[誤墜]係獅隧口落車 就出左事: ２６

 
點解佢地會係出面？佢地點知我住邊架？ 

唔通由我走出黎開始，佢地就一直跟住我？！ 

我一時間完全驚惶失措咁企左係到，佢地點黎唔係重點…… 

重點係佢地而加想點！ 

想破門入屋？想對我對鐵閘做手腳，唔比我出黎？定係甚至想殺人滅口？ 





但！滅咩口阿？我乜都唔知喎、咩事得罪你地阿加陣？ 

我繼續屏起呼吸望住佢三人，佢三對黑壓壓、詭異既眼睛亦都靜止咁望住我既方向、 
雙方只有一木之隔！ 

如果冇估錯，應該佢地係聽到我關左花灑、所以想睇定啲先停止哂所有動作。 

唔通真係黎個敵不動我不動？唔得，我唔知既野已經太多，唔可以再被動落去！ 





大概我已經肯定果Ｄ『獨獨』聲係由佢地手上既桿整出黎，由嘈醒我開始、到我沖涼，佢地應該搞左半個鐘有多。 

進度應該都差唔多、甚至完成。 

問題係如果佢三個知道左我發現左佢地，會唔會突然發難？ 

係既話佢會攻入黎定用其他方法？放火、放毒、放煙？ 

我又可以做啲咩？唔通立野出去同佢地搏過？ 





唔可能！我咁既普通人一打一都未必有勝算、更何況對手係三個。 

目前要做既……只有係維持唔好令件事爆發先！ 

我攝手攝腳咁，走返入廁所、故意開大個花灑，然後走入房、鎖起房門，拎齊所有必需品、我就放條繩出窗外，爬窗跳走！ 

我敢咁做唔係因為我有特殊既走佬技巧，係因為我屋企只係住三樓，只係地下、二樓、三樓咁計既『三樓』。 

而二樓外面就有一個簾蓬位，有次宵禁既情況下、我迫不得以試左一次用繩跳出去之後發現其實唔難，結果咁變左我常用既偷跳手段。 

估唔到咁快就要離開個冢，接下來必需要返去搵返個女仔了……