[誤墜]係獅隧口落車 就出左事: 題外話:【一人一故 支持WIKI哥】我要睇電視

星期日，八點放工既我一入門口就聽到小白把聲…… 

「阿壯，電視遙控呢？」小白在梳化左尋右找，似是非要翻轉我小廳不可。 

聽了這句，我額角上不其然冒了顆豆大汗珠。 

為什麼本來只看我庫存裡的DVD作消遣的小白突然找起電視遙控來? 

「你……要黎做咩?」 





「轉台囉，你返工咁耐、我已經睇哂你啲碟喇。」 

「呀！搵到喇、原來攝左係梳化底！」 

這句話－－由『搵到』個『到』字未發完音，我已經有一道惡寒走遍全身、使我打了個抖。 

「唔－－好－－呀！」說時遲、那時快，我未及上前制止小白，她已經提起食指往那轉台按鈕用力壓下去。 

係我錯，小白黎左幾日我都無話佢聽香港既電視界有幾黑暗。





係我錯，我唔將咁可怕既事話比身邊最親既人聽。 

係我錯……但我真係唔想再聽到ＭＡＹ姐有喜呀！ 

在我上前阻止小白的時間，我好像左腳擱倒了右腳、使我重心向前仆了一下！ 

『嗙！』我的前額頭正中了４３吋液晶體電視機的中央、把其撞出了一個洞！ 

洞裡除了冒出星碎的火花，還有我的血…… 





這還好……只要開唔到電視頻道，少少血算係乜！ 

「阿壯－－點解你要咁激動。」小白走前將我從洞內扶出來。

「你明唔明－－我真唔係想聽到把米奇老鼠聲係到懶好笑呀！」 

「你做咩咁惡喎……最多咪轉台囉。」 

「轉？無架小白－－香港無得轉台架！唔通你想睇人拎壽包掟啲無人坐既凳咩？」 

我仰天長嘯，我真係唔知點解釋比班未知嚴重性既人聽－－點解香港睇電視會無得揀。 

阿爸、當年你走得早，如果係你又會點做、又可以點做。 

少少血我唔介意流，起碼阻止到既係眼前既專橫。 





但，香港人又有幾多個拿得出這種骨氣？ 

你？你？你？ 

定係睇緊既你？係你喇、為香港出一分力好嗎？ 

我都係想睇電視姐:-(