中左六合彩頭獎四千八百萬，依家唔知點算?: 67 陳詠恩內心世界(上)
陳詠恩內心世界
er...大...大家好，我叫做陳詠恩，今年二十七歲。記得...19歲果陣，
因為讀書成績唔好，所以報讀左毅進。因為我本身係一個比較內向同好慢熱嘅人，
所以開頭都冇同過啲同學有交流，直到要上「人際關係科」果陣...
因為係「人際關係科」顧名思義就係要同學多啲同人交流，增加學生嘅自信心，
迫於無奈之下我要同三個同學組成一組做一份project。三個同學當中有兩個係女仔，
一個叫做小生、另一個叫做lo ming，所以都比較易相處...但係有一個係男仔我實在唔知點好，
我咁大個女都冇乜點同男仔相處過，但係同一組又冇可能完全冇交流，
所以我戰戰兢兢咁...盡量主動同佢講野。
依個男仔叫做張敬聰，同佢相處左一排之後，我開始發覺依個男仔幾好，
外表本身就唔差...高高大大咁...加上佢好主動幫我，我成日做錯左啲野佢都會好不經意咁幫我改返好，
可能佢知我怕羞啦，所以唔會好主動咁聊我講嘢，但係其實喺不知不覺中我已經對佢有左意思...
不過佢...就好似冇乜動靜咁，我開始差度佢到底對我有冇意思，直到佢上我屋企傾野果日。
果日本來係約埋另外果兩個女仔一齊上離嘅，但係lo ming話果日唔得閒，
而小生就臨時甩底，所以到最後...我地就孤男寡女獨處一室啦。
我地兩個坐左喺廳張飯枱度開始做我地嘅Project。
「...佢兩個呢？」做左十零分鐘之後，阿聰忽然醒起。
「...er...佢地話有啲事離唔到！」我緊張回應。
「...吖...佢兩個又蛇王，冇辦法啦...我地做埋佢啦。」阿聰有啲無奈咁講。
今日呢...話就話係得我地兩個喺我屋企，其實工人姐姐喺度，
但係做到咁上下，因為工人姐姐要出去買餸，所以...到最後真係得返我地兩個。
其實當時我好緊張...我...到底點做好呢？
「...吖...休息陣先啦不如！」做到咁上下，阿聰伸一伸懶腰講，之後就行左過梳化果邊hea左喺度啦。
「...飲杯水啦。」我見冇野做，而且傾左咁耐阿聰都應該會口渴，
所以就喺廚房倒左杯水出離諗住比阿聰飲，點知...
「...吖！」可能緊張得濟啦，我一個唔小心倒左小小水落阿聰件衫度，點算好呀！！！
「...對...對唔住呀！」我即時好唔好意思咁，喺側邊拎左張紙巾幫阿聰抹。
「...唔緊要...唔緊要，我自己離得啦。」阿聰都有啲尷尬，手忙腳亂咁。
就喺千鈞一髮嘅時候，我唔知何來嘅勇氣，忽然一手捉住左阿聰隻手，
我望住左佢...佢亦都好疑惑咁望住左我，就係咁...我地對望左幾秒，
當時我好驚...成個人硬哂軚...終於...
「......！」終於我放返開捉住阿聰隻手嘅果隻手，然後擰歪面唔知講咩好，
好尷尬呀...我feel到我塊面已經紅哂，點解我會失控架！
「...阿恩你...？」阿聰企左起身，行左埋離望住我講。
「...冇...冇野呀！」我口窒回應。
「...嘻嘻...我好似表錯情呀呵...？」然後硬着頭皮咁認衰。
「.....！」當我擰轉頭想走入廁所爆喊嘅時候，阿聰忽然捉返住我隻手。
「...阿恩..！」阿聰好溫柔咁講。
「...我真係冇野喎！」我繼續強忍淚水。
「...！」但係阿聰竟然雙手攬住左我。
「...嗚～」喺依一剎那，我終於忍唔住喊左出離啦。
成個人好似崩潰左咁，喊到阿聰成個膊頭都濕哂。
「......！」等我心情平復返啲之後，阿聰將雙手拉到我膊頭側邊，好溫柔咁望住左我。
「......！」我亦都一樣呆左咁望住佢，因為我真係唔知佢依一刻到底諗緊咩。
「....我鍾意你呀！」就喺幾秒鐘之後，阿聰突然講左一句咁嘅說話，我...我有冇聽錯呀？
「...吓...！」我打左個突。
「...你...唔洗...勉強喎！」我口窒窒咁講，因為我唔想佢因為可憐我而講啲咁嘅野。
「...真架！其實第一日返學我就鍾意左你架啦，不過...一直都唔知點表白姐！」阿聰繼續溫柔回應，我...係咪發緊夢呀？
