[誤墜]係獅隧口落車 就出左事: ２７

笨手笨腳既我係二樓簾蓬邊慢慢咁行去邊界位，先爬係地下、慢慢伸隻腳出去； 
伸到盡既時候，做左個類似引體上升咁既動作捉實邊緣位、直至腳根最貼近地面既距離我先放手。 

咁反智，因為我怕痛又痛高，真係喊出黎。 

跳到落去，我真係已經好紊亂、所以只係一腦子衝返隔田村，個女仔住既方向。 

突然間，我諗起既然佢地跟到去我門口，可能未必止三個人、可能仲有其他人係附近。 

諗到個位，又諗返起剛剛三個站我門前的黑目人、奇怪既行裝、異樣既樣的、不期然令我打了個冷震。 





衝動無用！我好似受驚既老馬咁、大動作剎停左自己，拍返埋牆聽下身邊有冇動靜。 

咁做人實做太衝動、有咩事真係十條命都唔夠死，都係果句、諗起都覺得玩命。 

我打算沿路從新田圍同新翠之間既長樓梯落返去，途經一個停車場同大馬路。 

驚弓之鳥大概就是形容我現況吧，我每行幾步就搵遮掩位、十足神經漢。 

快走到那條長長的樓梯，經過的時候、我發現路邊好像有奇怪…… 





 

草叢、樹後有點奇怪既紅袋，睇起上黎係有條路通向唔知邊到，為左標示入口處、放左啲類似標記既野係路口到。 

奇怪，之前好似未見過有啲咁既野？ 

我行近少少望，果然發現有一條小路、奇怪既係路口有幾尊有點破舊既神祇像 

 




 

小路既盡頭，通左去一個人工開闢既小空地、同樣地地上胡亂地放了一些奇怪既神祇像。 

而空地旁係一個下水渠、係到已經望到我本來想行既長樓梯、似乎可以通返過去…… 

 

我不假思索咁行前兩步，正當我諗緊點樣通落去長梯既時候，我眼尾好似望到啲野。 

我嚇一嚇、將頭望過去有異既方向。 

係不遠處、我見到有兩個黑色行裝既人手持兩支奇怪既桿、隱匿係草叢入面監視住樓梯既動向。 

從後方來看、這兩人應該同樣載上一個口罩。 





如果佢地等緊既係一件『事』，咁果件『事』除左係佢地預計我可能會再經這條樓梯外、相信別無外選。 

頭皮發麻感再次傳出、呼吸開始急重的我退後左幾步…… 

第一步……如果唔係誤打唔撞就左入黎，我應該比佢點唔知點處理緊。 

第二步……佢地竟然咁有部署，仲估到我會點……有咩事情發生緊阿？！ 

第三步……『咔、爛』！ 

我望向我落腳既方向，仆街！一時恍神，冇留意行前兩步、退後三步，我踩碎左果幾個神祇像！

正當我仲心入面講緊仆街既時候、已經見果兩個人衝緊過黎。 





無疑的，他們的臉上掛住既同樣是由恐怖的純黑雙眼、烏鴉形口罩組成的樣子。 

出事了……