中左六合彩頭獎四千八百萬，依家唔知點算?: 53
「....咦！！！」眼前出現一間舖頭，門口大大隻字寫住（tata木門代理），
吖....我記得東哥提過，老豆一心上離就係要搵依隻木門嘅代理架喎，
問吓佢地...話唔定可以知道老豆嘅行蹤喎！
「...吖...不好意思！」（國）我唔咸唔淡嘅國語問。
「...我們關門啦，有什麼事嗎？」（國）一個男店員一邊準備拉閘，一邊回應。
「...請問一下，有沒有見過這個人呀？」我張部電話拎左埋去，比老豆張相個男店員睇。
「...吖...這個人呀！家輝...你過來看看！」男店員忽然好大反應咁叫左佢另一個坐埋一邊撳緊電腦嘅同事家輝埋離。
「...是不是那個人？」（國）男店員問家輝，。
「...ng...對對對，就是他...那個煩人！」（國）家輝回應。
「...你們...見過他？」（國）我有啲疑惑咁問。
「...這個男人煩得很，來了這裡好幾天，哭哭鬧鬧...，聽說 好像跟老闆要門子，
跟他說了好幾遍，我們不是不賣給他，只是量太多，我們需要一點時間，
但是他...只是一直說五天內要，老闆說不能，最快要半個月，他就大發雷霆啦，
最後...應該是昨天，他還跟老闆動手...所以給公安帶走了！」（國）家輝憶述完畢。
「...吓...公安？」（國）我驚訝大叫，因為聽到公安兩隻字，真係連個心都震埋，
你知啦...聽講啲公安好惡架嘛，網上有啲友仔仲話比公安拉到隨時擺你喺度一年半載唔審你都仲得添，
死啦...點算好呢，而家連我自己都好淆底喎，點救老豆好呀？
思想掙扎左一輪之後，我就硬住頭皮咁嘗試去當地嘅公安局啦。
聽果個家輝講，老豆應該係比人帶左去就近嘅分局，
我跟住家輝比我嘅指示離開左商場之後沿住田貝四路一直行，
唔洗十五分鐘，就見到佢所講嘅果間派出所啦。其實只係三、四個路口嘅路程，但係到左咁又點呢，
去到門口比起頭先更加淆底呢，老遠已經見到兩個凶神惡煞嘅公安大佬企左喺度，
完全係唔敢行近囉！ 就喺我左右不停度步果陣，竟然比我遇到佢....
一個我認為無可能會喺依度撞到嘅人.....依個人...就係思敏。
佢忽然喺我身邊出現，同以前一樣髮型冇變，身形冇變，上身著住一件粉紅色馬球牌子衛衣，
下身著住條黑色長褲加對黑色波鞋，佢呆左咁望住我，我亦都係一樣，完全比唔到反應。
「...hi....！」幾秒後，思敏竟然微笑咁向我打招呼。
「...er...hi，好...好耐冇見！」我口窒回應，始終都係我對佢唔住，
加上對上一次佢咁決絕咁叫我唔好再理佢，所以佢唔主動叫我，
我都真係唔敢騷擾佢。
「...點解...你會喺度嘅？」思敏禮貌問我，於是我就將我老豆依單野話左比佢知。
「...吓！！咁uncle佢有冇事呀？」思敏緊張回應。
「...er...我都未知呀，我都未入去問。」唔通話比思敏知我淆底唔敢入去咩，
但係而家思敏喺度死都要頂硬上架啦。 思敏陪我一齊行入去，其實有佢喺度壯壯膽，
反而令我輕鬆左。一入到大堂...原來都唔小人喺度，於是...我地就一齊走左去排隊啦。
「...係呢，最近點呀你？」排緊果陣...我見思敏唔出聲，於是主動打開話題。
「...我牙...都係咁啦，無乜特別！」思敏諗一諗之後答。
「...哦，係呢...點解你又會上左離深圳嘅？」我忽然醒起。
「...哦...冇呀，因為我daddy唔得閒，所以叫我幫佢攞份文件上離交比我大伯囉！」思敏回應。
「...吓...文件？」我一頭霧水。
「...er...我都唔清楚呀，不過應該係daddy公司啲文件離嘅，佢唔多信外人，
阿哥又有野做唔得閒喎，所以咪叫我上離囉！」思敏諗一諗之後回應。
係喎...而家諗返起，同思敏一齊果陣佢好似曾經提過佢老豆好似係老闆離嘅，
不過就唔知佢做乜野生意。其實諗都諗到啦，思敏中學果陣就比人送左去外國讀書喎，
都唔係普通基層家庭可以負擔得起啦。
「...你一個女仔，就咁走上離大陸，你唔驚架咩？」我問。
「...驚？點解呀？我成日都一個人上離架啦，因為大伯就住喺深圳，
所以間中都會去大伯度嘅！」思敏好似好奇怪，覺得點解要驚，
可能我睇得太多負面新聞啦，點都係有啲陰影。
「...有什麼事嗎？」（國）一個坐左喺櫃臺嘅男公安問，又幾快喎...等左一陣好快就輪到我地。
「...er...點講呢。」我自言自語。
「...er...我想了解一下我爸爸啲情況，聽說他昨天被帶到這裡！」（國）我繼續用我嘅超爛國語問。
「...香港人？」原來公安識講廣東話，又係喎...深圳人都應該係講廣東話架喎！
「...係...係呀！」我口窒回應。
「...咩名呀？」公安再問，於是我就將我老豆嘅一啲基本資料話左比佢知。
「...張信志...張信志！」男公安喺電腦度搵緊。
