中左六合彩頭獎四千八百萬，依家唔知點算?: 47
「...阿...導演，依位係阿聰，同你提過架呢！」ella行左埋去同導演打招呼。
「...哦...離左拿，你好你好！」導演出奇地熱情，仲住動起身同我打招呼，
我仲以為啲導演會高高在上咁嘅添。
「...sunny！！」導演大叫，仲周圍望緊。
「...係...導演！」過左十零秒，有個身材瘦削嘅中年男人唔知喺邊度走左出離，
應該就係果個sunny！
「...依位阿聰，你講解吓佢個角色，再教教佢應該點做。」
「...收到！敬聰呀呵，跟我過離依邊吖，等我帶你去同其他演員熟悉吓先！」sunny答完導演之後，
就帶住我行左去廠嘅另一邊，似係比人換衫嘅地方。依度已經坐左幾個演員喺度吹緊水，
我認得連丹爺都坐埋喺度，不過大家唔好誤會喎，唔係宇宙最強果個丹爺，
而係斬叉燒果個，原來今日我要同丹爺做對手戲？
「...丹爺！」係sunny叫，話口未完，sunny同我已經行到埋去啦。
「...喂...sunny！」丹爺秧笑笑口回應。
「...依位敬聰呀！」sunny為我介紹。
「...大家好！」我亦都禮貌地揮一揮手打個招呼。
「...我認得你，唱歌架嘛？」丹爺笑笑口指住我講，
其實都唔知佢係咪吹水，咁都認得我。
「...聰，比份劇本你睇睇先！」與此同時，sunny亦都隊左份劇本埋離，
睇睇先...張敬聰...張敬聰，咦...喂...，我個角色叫（勤力德），乜料呀？？？
「...聰...我睇過架啦，你嘅角色係一個新角色，係飾演我間運輸公司嘅其中一個職員，
真名陳力德，花名（勤力德），講你係博士嘅一個中學同學，之後帶左你入行，
咁一陣一出場呢，阿東就會同你一齊喺個倉度執貨，啲對白...你同阿東夾夾先！」
丹爺好用心咁教我，完全冇架子，就連果個阿東亦都係一樣，當正我係朋友咁，
排連完一陣之後就係正式嘅拍攝。
估佢唔到喎，唔知拍劇係求其啲定真係我有天份啦，出奇地順利...基本上連一次NG都冇，
我仲以為啲導演會係有CUT唔係又CUT架添。對於一個拍劇初哥離講，佢地對我嘅平價，
幾乎都係讚不絕口，鬼咩...你地叫一個本來做左咁多年貨車司機嘅我去飾演一個運輸公司職員喎，
有乜可能會演得唔似姐，我根本就係！我仲喺造型、形體動作上都比左唔小意見佢地，
就係咁...第一次嘅拍劇工作順利完結，終於都可以收工啦。
同班劇組人員食埋晚飯後，我就一個人揸車返屋企啦。其實我對做戲真係不感興趣，
希望快啲可以投入返音樂工作啦。又搞到十二點幾先返到屋企，頭先十一點幾揸緊車果陣，阿
瑜個電話經已冇人聽，諗落都成幾日冇聽過佢把聲啦，都真係有啲掛住佢。
屋企人全部都訓哂，就連平日最夜嘅阿妹都已經入左房。因為工作左成日嘅關係，
沖完個涼...我亦都難敵睡魔急call，...一撻落床就訓著左啦。
到第二日，我依然要神咁早咁繼續工作啦，今日終於都可以做返啲關於音樂嘅野啦。
ella帶左我去公司嘅Studio同啲工作人員打招呼，介紹吓各樣運作，一啲流程上嘅野...等等，
比起琴日拍劇相對輕鬆。之後落離嘅幾日，我都係繼續做音樂工作。
公司仲安排左一首新劇嘅主題曲比我唱，所以依幾日嘅主要任務，就係要練好依一首歌。
同studio嘅工作人員日見夜見，好快就已經熟絡晒，大家都好投契，
