[誤墜]係獅隧口落車 就出左事: １６

「係阿，正常…返好多。」我講野先發現自己塊面震緊。 

我一邊講，一邊背住右邊條小路退後。 

「咁，你做咩仲走？我唔係怪物喇！」佢好似嬲嬲地。 

繼續逐步逐步後退、後退。一時間我諗唔到點應佢、喂，你痴成咁阿大佬！ 

「欸……欸」我開始越行越急。 





但係見到佢異常既表情越發猙獰、仲慢慢提起把刀行近我！ 

「我……我去叫大家睇下你、你已經冇事喇，係阿、你可以受大家歡迎喇！」 

我話都未講完、轉身就向路既另一端跑過去。 

跑到路既一半、我發現路既右邊有一戶人家、剛岩著燈。 

「救命阿！救命阿！」我大叫，無顧及個男人係邊到，因為真係太慌喇…… 





「你呃人。」 

金屬的冰冷感刺入我大腿後面。 

一睇、發現係頭先把刀插住左我，而佢本人既動作係岩岩擲完鉛球咁既姿勢、然後慢慢行緊過黎。 

會死、絕對會死…… 

我負住把刀、單腳彈下彈下咁向前跑，眼尾見到佢差唔多埋到黎！ 





慌不擇路下，我一野拔左把刀出黎、隨手掉低左，一口氣向右邊欄杆、雙手一按跨了出去。 

下面係斜坡、我沿住有大概六十度斜既斜坡滑落去，唔知滑到幾時、轆左一兩下左右終於到地。 

望上去睇下條友、見到佢竟然執返起把野，再擲過黎！ 

仆街，冇諗過佢會執返再掟！ 

把刀沿住直線軌跡不停旋轉，直線既終點就係我個頭…… 

屌，有冇咁準呀！ 

情急之下、我縮低頭、舉臂一擋，『切』的一聲，那種入骨的感覺再次傳來。 

大概這次刺中的是右背肌左右既位置。 





「你走唔甩架！」佢一路講一路跑落黎…… 

痴線，同你有仇咩？