[誤墜]係獅隧口落車 就出左事: ３６

打、我肯定打唔贏佢地，走、我亦都走唔切。 

而且、我唔清楚佢地手上既『桿』有咩用，除了被那奇怪的桿擊中別無他選…… 

慢著，眼前的小女孩絕對不是什麼靈體！我情急生智，向前捉住那個小女孩、將佢脅持臂彎之中。 

然後取出褲袋中早已備用的小刀！ 

「停！唔好再埋黎！唔係唔好怪我唔客氣！」 





屌！我係咪睇戲睇上腦？估唔到咁老土既對白、親自講出口係咁ＯＮ９。 

但、出奇地奏效了，那兩個黑目人面有難色咁停止左步伐。 

我望住眼前既黑目人，我退後佢地都唔敢追黎、可見原來我手中既小女孩係有特殊既位置。 

就咁維持左兩秒，我一路後退…… 

『合！』一聲由嘴巴咬起肉塊的聲音從小女孩的嘴裡傳出來。 





我屌！個靚妹一野啃落黎我隻手到啊！ 

因為痛到鬆開左手，小女孩馬上從我身上掙脫、眼前黑目人亦恢復行動！ 

怒火同恐懼相織交纏，我以足以打傷成年人的力氣、狠狠的一手推了那小女孩一下！ 

那小女孩整個人向前仆走、兩名黑目人惶恐地將佢接住。 

我沒有理會太多、只得一口勁不停向『白祠』跑。 





「獨、獨獨獨、獨獨獨獨獨獨」眼尾瞥見既係兩個已經重新追上黎既黑目人！ 

這次應該會是我人生以黎最搏命、跑最快的一次。 

我跑進『白祠』大門，卻見那入屋的鐵閘關了…… 

「救命啊！」我起勢咁拍道閘。 

還沒有人應門。 

眼見身後黑目人越跑越近……「屌！有冇人啊！」我拍到手骨都感覺到痛裂…… 

唔係咁撚黑仔，出左去買餸煮飯掛！ 

佢地已經去到『白祠』大門！ 





倏地、佢地剎停左係原地，不停左右張望、彷似見唔到我存在一樣。 

然後，嘰嘰喳喳地講左啲我聽唔太明既語言，就分頭左右兩邊跑左出去。 

正當我為眼前異像一呆之時，鐵閘傳來了打開既聲…… 

「小姐，唔好意……」我一擰過去，見到既唔係我預料既果位白眼女孩。 

而係一個男人……