中左六合彩頭獎四千八百萬，依家唔知點算?: 31
「...薯～細聲啲...冷靜啲先！」我一邊四圍望一邊叫思敏冷靜。
「...嘻嘻...sor...sorry呀聰哥，一時太興奮啦！」思敏伸左條脷出離。
「...未簽約架，果份只係合約嘅副本，個職員叫我拎返去參考吓喎，
考慮清楚下次再上去果陣先正式簽約架！」我細細聲講。
「...哦...嘻嘻...好野呀，我男朋友係明星呀！」思敏雖然講野細聲返，
但係依然無法掩飾心中嘅喜悅。
「...我仲未諗清楚架！」我打斷左思敏。
「...吓...仲有啲咩要諗呀？聰哥你唱歌咁好聽一定紅架喎！」
思敏真係好單純，喺佢眼中我唱歌原來已經叫好好聽。
「...要考慮好多野架，要諗吓會唔會影響到屋企人啦，
如果真係簽左約，咁我而家做緊份工就要即刻辭職架啦....，
仲有都唔知適唔適應到做藝人嘅生活，到時我嘅所有一舉一動，
拍拖、又或者喺街邊篤串魚旦都會比人指指點點架啦。」我擺出一副 愁眉苦臉嘅樣。
「...放心啦聰哥，我會喺身邊一直支持你架，亦都唔會介意比人指指點點！」
思敏見我一面愁容，即刻用雙手捉實我雙手，好真誠咁望住我講。搞到我越離越自責。
「...思敏呀...你唔好對我咁好啦，其實我....」我真係有一刻嘅衝動要將個真相講出離啦。
「...明架啦，我知你驚入左娛樂圈依個大染缸會把持唔住誘惑吖嘛！
我信你...我知道聰哥唔係一個花心嘅人，所以呢...你放心去做啦。」
思敏打斷左我，令到我連果一刻嘅衝動都冇埋。
就係咁...我又再一次分手失敗，同思敏食完野之後呢，
我地就揸返部車過旺角，同上次一樣，陪思敏行左陣街之後呢，
喺旺角食埋飯...我地就一齊返將軍澳啦。
返到屋企之後，阿瑜打左比我，我將簽約依一件事講左比阿瑜聽，
比起思敏...阿瑜嘅反應又相對平靜喎。
「...哦...試吓囉。」阿瑜回應。
「...你...唔介意咩？」我問。
「...有咩好介意姐！」阿瑜反問。
「...到時出街可能要偷偷摸摸咁架啦喎！」我講。
「...咁我而家都係偷偷摸摸咁架啦，有咩分別姐！」大獲...睇離我講錯野啦，
阿瑜依句回應相當有骨，好似想話比我聽，佢唔想再做小三咁。
「...er...哈哈，邊有姐豬豬！」我以笑遮醜。
「...下個月仲話同佢去日本喎，你有冇理過我感受吖？」死啦...一發不可收拾啦。
「...我...我都唔想架，信我啦...我會盡快同佢講清楚架啦。」我繼續死狗回應。
「...哼～聽住先啦！」阿瑜冷淡回應，睇離暫時可以平息到阿瑜嘅怨氣，
但係長遠落去都真係唔係辦法，個鑊遲早會爆，全能嘅上帝呀～唔好再作弄我啦，
求吓你幫我解開依個死結啦～～
第二日係星期日，因為思敏要返工嘅關係，所以我今日約左阿瑜去街。
琴晚同阿瑜傾電話傾到十二點零鐘左右就訓左，所以今朝我十點零鐘就起左身。
同平時放假一樣啦，我一起身就走左出廳。今朝竟然見到阿媽坐左喺廳玩緊電話喎，
而且阿妹亦都坐左喺佢側邊。
「...嘩...阿媽你喺度嘅！」我驚訝大叫。
「...起左身拿仔！」阿媽望一望我講。
「...嗯！」我回應，之後又走左入廚房打開個雪櫃攞左罐可樂隊，幾十秒後....