「...！」我冇出到聲，但係已經開心到唔知講咩好，淚水再一次流出。
「...咁你...可唔可以...做我女朋友呀？」阿聰溫柔咁問，我...我已經崩潰啦。
「...嗚～～」咩都講唔到，只係不停點頭成個傻婆咁。
咁所以呢...我地就喺埋左一齊啦。果段日子好開心呀，可能我未拍過拖啦，
覺得好甜蜜...差唔多每日放左學，阿聰都會上離，有時我亦都會上佢屋企，
雖然阿聰份人就唔係好細心，但係...佢對我都算唔錯架啦，
不過我地依段關係...只能夠維持到半年左右。
我記得果晚，因為阿聰約左佢個朋友出左去篤波，
而果晚我又冇咩做喎，咁所以呢...我就走左出去搵佢啦。
果間波樓喺上環架，其實我都真係唔係好識路，不過為左見阿聰，
所以我係搭的士去嘅。上去之前我打左電話比佢問佢食乜，
之後就拎住個飯盒行上去啦。
點知上到去，阿聰對我嘅態度同平時好似有啲唔同咁，
好冷淡...唔知係因為佢有朋友喺度定因爲佢好專心咁篤緊波啦。
其實阿聰本身有啲大男人性格我係知嘅，但係果吓就係唔知點解，
有啲心不爽咁。點知阿聰仲忽然同佢個朋友為左啲無聊事而遷怒於我，
我當時本身就已經有啲心情唔好架啦，比阿聰鬧一鬧...我真係有啲嬲囉。
但係到最後竟然係阿聰一怒之下拍枱走人囉。
咁所以呢...果日之後...我冇主動搵過阿聰，本來諗住佢過兩日下左啖氣會搵返我啦...吖...
點知佢竟然搵都冇搵過我囉，一日、兩日、三日...四日...去到第七日，
其實當時我個心好慌架，成日望住個電話，但係阿聰始終都冇搵過我，
可能我性格本身就係比較硬頸，既然佢唔搵我...咁我都唔會搵你...就係咁...
好快就過左一個月，其實我個心依然係好希望阿聰有一日會搵返我，
但係可惜事與願違，阿聰就係一直都冇出現，就好似喺我生命當中消失左咁。
我身體忽然出現左啲問題，我發覺我開始成日作毆作悶，起初以為只係普通嘅腸胃炎，
但係食左藥都冇好轉，作毆越離越頻密，於是我再一次睇醫生，經醫生診斷...我已經有左身孕，
醫生再即時轉介左我去睇一個喺尖沙咀都幾出名嘅婦產科醫生，經孫醫生用超聲波診斷後，
確定我係有左大約兩至三個月嘅身孕。
望住超聲波機果個螢光幕，果種感覺...好奇妙，但係又好不安，
我真係唔知點算好，雖然見到小生命喺我肚入面郁嚟郁去果陣我真係有一種感動，
但係亦都好徬徨，講真...果陣我先得果十九歲，人生經驗同經濟能力都冇，
而且...仲係未婚媽媽....我到底...可以點做呀？
日子一日一日咁過，好快我個肚已經有成五、六個月大，
阿爸阿媽已經開始懷疑我啦，成日都問我係咪肥左，但係因為係冬天，
所以我好多時都會著啲鬆身衫同褸去掩飾自己，果陣我真係好想搵返阿聰，
因為我知依個秘密就離會瞞唔住啦，因為阿妹經常都唔返離訓，
所以喺夜闌人靜嘅時候，我經常都會匿埋喺自己間房到飲泣，
可能依啲就係產前抑鬱啦。我真係好掛住阿聰，但係我真係冇面目搵返佢，
日子繼續咁過...好快我個肚已經七、八個月大啦，我一直都有搵孫醫生幫我做產檢，
咩「t21」呀、照結構呀，我都一一做齊，係啦...唔記得同大家講添，
我依胎呢...係女離架，成日都踢我...真係好鬼活潑架。
https://youtu.be/yKrLBQQw7dE
謝霆鋒 蔓延
望著月光 感覺很懶 連床頭燈都有點淡 但從來沒有空白
望著大鐘 感覺很怪 猶如回憶只會專橫 而從來沒有選擇
床單很冷 皮膚很暖 也許因她相信浪漫
就此知道 離開很快 再見很慢
＊寧願從來沒有她 今晚不必習慣
輾轉反側都想她 方知傷痛那麼大
寧願從來沒有她 應該一早習慣
孤單都不識孤單 方知放棄那麼慢
道別什麼 一切荒誕 連搖籃曲都有點壞 誰從來沒有長大
願望什麼 一切所愛 猶如流星只會灑下 而從來沒有選擇
桃花很遠 曇花很近 也許因她相信大限
就此知道 離開很快 永遠很慢
Repeat ＊
忘掉未夠思念慢 看見天已轉藍
Repeat ＊
寧願從來沒有她 放棄太困難
忘掉未夠思念慢