中左六合彩頭獎四千八百萬，依家唔知點算?: 55
眨吓眼...已經過左兩星期，老豆總算搞掂左公司嘅危機，而且仲同思敏老豆間建材公司簽左合約，
成為左生意上嘅合作伙伴，希望離緊嘅日子，老豆公司嘅業務可以更上一層樓啦。
而我呢...依兩個星期都冇出過街，日日就喺屋企百無聊賴咁，等緊經理人Ella嘅電話，
但係等極都仲係無聲無氣咁，唔通佢已經...忘記左我？
今日已經係四月四日啦，
到底我應唔應該打個電話比佢呢？
「...嘟嘟～」就係咁，我終於忍唔住打左個電話比Ella，其實諗諗吓，
係咪應該send個whatapp試吓個水溫先啦，不過既然打左就唔好驚咁多啦，
問個清楚問個明白都好嘅，起馬唔洗無止境咁等吖...！
「...喂，聰？」電話通左，係Ella 把聲，周圍好嘈...應該係出緊show。
「...係...係呀，做緊野牙？」我口窒窒咁問。
「...係呀，出緊個兒童節活動show，你等等...我行埋一邊先...！」Ella 細細聲回應，之後電話靜左一陣。
「...係...搵我有事？」等左十幾秒，Ella再次出聲。
「...er...冇...見你咁耐都冇搵我啦，咪想睇吓幾時會有工開囉！」我單刀直入。
「...er...拿...阿聰，你單刀直入我都唔轉彎抹角啦，講真...上頭仲未對你出解禁令，
所有我就算有job都真係唔可以安排比你做住！」Ella好認真咁講。
「...唔...唔係咁大獲吖嘛？」我口窒回應。
「...你知唔知你果日甩底果個商場show，原來果個商場嘅老闆係我地公司高層何生親戚離架？」Ella繼續認真。
「......！」而我就啞口無言，因為其實我都唔係好知佢講邊個何生。
「...單野傳到去大老闆果度，之後就有咁嘅安排啦。」Ella講。
「...咁...咁...到底要雪我幾耐姐？」我有啲無奈。
「...現階段真係答你唔到，要睇啲上頭點諗，有啲人可能比人雪幾個月，
有啲人可能從此消失！」Ella認真陳述。
「...咁.....！」我繼續無言以對。
「...sorry呀聰，我盡左力架啦，雖然無job姐，但係合約期內，起馬都仲有底薪，
除左一啲有關嘅商業活動之外，你可以做其他野，例如作定啲歌，
得閒多啲放相上Facebook增加多啲知名度同friends數目，到時可能啲高層見到你咁有號召力，
提早比你解冷都唔奇架！」Ella 繼續陳述，睇離真係冇乜彎轉。
「...咁...即係！」我疑惑咁問。
「...即係只有等囉！」Ella 答得好肯定，我諗我真係正式玩完啦。
https://youtu.be/OlhkBKqcixQ
http://www.joox.com/common_redirect.html?page=ksong_production&id=KWORK_6_351144_1548952400590&appshare=iphone&backend_country=hk&lang=zh_TW
謝霆鋒 孔雀
穿起了一片藍，掀起了海嘯直捲港灣...
穿起了一片紅，展開了轟炸自覺璀璨...
即管穿到最俗艷，雖不知道這俗艷
還有誰能望見？
即管撐到最後吧，雖不知道最後限期是
在哪天？
誰 如此漂亮？像隻孔雀，讓你觀賞！
沽出姿色當個偶像，展覽美麗換來飼養，
收場，都一樣！
誰 如此漂亮？像隻孔雀，望你欣賞！
可惜一早穿戴漂亮，整晚放著動人賣相，
只能等待你入場！
穿起了鮮血紅，想將那幽怨面色沖淡...
穿起了孔雀藍，映得冷宮裡未算很冷...
仙丹可以繼續練，雖不保証快樂藥，
能夠甜如蜜餞，
心經可以繼續唸，雖不保証變做鳳凰後，
會飛天......