「...阿仔...咁早飲可樂對個胃唔好架！」阿媽行左入離，見到我飲緊可樂就話我啦。
「...得啦...得啦！」我講完就放返罐可樂入雪櫃，之後就行返出廳啦。
阿妹繼續坐左喺梳化度撳緊電話，於是我就坐左埋去阿妹隔離啦。
阿妹依然冇望過我，坐左幾分鐘後，我終於都忍唔住要開口啦。
「...早晨，今朝咁早嘅妹！」我打開話題，唔知阿妹會唔會唔so我呢！
「...早喎！」阿妹冷淡回應，不過都好過佢應都唔應架啦。
「...冇約黑仔去街咩？」我繼續問。
「...冇咁早....！」阿妹講。
「...哦...！」我輕輕帶過左，之後就行返入房刷牙洗面啦。
搞完一輪之後呢，我就落樓攞車再揸部車去海怡接阿瑜啦。
去到海怡已經差唔多十二點，阿瑜企左喺商場門口等我，
等阿瑜上埋車之後呢，我地就出發啦。我地今日嘅目的地呢，
就係去淺水灣啦，依排天氣真係熱到爆炸，游水就緊係最佳節目啦。
我地首先揸部車落香港仔中心（茶木）食左個午餐先，食到點零鐘左右，
我地就出發去淺水灣啦。我揸住部車經過黃竹坑道，再沿住香島道、
淺水灣道...，但係沿途非常之塞車，喺停吓郁吓嘅情況下，
最後我地用左差唔多八個字先塞到入去淺水灣。但係入到去又要面對第二個問題啦，
就係周圍嘅停車位爆到九彩咁，而且仲有九萬幾人喺度等緊位...，
我兜完一圈又一圈...始終就係搵極都搵唔到個位，我feel到阿瑜都開始有啲急躁啦....到最後....，
我冇咩多...係錢多小小咁啦...所以我將部車是但放埋一邊，
總之就係放左喺個盡量唔會太阻到人嘅位置，泊好車後...就拍拍籮柚咁行左去啦。
「...怕唔怕架？」阿瑜邊行邊問。
「...er...冇野掛，最多咪抄牌。」我回應，講真...我話哂都叫做職業司機，
有啲咩位擺得，有啲咩位唔擺得我都略懂一二嘅，只要唔阻到人，
又放得唔好太揚嘅話，再留定個電話喺度....應該唔會有太大問題掛...
希望大家唔好話我係泊車L啦。
我同阿瑜揀左個近廁所嘅位置，再打開我果塊長期放喺車尾箱，
喺淘寶用左幾十蚊人仔淘落離嘅沙灘蓆。
今日天氣好好呀...藍天白雲，不過就真係熱左小小啦，好似有成三十三度，
放好哂野之後呢，我同阿瑜就開始換衫啦。我呢...諗住男人一個求其除低件t恤就已經搞掂算好快啦，
但係原來阿瑜同我一樣，一早已經著定件泳衣喺裡面，同樣係一除低就搞掂。
阿瑜今日著左件（tiffany藍）嘅三點式泳衣，雖然身材偏瘦，
我諗佢上圍大概係33b左右，但係加埋大約162嘅身高，
依啲典型𡃁妹仔身形，正係我嘅至愛，真係相當之誘人。
「...喂...！」換完泳衣之後，阿瑜忽然叫我。
「...吓...做...做咩呀？」望緊阿瑜身材嘅我，比阿瑜嚇左一嚇。
「...幫我搽太陽油啦。」阿瑜坐左喺沙灘蓆上面，將個頭抬起，單手拎住左枝太陽油對住我講。
「...吓...我？」我即時緊張到唔知點好，大佬...雖然我地係情侶關係姐，
但係除左咀同拖吓手、攬吓腰之外，我地就咩都冇做過架啦咩，
而家要我用雙手去撫摸女神身體嘅每一吋肌膚喎，...真係...諗起就興奮啦...！
「...唔係你幫我搽，唔通搵第二個男人幫我搽咩...快啲啦。」阿瑜見我呆左咁，所以催促緊我。
「...哦...！！！」我手忙腳亂咁接過太陽油，然後就倒左啲落手開始幫阿瑜搽起上離啦。
我跪左喺阿瑜背後，由阿瑜嘅膊頭開始搽起。阿瑜嘅肌膚...真係滑不溜手，
我由膊頭慢慢咁搽到落背脊，撫摸住女神嘅背脊...我嘅情緒已經異常興奮啦，
...再由背慢慢咁搽到落腰嘅兩側...，阿瑜果條22吋嘅黃蜂腰，
簡直就係完美...我喺背後用雙手繞過腰間兩旁到阿瑜嘅肚皮繼續撫摸...
我嘅心口同阿瑜嘅背脊差唔多緊貼埋一齊咁，我感覺到我開始全身冒煙...
唔得啦...45度....響起警報啦...！！
「...咩...咩野頂住我背脊呀...？」阿瑜忽然問。
「...er...冇...冇呀！」我嚇到即時彈開左幾步。
「...係咩？...咁繼續啦。」阿瑜拗一拗頭，之後就企左起身面向住我啦。
「...吓...仲離！！」我大叫。
「...前面同對腳都仲未搽，我唔想整到對手油冧冧呀...乖啦...快啲啦！！」
阿瑜繼續逼我非禮佢...，無辦法之下我唯有就範...！
「...呼！」我深呼吸左一下，之後開始將手搽落去阿瑜嘅胸前啦....！雖然只係胸嘅對上位置，
但係都已經非常難頂，我感覺到阿瑜嘅呼吸脈搏，甚至乎心跳....再加埋眼前嘅視覺效果...
將興奮程度推到上最高點，我feel到我開始手舞足蹈...手腳不受控制啦！