布達佩斯男孩: （二）

「我個名叫 「Csaba」， 今年22歲，係啊May 故事入面嘅布達佩斯男孩。
 
5歲𠴱一年我跟我啊爸、啊媽仲有一個家姐，移民左黎布達佩斯，𠴱陣啊爸係布達佩斯
 
做生意，之後我地成家人都搬左去布達佩斯。對於香港嘅印象，可能得返5歲之前係
 
徒置區住嘅記憶。依稀記得𠴱陣幼稚園放學之後，就會格離屋嘅細佬仔一齊去公園到
 
玩、周圍遊盪、間唔中會一齊做下功課玩下棋同board games、一齊組隊排欄杆等等嘅
 




童年回憶，唔知道佢地依家過成點呢？
 
5歲𠴱年簽證通過左，媽咪帶埋我同家姐一齊去布達佩斯。5歲𠴱年第一次出國，由香
 
港飛到赫爾辛基再轉機到布達佩斯，一落機出到閘就見到啊爸。到左布達佩斯之後嘅
 
暑假，可以話係好無聊、好悶、好難捱。我地一家人搬左去離布達佩斯有D距離嘅郊
 
區。我啊爸啊媽係𠴱到開左鋪頭，剩係星期六日先會返去布達佩斯。𠴱兩個月可以話
 




係我人生入面最難捱既日子。由香港去左一個完全陌生嘅地方，身邊冇左格離屋嘅細
 
佬仔一齊玩，冇中文字嘅電視睇、冇電腦，得返一D睇唔明嘅匈牙利文教材同
 
DVD。
 
終於都等到9月1號開學，返學之前啊媽同我講，記得主動D去識朋友，如果唔係，返學
 
就會好寂寞，啊媽帶左我去一間中匈雙語（中文匈牙利文）小學到讀書。我
 




班主任係一個匈牙利女人，佢個名叫做Nagy，佢知我係新生，
 
好熱情咁叫我過去，帶左我去參加開學典禮。
 
開學典禮完左之後，我地番返去課室，Nagy 問我想唔想要一個匈牙利名，我點一點
 
頭，之後佢係黑板上寫左3個名，叫我簡一個。我簡左Csaba，因為聽落去有個”超”
 
字，而我個中文名又有個超字，所以簡左呢個。點知其他同學仔都係到笑，因為聽落
 
好似普通話嘅”草包”咁。（間學校得我一個人黎自香港，其他人都係講普通話）
 
落堂之後，有好多同學黎搵我玩，佢地對於我嘅來歷好好奇，好快我地就玩埋一
 
齊。黎緊嘅一年，係學校主要都係學匈牙利，由ABC到單字，再到寫文造句，




 
個過程就好似BB仔學講野咁。」
 
 Once I was seven years old, my mama told me
Go make yourself some friends or you'll be lonely. 小學嘅時候，每日返學返朝早8點，9點45食早餐，11點40吃晏就飯，3點就放
 
學，我冇係香港讀過小學，不過聽啊May講，香港讀書壓力好大好辛苦，所以佢冇咩
 
童年。
 
我小學時候最尾兩堂係自修，剩係係課室入面做功課同玩，日子過得好輕鬆。每日返
 
學我都要搭3號電車，車程20鐘，然後再轉173號巴士再坐10分鐘，加加埋埋返學
 
都要用45分鐘。我返學放學都係自己返，啊爸啊媽做野唔得閒湊我，每次見到其他同




 
學嘅家長黎接放學，我好羨慕佢地。。。。。」
 
─────────────────────────────────
 
9月1號，我係維也納大學嘅暑期德文班終於開始。
 
Sofia 同我一齊去買左一架二手單車，我差唔多日日返學都踩單車。
 
我嘅人生就係奧地利開始，我唔洗日日逼地鐵返學，我去左一個天堂。
 
每日我踩單車返學都有依種諗法，日日返學嘅路程，
 
望下周圍嘅花花草草心情都靚D。
 




暑期班嘅星期一至五都要返學，朝早8半上到下就4點。
 
我識左一個男仔，佢個名叫做Vid，黎自斯洛文尼亞。
 
佢係我之後嘅男朋友。
 
自從黎左維也納之後，每日都好似過緊退休生活咁，Daily routine就係行下教堂、公
 
園、去湖到游下水。得閒係屋企幫下Sofia湊下佢隻貓仔，煮下野食、係露台到睇下樓
 
下細路仔係公園到玩，Exchange 嘅生活好美好。
 維也納大學係奧地地最古老嘅大學，有成600幾年歷史，佢嘅建築用用左文藝復興時
 
期嘅建築風格，學校附近有一座教堂，個名叫做還願教堂（Votivkirche），離遠都會
 




望到兩個整齊嘅教堂尖頂。我穿過草地，行白色樓梯上課室，我向上望，樓底好高，
 
我諗至少有10米咁高，好空曠嘅空間，講野有好大回音，我就好似係一個宮殿入面
 
咁，係到讀書都真係幾正。
 
「你係咪都係黎上暑期班？」行行下樓梯，有個幾豐滿嘅曲髮女仔問我，佢D頭髮係
 
染左嘅Ginger 色。
 
「係啊。」我答佢。
 
跟住我地就一齊行，傾下大家黎自邊到之類嘅問題，佢個名叫Anastasia，黎自白俄
 
羅斯。
 
入到課室，老師已經將3張長檯拼左一個U字型，白板就係U字嘅缺口到。
 
我地一班有12個人，U字型咁坐，就好似一個小型會議咁。
 
全班得我一個亞洲面孔，驟眼睇，有黑人白人。
 
德文老師係一個和藹可親嘅德國人，我地叫佢做Lars，
 
佢叫我地自我介紹，12個同學入面，有同學黎自美國、烏克蘭女仔、白俄羅斯、英
 
國、俄羅斯、埃塞俄比亞、斯洛文尼亞、保加尼亞等等。
 
我隔離坐左一個男仔，佢個名叫做Vid，綠色眼睛、深啡色頭髮嘅一個黎自斯洛文尼亞
 
嘅22歲男仔。佢德文好好，識得講中文，因為佢之前去過南京讀書，佢有時會同我講
 
下中文，我同Anastasia 同烏克蘭女仔Alisa，好快就做左好朋友，暑假班都一齊食
 
Lunch 。落堂之後，我會同Vid會一齊去Café 傾計， 一齊做德文功課、去Café 傾計
 
傾成日。 第一日返學，我以為自己係皇宮入面上緊堂。
 
有一日Vid約我去食PIZZA，我地𠴱晚去左市中心，St.Stephan 教堂附近一間比較出
 
名嘅意大利PIZZA店食PIZZA，我唔係咁鍾意食西餐，不過佢好推薦𠴱間餐廳，所以我
 
去左。
 
「我想你做我女朋友。」VID用冇聲調嘅普通話同我講。
 
食完飯之後我地去左行維也納中央公園，佢向我表白。
 
𠴱晚之後，我係維也納就多左一個男朋友，我地每日都一齊返學放學。我地同同班嘅
 
同學有時會一齊去City TOUR、去多瑙河到游下水、行下教堂、又會一齊參觀下唔同嘅
 
博物館。

 人生好好好好好好好好美好。