就係咁...經過左差唔多一個月嘅努力，首主題曲終於都做好左，
真係要多謝咁多位工作人員嘅努力，幾辛苦都係值得嘅。
今日係二零一八年三月十三日，完成左首新歌之後，又到左放假嘅時候啦。
本來諗住約阿瑜出去拍返日拖，但係阿瑜要返工，而且話放工之後要去飲同事嘅婚宴添，
唉...即係我今日又食自己啦。都好嘅...做左成個月野真係好想休息吓，
一於全日攤屍咁訓過夠本，但係攤左一陣之後，諗諗吓...我作為一個年青人，
應該活力充沛至係架。所以...就算幾唔願意都好，我都決定要落街做吓運動。
不過跑步又好似好傷心咁，健身又會甩頭髮喎，所以到最後...我落左會所嘅泳池游水，
雖然三月都仲係涼涼地，但係原來屋企樓下會所有個室內恆溫泳池，所以...就算涼啲都冇有怕。
我好求其咁，踢住對人字拖，揪住個背心膠袋，就斯斯然咁行入去。
嘩...唔離由突止，原來依度都幾大架喎，
我仲以為會勁細添，而且裝修得相當豪華，
喺更衣室度好快咁換完衫後，我就即時跳左落水。
「...吖！！！」啲水暖暖地真係幾舒服，合埋雙眼幻想一下，直頭係好似去左日本浸溫泉咁。
唉...諗起當年...我同詠恩都曾經諗過一齊去日本浸溫泉，不過可惜...未成行就已經.....
唉...唔好諗咁多啦，我就咁挨住喺池邊，欣賞吓...泳池華麗嘅裝修，
都算係一種視覺嘅享受，話時話...搬左離依度住都成年啦，
今次都係第一次落離會所，諗落比左咁貴管理費，唔落多啲真係洩底
，日後真係要多啲落離relax吓。可能係平日嘅關係啦，依家依度都唔係太多人，
大約十零個左右，平均分佈喺唔同嘅角落，就喺我諗住恰一陣嘅時候...忽然！
「...救...吖....救！」遠處忽然傳離一把女人嘅求救聲，叫聲唔算大...我自然反應望左過去，
見到池中心位，有個帶住泳鏡嘅女仔喺度浮沉緊，見佢個動作似係抽筋多，
我四周圍望望，發現頭先仲坐喺池邊恰緊眼訓嘅救生員，直頭訓著左，
加上女仔叫聲相對微弱，所以救生員完全冇反應。眼見女仔位置因為都比較深水，
所以附近都冇人，而且個場幾乎全部都係師奶，啲師奶亦都好似唔多為意咁。
就喺千軍一發入面，我見勢色唔對，於是用極速（擾流泳法）三兩下手勢就游到埋女仔身邊，
大家可能已經忘記左我係有拯溺章啦，要喺泳池救人簡直易過食生菜。
「...小姐，唔洗驚呀...我而家離救你！」講完之後，我就即時do野，
將個Patient扣住，再用側泳慢慢拖佢返池邊。
因為見佢冇左意識，所以一上到岸我就即時幫佢檢查呼吸、脈搏，經診斷後，
發現雖然仲有脈搏，但係已經冇左呼吸，情況危急...我唯有幫佢進行cpr。
檢查完口腔有冇異物，我就開始搓....一吓、兩吓、三吓...
「...一千零一、一千零二、一千零三...」如是者...我重複做左兩set，女仔終於有返反應啦！
「...bu～～咳咳～咳咳～」女仔吐出池水，之後咳左幾聲，雙眼亦都可以張開。
「...恩！！你點呀？」說時遲 那時快，我身邊隨即攝出兩個女仔，好緊張咁叫，
應該係遇溺女仔嘅朋友，兩個都好細粒，又矮又瘦...咪住先...點解佢兩個咁熟口面嘅？
「...呼...呼...冇...冇事！」遇溺女仔講。
「...嚇死我地啦！」兩個女仔緊張回應，大獲啦...
