＜＜紋身師──存於平泊殘缺的瑰麗＞＞: 第一章：開張大吉

　　「隻乳豬呢？」一胖子在店鋪門口叫叫嚷嚷的。

　　別看這胖子蓬頭垢面的，他可是這店鋪的最大股東，除了金錢，出的就是胃子，整天想著吃的。

　　「呀肥，你自己去拎啦，唔見我忙緊咩？」一個赤裸上身，汗流浹背的壯碩大漢坐在摺梯上，用電鑽把招牌鑽穩，不耐煩道。

　　呀肥：「唔得，你陪我去拎丫。」





　　一膊撞向站在店前看著招牌發呆的中年男。

　　「十號，個『紋』字好似歪左去右邊少少。」中年男沒把呀肥的說話聽進耳。

　　「咩呀？左定右話？」大漢大聲回應。

　　「右邊呀！」中年男開始指手畫腳。

　　呀肥：「喂，我話要拎乳豬呀！過左時辰你個招牌幾靚都冇用呀！我同你地講！」





　　中年男：「係喎，你唔提我？」

　　一名穿皮褸，戴著黑墨鏡的年輕人一步一步走近，打著呵欠，右手還拿著一袋剛出爐的原隻烤乳豬。

　　年輕人：「靠你地就死得啦，我拎左黎喇。」

　　呀肥：「都係大飛叻仔。」

　　十號：「哇，飛哥，咁早起身呀今日。」





　　被稱作大飛的年輕人：「收皮啦你地，冇咩我放低隻豬就走先喇。」

　　中年男：「飛，你對眼做咩呀？」

　　氣氛突然凝重了，仿佛空氣因這句說話都向下沉了一下。

　　「你咪理啦！」大飛丟下這句說話轉身就走。

　　「咦，飛仔，陪我去食支煙先啦。」在店內走出另一位中年男，慢步追上去，撘著呀飛的膊頭。

　　「丫，鐵哥，入面部機裝好架喇，你睇下有冇問題。有咩再話番我知。」中年男回頭道。

　　「好丫，唔該曬你呀。」鐵逕自走進店內。





　　呀肥：「喂！食埋煙番黎一齊切乳豬呀！」

　　只見遠去的中年男回頭舉了一舉手。

待續……