「...吖...有啦，香港人、張信志，佢因爲同人爭執，
郁手打人比我地行政拘留緊！」公安講。
「...吓！！！咁...我可以做啲咩呀？」我緊張回應。
「...你係佢個仔吖嘛，其實好小事架姐，對方都冇追究，
只要你地幫佢交保證金，聽朝就可以走得架啦。」公安詳盡解釋。
「...吓？聽日？」唔係掛？仲要老豆佢坐多日點得架！
「...阿敏！」正當我唔知點果陣，忽然有個中年男人走左入離叫思敏。
中年男人著住老西再加一個典型中國平頭裝髮型，
點睇都係大陸佬，唔通就係思敏等緊果個大伯？
「...華明叔！」思敏回應，華明叔？即係唔係佢大伯啦，咁係邊個呢？
「咩野事？」華明叔問思敏。
「...佢喺我朋友離架，我朋友個daddy有小小事，所以比公安拘留左！」思敏指一指我講。
「...咁牙...你朋友個爸爸叫乜嘢名？」華明叔諗左一諗之後問，而我就講左老豆個全名比佢知啦。
「...得...我打個電話先！」華明叔好快手拎左個手提出離，再行埋一二邊打左個電話。
「...喂...邊個離架？」等緊果陣，我細細聲問思敏。
「...華明叔係我大伯嘅助手離架，跟左我大伯好多年架啦。」思敏回應，
嘩...有助手添，唔通思敏大伯又係好有錢嘅？都係唔好講是非啦，
果個華明叔話咁快就講完電話，而家行緊返過離。
「...搞掂哂！」華明叔一行到埋離就話搞掂哂，到底佢搞掂啲咩呢？
「...嘟嘟～嘟嘟～」正當我諗緊搞掂咩嘅同時，櫃臺前面嘅一部電話忽然響起。
「...喂，是...是....是，明白啦。」（國）啱啱坐喺櫃臺前面嘅公安，
接聽電話後，就不停講是同明白。
「...你地係張信志屋企人呀呵？」收線後，公安哥哥即時走埋離問我地。
「...er...係！」我答。
「...ok啦，張信志走得架啦，麻煩你過離同佢搞埋啲手續佢啦。」公安哥哥忽然好有禮貌，
搞到我有啲唔好意思添，到底發生左咩事呀，點解老豆又忽然會走得嘅？
唔通同果個華明叔打果個電話有關？ 真係學詹瑞文話齋，唔係厄你、唔係老點、
唔係整蠱，無花無假，我簽完啲野之後，唔洗五分鐘...就有另一個公安哥哥喺第二間房度帶左老豆出離。
老豆個樣睇落相當憔悴，生哂鬚根咁，話佢啱啱喺荒島度走出離都有人信。
「...阿...阿仔，點...點解？」老豆見到我之後相當驚訝。
「...阿敏牙，你大伯等緊架，不如叫你朋友一齊上車先講啦。」華明叔望一望手錶，
有小小焦急咁同思敏講，之後我望一望思敏。
「...去我大伯度坐吓好唔好呀聰？」思敏又望一望我問。
「...是...是但囉。」我回應，就係咁...我同老豆就跟左思敏佢地出門口，
然後上左佢地部車啦。佢地果部係一部黑色新款嘅（L佛）豪華七人車，
上車後...老豆不斷問我點解搵到佢，我亦都追問返老豆成件事嘅來龍去脈，
大至上同東哥講嘅差唔多，老豆知道係東哥爆響口，仲話要打電話鬧個死仔喎，
我緊係撳住佢啦，冇東哥爆響口，老豆而家分分鐘都仲未走得添呀，仲話鬧人...亂離架！
傾傾吓...司機忽然將部車停埋左一邊，然後急急腳咁衝左埋路邊，到底發生咩事呢？
眼見思敏同華明叔好似若無其事咁，過左半分鐘連華明叔都斯斯然咁跟埋落車，
而家我先望清楚，原來個司機走左埋路邊小解緊，大佬高速公路離架喎，
就咁將部車求其停埋一邊就得架拿？連華明叔都落埋車食煙，好似好理所當然咁，
可能依啲就叫文化差異啦。
「～～嗚～～嗚～～」大獲啦，離遠見到一部應該係交警電單車，
而且一見到我地就閃哂燈咁揸緊埋離，死緊啦...會唔會比啲公安屈錢架，
你知啦...網上成日都睇到依啲傳聞架嘛！
「...公...公安喎！」我有小小緊張咁細細聲叫車外嘅華明叔，
但係華明叔依然係斯斯然咁食佢嘅煙，而司機繼續喺老遠小解緊，
到底佢地諗緊乜野？
「...嗚～～」警車終於都駛到離啦，交警停左喺我地車嘅左手邊後一個車位上下打量緊我地，
我唔敢直視佢，只係閃閃縮縮咁喺左邊倒後鏡度偷望，正當我唔知點算嘅時候，
神奇嘅事情就發生啦。
交警竟然冇落到車，而且仲忽然向住我地車嘅人敬禮，敬完禮就好快咁開車走左，
全程我同老豆都睇到目定口呆，而華明叔同司機就繼續小理，食完煙、
小解完就斯斯然咁上返車，繼續我地嘅行程啦。 部車好快就到左一個好大嘅私人屋苑啦，
即係類似碧桂園果啲，不過更豪華更新。部車停左喺其中一幢獨立屋嘅花園前面，
之後我地就跟住思敏佢地一齊落車啦。
「...嘩...好大吓喎！」我同思敏講，因為幢樓堅大，三層高...就咁望每層都起碼有二千呎，
加埋個大花園，真係大到不得之了。 我同老豆、思敏，跟住華明叔入屋
一入屋係一個好大嘅玄關位，經過玄關位再穿過一條長長嘅走廊，
就到達一個應該係客廳嘅梳化位。