再望真啲唔止果兩個女仔熟口面，係三個女仔都好熟口面！
「...先生！先生！唔該哂呀！」正當我諗住轉身走人之際，
其中一個女仔叫住左我，而且仲走左埋離我度添...死啦...點算呢？
「...你...你咪？」死啦...女仔a見到我之後，好似認得我呀，要諗計鬆人啦。
「.....！」我冇出聲。
「...阿聰！！！」死啦...佢真係認得我。
「... excuse me ，i'm so busy！」我扮唔識講中文，繼續向前行。
「...喂...先生，你漏左張住戶証喎！」頂佢個肺，無啦啦又走個男人出離叫住我。
「...唔係我漏架喎！」我緊張回應，諗住盡快甩身。
「...係你喎，張敬聰吖嘛，張相都係你離嘅！」男人繼續進逼！
「...人有相似姐！」我繼續死撐。
「...我睇住你放喺池邊架喎！」男人異常執着，冇計啦...離到呢度唔認都唔得啦！
「...哦...唔...唔該！」我好尷尬咁拎返張証，
男人比完張証我就轉身走左，緊接住嘅係女仔a...。
「...都話係你架啦...阿聰！lo ming...原來係阿聰離架！」女仔大叫...，
其實依個女仔叫小生，另外果個就叫lo ming，佢兩個係詠恩嘅Best friend，
而頭先遇溺果個女仔，正正就係詠恩....真係一波未平一波又起，
點解喺屋企會所都會撞到詠思架，頭先可能救人心切啦，加上詠恩帶住泳鏡又披頭散髮咁，
完全唔認得佢竟然係詠恩，死啦...佢會唔會以為我專登搏佢懵架，一陣嬲多我二錢重咪死！
「...係...係喎，真係阿聰離！」lo ming有小小尷尬咁望一望詠恩講，
而詠恩亦都係有小小尷尬...，唔係咁敢望我。
「...喂...好耐冇見，咁...咁啱嘅？」我笑笑口咁回應小生。
「...我住依度架嘛，乜你又住喺度架咩？」小生反問。
「...er...近排先搬離咋嘛...哈哈！！」我笑笑口回應，依個時候...除左小生之外，
lo ming同詠恩都靜哂，可能lo ming都驚詠恩會尷尬啦，但係小生一於小理，
繼續好熱情咁同我傾計。
「...er...都差唔多啦，下次再傾啦！」我開口想走，但係正當我想回頭果陣...
「...唔好啦...咁耐冇見，好想聽吓多啲明星野呀，今日詠恩生日呀，
我地一陣去popcorn食韓燒慶祝呀，阿聰你都一齊離啦！」小生叫住左我，
係喎...三月十三係詠思生日，佢唔講我都唔記得添，記得果年佢生日，
我只係同左佢去食pizza hut，就連禮物都冇份，而家諗返起，真係有啲慚愧。
「...er...！」我望一望企喺遠小小嘅詠恩同lo ming，lo ming亦都即時望向詠恩，
但係dead左十秒八秒左右，詠恩依然未有回應，只係發住呆咁望住個地下。
「...唔係咁好嘅，你知啦...我依家周圍食唔係咁方便嘅！」我見佢地冇回應，主動開聲解圍。
「...唔怕喎，我喺vip，一早book左間房，冇街外人見到架喎，去啦...去啦！」
小生死咬唔放，於是我再望一望詠恩佢地...
「...去囉...聰，當同我地聚吓舊囉！」今次可能lo ming都唔想再糾纏落去啦，
開口叫我一齊去，詠恩依然係發緊夢咁款。
「...咁...是..是但啦！」我尷尬答應。
「..咁好啦...一陣喺會所大堂啲梳化度等啦！」小生講，就係咁...我半推半就咁應承左佢地。
口裡說不，身體卻很誠實，其實我係好想去嘅，之但係...我又好驚詠恩會突然間發癲，
又驚詠恩唔知會點諗喎，所以內心真係好矛盾。
點都好啦，應承左人點都要去應約嘅。游完水之後，
我返上樓梳洗完執返靚仔個look，就再一次落到去樓下會所。