[誤墜]係獅隧口落車 就出左事: ３５

我既目的地係『白祠』，但必需經過兩條馬路、同一堆住宅。 

因為隔田村係依獅子山而建、所以內裡既路有點錯綜複雜，而且係斜既。 

我認我認路能力真係唔高、仲要係同平時行平路唔同，所以真係好容易搞錯方向。 

同樣地，但這次我更小心、每走到個路口，我就四圍張望一下、在這裡一個失手我才不可能逃得著！ 

去到一個路口，就算我認路再差、我都唔會唔記得。 
 





－－擁有那對詭異雙目、在哭泣的小女孩所蹲的地方…… 

我打了一個小哆嗦，搖了一搖頭努力想令現在不能想這件事。 

來到這裡、只要往這條小巷的反方向－－那間充滿鏡的獨棟小屋繼續前進，就是沿住當初我轆落黎之後既路行多次。 

因為我記得『白祠』就在那不遠處。 

在我心裡暗自慶幸、竟然可以咁順利返到去既時間，我係一個路口見到個公園仔。 





 

這個公園給了我一種奇怪既熟悉感，被吸引住我既一步一步咁行過去。 

照計，我應該冇黎過這個公園玩，這種好似有又好似無既感覺使我心跳快了點。 

最熟悉的感覺是那條滑梯……奇怪的是，我細個果陣應該未有塑膠梯、應該係全部鐵制。 

冇理由我會有相熟感？ 





我一步步行近、直到梯邊，倏然間有一個小朋友既身影從滑梯上溜了下來…… 
 

「哥、哥？」 

惡寒。 

我不敢置信，眼前的黑目小女孩又再次出現！那對圓滾通黑的大眼凝視著我、使我背部有種奇怪的寒涼感。 

「哥、哥？」小女孩再次說話。 

「你搵到我媽媽喇？」她歪了一下頭。 

鎮定，日京草、你要鎮定…… 





「無阿，我……我冇見過你媽媽。」 

那小女孩好像微笑了一下，但我看不出是笑意。 

「哥哥，佢話冇見過媽媽……」奇怪……點解佢唔係望住我塊面講，係望住我後面講？ 

回頭的瞬間，背後已多了兩個戴上烏鴉口罩的黑目人…… 

「獨、獨獨獨、獨獨獨獨獨獨獨獨………」