[誤墜]係獅隧口落車 就出左事: ８０

此時此刻、我終於明白，白大叔死命不讓『禁后』完成的原因。 

所謂用我一命來救黑家上下全有人命，就是為了他的寶貝女兒…… 

假如我的死令禁后失敗，自然兩家可以繼續安穩渡日。 

大概用天秤來說，小白的重量大於世間所有的事物總合吧。 

要是我沒能令『禁后』失敗，轉而令黑家動他女兒的性命，白大叔就要連黑家所有人的性命都要不惜去強取、都要保住小白。 





「係你出去搵八千代、被黑家既人包圍掉低我個女、去到小屋燒燬儀式物品、之後出黎救返我個女，這一切一切我都係一邊睇得好清楚。」 

這下，令我不禁低頭慚愧起來、畢竟我的確掉低過小白一個人逃生去。 

「雖然你個人既能力同膽識唔係令我太滿意，但我睇得出、你係會真心為我個女好。」 

白大叔走過來握實我手。 

「阿壯－－為左阻止『禁后』完成，我會用我方法去將件事處理。但係咁之前我想拜託你兩件事、必定要答應我。」 





「一、為左令你相信，『禁后』真係一個令所有人都可以消失於世上既可怕惡毒儀式、我半夜『請』左位老朋友蔣先生入『界』內並置於車公廟裡頭，比左啲錯誤既資訊令佢誤導你，當然佢係唔知情既、我希望你可以帶佢返出『界』外。 

二、『禁后』被破壞之後會出現一輪異常，會係咩我都唔知、畢竟從來無人試過。我希望你會好好保護我個女，同埋素妮乜都唔識、亦無任何社會經驗，我希望以後日子你會好好照顧佢……」 

「點解你講到……你好就黎唔係到咁既？」 

「少廢話－－一句、快啲應承我！」 

「好，我應承你。兩件事我都會好好辦妥，尤其係以後既日子照顧小白！」 





白大叔從來都嚴肅的臉孔終於露出難得既笑容，然後拍了拍我膊頭、就行近向小屋的鐵門。 

「你知道，我地黑白兩家既人都唔可以進入小屋之內對吧？」說罷，白大叔就對住打開的大門憑空拍了兩拍，明明大明已開、但白大叔拍進其中時、彷彿有道無形的牆令白大叔既手滯於空氣中。 

我點頭，這個我一早已經知道、只係親眼目睹更覺神奇。 

「其實黑白兩家既人要入去、仲有一個方法……」 

白大叔忽然間從褲袋掏出一盒火柴，然後就打開手上的玻璃樽塞、將樽內所有液體一口氣倒在自己全身、沾濕了各處。 

然後，火柴就『噠』的一聲被點燃枝頭。 

「這就是方法，阿壯－－好好保重。」說罷，白大叔就將手上火柴指向自己。 

火柴接觸白大叔的瞬間、仍在微笑的白大叔整個人冒起火來！ 





火焰的燃燒瞬間蔓延、火勢包圍住白大叔每一個角落！

我身心猛地一震，這不是自殺嗎？！

「你－－？！」當我發出單音的時間，有一把更淒厲的女聲從一旁響起。 

「阿爸！！！！」一旁的樹堆裡，竟然跑出小白的身影。 

她一腦子起勁的跑、似是想撲到白大叔身上…… 

大概我和白大叔都設想不到小白竟然躲在一旁、令我和白大叔都露出愕然的表情。 

我猛地回神過來，一把將小白捉住、抱緊，不讓她走近白大叔。 





「放開！放開我呀－－！阿壯你個衰人－－！放手呀－－！阿爸－－！嗚！阿爸！－－」小白不停係我懷內裡頭掙扎，但我始終無放開手。 

不知是否我錯覺，我看見眼前正洪洪燃燒的白大叔眼神甚是安慰、那明明正被猛火包圍的鐵漢臉竟似是流出了眼淚來…… 

下一刻，白大叔已經穿過那原應阻擋住他的無形牆、走進屋內、消失於我們眼前。