喺屋企練下歌咁，希望過幾日唔好發台溫盡量發揮到平時嘅水準啦。





沒有陳詠恩的日子 第十二日 晴

今日天氣已經好返哂啦，陽光普照風和日麗。今日一早我就返左公司啦，不過唔係老豆公司，而係大台呀。無錯呀…我正式開返工啦。今朝早經理人Ella安排左我返公司露個面同啲高層打返聲招呼先，之後都係喺錄影廠走離走去咁，到夜晚就安排左我上一個關於流行經典金曲嘅節目進行錄影，唱返兩首懷舊金曲咁，話比我熱吓身搵返個狀態喎。在場有好多前輩同現場觀眾係度，咁耐冇上鏡喎…開頭都真係有啲緊張，但好彩家燕媽媽比好多鼓勵我，其他前輩又冇乜架子喎，都好肯教我野，我今晚真係學到好多野呀。好嘅開始係成功嘅一半吖嘛，離緊我一定會加油努力架！

張敬聰日記完。