誰 如此漂亮？像隻孔雀，讓你觀賞！
沽出姿色當個偶像，展覽美麗換來飼養，
收場，都一樣！
誰 如此漂亮？像隻孔雀，望你欣賞！
可惜一早穿戴漂亮，整晚放著動人賣相，
只能等待你入場！
誰 如此漂亮？像隻孔雀，讓你觀賞！
沽出姿色當個偶像，展覽美麗換來飼養，
收場，都一樣！
誰 如此漂亮？像隻孔雀，望你欣賞！
可惜一早穿戴漂亮，整晚放著動人賣相，
只能等待！
收左線之後，我個腦一片空白，冇特別唔開心嘅感覺，只係有啲...迷失方向咁，
唔知自己應該做啲乜。Ella應承會盡力幫我，等時機成熟，佢會盡量安撫班高層，
不過要等件事淡啲先，咁我都信Ella 係一個好人離嘅，依家就唯有將所有野都交哂比佢處理。
喺屋企無無聊聊咁上吓網，玩吓結他...好快又到左黃昏，我feel到自己堅頹廢，
但係又好鬼死舒服，咁嘅生活真係好易令人上癮，再咁落去我好大機會會變隱蔽中年。
今日唔知老豆咩事，比平時早收工，仲話喺附近酒樓book左枱食飯，叫哂我同阿媽、
細妹準時到添，於是我喺屋企Hea到七點零鐘左右，就施施然咁落樓啦。
老豆book果間酒樓其實只係喺樓下嘅大型商場入面，我鞋都廢事著，求其穿件t恤
短褲，帶返頂帽之後踢對拖就落樓啦。行到過去酒樓都係七點半左右，
但係門口已經人頭湧湧，好多攞左飛等叫號碼嘅人喺度行行企企咁。
「...大佬！」喺我東張西望緊嘅時候，有人叫我...我回頭一望，原來係阿妹，
應該係啱啱收工返到離，著住一身OL look，短裙、高踭鞋，睇真啲阿妹其實都幾靚女，
眼大大咁，化埋妝真係殺死唔小麻甩佬，講開又講...唔知佢同黑仔嘅關係點呢？
之前因爲工作嘅關係，再加上阿瑜單野，我同阿妹都好耐冇傾過計，係我同阿瑜散左之後，
阿妹先同我friend返，所以都真係唔係幾清楚佢嘅感情狀況，一陣食飯睇吓套唔套度料先。
「...咁早嘅？」我回應。
「...差唔多啦！做乜企喺度？」阿妹問。
「...老豆book左房呀，入去啦。」之後就邊行邊推住我行左入去啦。
一入到房，老豆同阿媽已經坐左喺度睇緊啲餐牌。
「...咦...兩兄妹一齊到嘅，坐啦！」老豆望一望過離講。
「...做乜無啦啦book房食飯嘅？」我一邊坐低一邊問。
「你唔記得拿？今日係我地中六合彩一週年呀！」老豆回應。
「...嘩...乜咁快就一年架啦？」我有啲驚訝，嘩...時間真係過得好快呀，回想返一年前，
我仲係一個貨車佬，果陣點諗都諗唔到，自己會做歌星，同千萬富豪...人生真係幾奇妙，
係喎...講開又講...唔知以前公司啲舊同事點呢？占士同阿榮係咪仲係喺度揸車呢？
carol又係咪繼續做緊跟單呢？唉...係我欠左你地嘅...希望有朝一日我可以還返比你地啦。
「...其實除左係慶祝一週年之外，仲有一件事想同文蔚同阿聰你地傾吓嘅！」老豆忽然變得好認真。
「...吓...咩事咁嚴重呀，要專登約我地食飯傾？」我一邊飲住杯茶一邊問。
「...就咁嘅，公司離緊要大改革...」老豆講。
「...咁關我地咩事呢？」阿妹回應。
「...就咁嘅...我發現...旺角同灣仔兩間舖啲數唔清唔楚咁，咁所以...！」老豆講到依度，又停左一停。
「...所以咩？」我再問。
「...唔知阿聰同文蔚你地兩個....可唔可以幫吓老豆呢？」老豆講。
「...吓...點幫？」我有啲疑惑咁問。
「...幫我落舖深入了解吓，舖面嘅運作。」老豆講。
「...吓...唔係掛？依啲野你搵東哥做咪得囉！」阿妹有啲緊張咁講。
「...係...係囉，你是但搵兩個落去咪得囉！」我和應。
「...唔得呀，阿東所有人都認得，佢落到舖個個都掙住擦佢鞋睇唔到啲乜，
其他人我根本都信唔過，所以...你兩個可唔可以幫幫老豆，落舖做一排？」老豆用哀求嘅語氣。
「.....！」我同阿妹都deadair 左。
「...拿...聰，我知你依排都冇工開，當幫吓老豆啦。」老豆雙手合實！
「...文蔚，聽你阿媽講，你做緊果份工，你都唔係好想做架啦，返離公司幫老豆手，
話哂你都學過室內設計，應該可以大派用長！」老豆再問阿妹，阿妹同我一樣猶豫，
...始終唔知點咁...但係見到老豆咁，唔幫佢又好似好衰仔咁喎，...所以到最後....我應承左佢。
「...拿...做住先架咋，如果我有工開，我就唔做架啦！」我同老豆約法三章。
「...點話點好啦...乖仔，文蔚...你呢？」老豆再問阿妹。
「...咁樣....！」阿妹仲猶豫緊。
「...阿哥...你覺得呢？」阿妹模棱兩可咁問我，希望我比啲意見佢。
「...你問我牙？講真我緊係覺得你讀左咁多年書，緊係唔好嘥左佢啦！」我實話實說。
「...真係？」阿妹再問。
「...你問心啦，你真係甘心留喺馬會做個文員仔？」我反問。
「...咁...咁又唔係！」阿妹回應。
「...試吓冇壞架，做完覺得唔啱做，大不了返去做返文員咋嘛。」我再講，今次阿妹好似下定決心咁啦。
「...咁...咁好啦，就...就試吓啦。」阿妹終於都應承。
「...咁就好啦，咁文蔚你就幫我落灣仔舖啦，果度有個室內設計師幾掂架，你落去跟佢學吓野啦！」老豆好開心咁講。
「...咁我呢？」我問。
「...旺角舖有個送貨司機走左冇耐，你落去頂住果個位先啦，
送貨做返你老本行應該冇乜難度啦？」老豆回應，都好啲...
做返送貨司機起馬唔洗成日喺間舖度，如果唔係實悶死都得啦。