[誤墜]係獅隧口落車 就出左事: １０

明明就係出面睇到裡頭有光，點解黑成咁？ 

我望望頭先係外面望入黎既窗、發現窗下面係有盞燈，但屋內四道牆都被一幅厚大既黑簾幕蓋住。 

所以入面完全冇光。我順住門框扶起身、比我摸到個燈制。 

盞燈唔算光猛，但足夠令我睇到入面有咩。 好多鏡、一張床、一個衣櫃。 

右方床邊既牆上面有一幅掛畫。
 





由直線和曲線組成，四份一圓的下方畫了一筆向下弧的曲線，朱紅的直線在四份一圓的右邊， 
最後、一筆黑色的孤線由上而下落…… 

抽像畫我是不懂欣賞的，但這畫令我有像怪怪的感覺。 

硬要說這是幅畫，我會覺得比較似人像畫…… 

彷似一個在哭的人，扁著咀、哭著臉，眼臉從上而下沿法令紋滑下來。 





要說眼淚為什麼是黑色？大概是畫不出透明的眼淚吧，要是畫了、你也看不出來。 

再向左看，有一座連鏡梳妝台在我左手沿牆角。 

我屌你老母！邊個嚇勁我？ 

當然我冇大叫出黎……只係心入面諗、同時倒抽一口氣。 

梳妝台前面放左一根一米左右既竹桿、竹既頂端掛住左個假髮。 





個高度……就好似呈現緊有個女人，坐係到望緊梳妝台塊鏡咁！ 

人體本能反應，受驚嚇時眼睛會主動想逃離來源，最基本既反射動作就係焦點轉移去第個物件。 
係果個時候，我留意到衣櫃下面，有一對鞋。 
一對對住衣櫃門既鞋……